💥هوس 💥السفاح💥

02/15

💥هوس السفاح💥15/02/
بقلمي ✏رنوشة✏
واصل معاها لدرجة الهوس متحمل كل شئ حتى تفريطها فولادهم أما هنا وتحبس بنتو مريضة وأمها موش واعية بشئ قربها منها بعدت خطوتين عاود قرب وهي بعدت لين تخبطت فالحيط يحكي وعينيه دم عروقو مكبوسين رجع أرسلان نتاع أول ماتعرفت عليه يحكي معاهاموش على أنها مرتو
أرسلان:شوفي فيها مليح شوفي بنتك قطعة منك هاذي بنتي الفرحة يلي ستنيتها شهور الليلة لوكان نتأخر عليها شوية نخسرها بسباب عنادك وإهمالك تعرفي لوكان تصرالها حاجة محال نسامحك محال
بعد عليها مخليها مصدومة وتبكي دموعها على خدها ويدان عزيزة وسيلا يسكتو فيها وكرم لحق وراه بعدتهم ولحقتو تجري ناسية لبستها وأنها حفيانة أعطيها بنتها يلي سمحت فيها أيام قلبها نار عليها حبس على صوتها وهي تنادي عليه يحبس يلي يشوف حالتها يحسابها مهبولة ولا شواش بيها
آيات:حبس أرسلان حبش 😭😭😭نحب نجي معاك بنتي 😭😭أعطيني كبدتي هي بحاجتي
شاف معاها زمان وبعدها مع بنتو وكمل يمشي حط بنتو فكرسيها فالطموبيل وهي وراه عير غلق الباب كانت فوجهو حضنتو تحكي وتبكي بالشهقة وخوف مزيرة عليه حابتو يسامحها على غلطتها
آيات:سامحني 😭😭بليز والله ماكنت عارفة روحي واش قاعدة ندير نحب على بنتي هي بحاجتي أنا أمها وعد نصلح غلطتي ياروحي بليز
ركبها فالطموبيل وشاف مع باب الفيلا لقى سيلا نادلها جاتو طلب منها تجيبلها روب تلبسها بالخف مع كلاكات والثانية نفذت 5دقايق ورجعت بيهم مدتهملو لبسهملهاوهي مسلمة غير دموعها نازلين هزت بنتها ضمتها لصدرها تبوس وتعاود دموعها لاحبو بكفو وهو ديمارا نصف ساعة وكانو فالمستشفى نزل وهي معاه دخلوها ديراكت للإستعجالات شدتها عليها الممرضة وهي حلفت لاتسيب يدها يتبع فيهم وخاصة فيها حالتها قسمتلو قلبو أما لازم يكبس عليها يوريها العين الحمراء باش تفطن لروحها وترجعلو هو وولادهم جاتهم الدكتورة سألتو عليها قاللها عالحمى طلبت يعطولها الدواء ويركبولها المصل بعدما فحصتها وشافت معاهم
🙎:سيدي لايوجد داعي للخوف الصغيرة بخير ولكن نموها ناقص قليلا وأخذت برد لذلك إرتفعت حرارتها أتيتم بها فالوقت المناسب عليها إكمال الليلة هنا وغدا نخرجها بالشفاء عليها عن إذنكم
راحت الطبيبة بعدما أمرتهم ينقلوها لغرفة عادية وأهلها معاها قاعدة بجنبها شادتلها يدها وتبكي بحرقة خايفة عليها تبوس فيها وتحكي بأسف
آيات:سامحيني ياروح الماما حبيبتي أنت أنا أهملتكم وماخليتكمش تحسو بحبي ولا حتى تذوقو حليبي وعد نعوضكم عكل لحظة ضاعت هه
واقف فالجيهة الثانية يشوف معاها ويسمعلها قلبو محروق من دموعها قص عليهم دقان عالباب وبعدها دخل كرم لحقهم باش يطمن على نجود وقف بجنب خوه وبدأ يحكي معاه وعينيه عبنتو
كرم:واش قالولكم ياك ماكانش حاجة تخوف طمني يما والبقية على نار باش يطمنو عليها قول
أرسلان:الحمد لله لحقناها فالوقت غدوة نخرجوها أنت أرجع للدار وطمنهم ماتنساش فاضل مريض
على سمعت إسم باباها وأنو مريض شافت معاه وقبل ماتحكي تنهد وتكلم معاها هي يخبر فيها
أرسلان:أطمني هو بخير تصاوب برصاصة فالعرس فكتفو أما لاباس جيست يحتاج للراحة أيامات
تنفست براحة ورجعت تشوف مع بنتها وتتأمل فيها نسخة منها فكل شئ ماعدا لون عينيها ماحستش حتى بكرم وقت إستأذن وروح بعدما خرج خوه نزل باس راس بنتو وشدلها يدها يحكي معاها وهي تسمعلو وغايرة حتى من حديثو معاها
أرسلان:برنسيستي هكا تفجعي البابا عليك تعرفي أنك روحي وبنتي الزينة ماتعاوديهاش يانجمتي
يحكي وهو حاضيها بشط العين عارفها مية بالغيرة
👑Ranoucha👑