💥هوس 💥السفاح💥

78

💥هوس السفاح💥78
بقلمي ✏رنوشة✏
فمو على فمها يعدي فيه يديها مكبشين فاللحفة وعينيها مغمضين مستحلية قربو فلحظة دزتو بكل قوتها زعزعتو وتكمشت على روحها تبكي ومحاوطة كرشها بيديها لثنين كلامها سكاكن فقلبو
آيات:أبعد أنت ياكلب أبعد 😭😭أرحمني أنا تعبت والله تعبت هو وحدو من حقو يلمسني هو حبيبي
سطل ماء وتكب عليه الكلب هذاك رغم أنو مات ومازال عامل حاجز بينهم رجعها تكوبس بفعلتو تنهد من الأعماق وقرب منها جبدهر بقوة لحضنو مزير عليها يبوس فرأسها ويهدي فيه يحكي بحب
أرسلان:أشش حبيبي هذا أنا أهدي وشوفي معايا أششش ماتخافيش هو مات أنا قتلتو رراسك مات
هزت عينيها معاه بضعف ووجيعة زادو كملو عليه غير كيف يشدو فاضل يحاسبو على خطفو ليها لولاه هو ماكانتش خمت تبعد ولا تتزوج أسر وكمل الخامج يلي مخدمو عندو رعبها وخلاها تكوبس(يافاضل أدعي تمسك كورونا ولا يشدك أرسلان) باسها من راسها وتكاها فبلاصتها وهو تكى جنبها بيد مخضنها والثانية يمسح عكرشها
آيات:نحبك أنا والله نحبك مانقدرش نتخيل حياتي بعيدة عليك حتى ولادك يحبو عليك أنت
يمسح عكرشها بحنية وخوف أول مرة يعيشو تكلم
أرسلان:مام أنا نحبك لا نعشقك راكي هوسي حبي الصغيرة محال نبعد فيك ولا فولادنا هيا تأكلي
حركتلو راسها بإيه ووقفت معاه هبطو للصالون وصى الخدامة تحط الماكلة شوية وحطتها قعد وهي فحجرو ضربوها ولادها وجعوها زيرت على يدو بوجيعة شاف معاها وهي حطتلو يدو عكرشها
آيات:أحكي معاهم يقعدو عاقلين من الصباح وهم يضربو فيا وجعوني 😞ياك أنا أمهم علاش هكا
تبسم على دلالها عضها من رًقبتها قبل مايتكلم صونا تيليفونو عزيزة تعيط (التحراميت ياسلام)
غير شاف رقمها طلق ضحكة من قلبو خلاتها تسهى فيها وتذوب تتشهى تغرق فيه وتذوق شفافو لعسل يلي أدمنتهم هز عليها يحكي معاها
أرسلان:خالتي أنت عندك كاميرات مراقبة ليا، أنا ولا كيفاش كل مانقرب نلمسها تحرميهالي علاش
عزيزة:ماسط الهم هذا أسكت وأسمعني بعدها نحاسبك أنت والثاني يلي مسلم فيها وهي مرتو
كبس بونية يدو موش حاب يغلط معاها مهما يكون تبقى كبيرتهم أما آيات بنتو موتو حبيبتو هوسو
أرسلان: غير الخير واش صار حتى عيطتيلي درك
عزيزة:لبنية سيلا صحات وتنادي على أيات تعمل مزية تجيبها تطل عليها درك وينها روزا معاكم ولا
أرسلان:تتغذا ونجيبها لعندها أصلا هي طالبة تشوفكم وروزا تخنقت مالدار خرجها أسر تحوس
عزيزة:باهي تو نحكي معاه ونقلو يجيبها لهنا توحشتها بنيتي الغالية كبدتي يا أرسلان كبدتي
خاف يحكي كلمة تفهم عليه آيات رجع يتلف فيها
أرسلان:ممممم نعرف، خلي نجي ونحكيو درك، باي
كوبات معاه وهزت، عيطت، لأسر باش توصيه يجيب روزا، للمستشفى فالوقت هذاك كانو ثنيناتهم مقابلين لبحر متكيين عالطموبيل كل واحد منهم غارق فتخمامو شاف معاها بعمق عينيها لمدمعين ولمعة الحزن يلي فيهم زادوهم إغراء شفافها يلي يرعشو من البرد من غير مايخمم دورها ليه غرس يدو فشعرها والثانية فرقبتها وغرق ففمها يبوس ويتفنن وهي ماتحركتش صيحكي ماخلالهاش الفرصة تستوعب عملتو لين قريب قطع عليهم النفس حط جبينو عجبينها ذايب وشفافو عشفافها يلعبو ذوبها (يامعلم) قص عليهم صوت تيليفونو يصوني هز من غير مايعرف شكون يسمع فيها تحكي وهو ولا على بالو بيها
عزيزة:ياكارثة أنت وينك هاز الطفلة معاك عارفتك ماتصبرش والله يا أسر نقتلك الأول عملها فغفلة مني أما تو نوريكم شمعناها تحطو عينكم عليهم
كلامها رجعلو عقلو تبسم بين شفافها وتكلم بهمس
أسر:وعلاش أنت وبناتك خليتو فينا عقل يا زوزا راكم جنيات شوية ونكون عندكم وهي معايا، ههه
👑Ranoucha👑