💥هوس 💥السفاح💥

02/03

💥هوس السفاح💥03/02/
بقلمي ✏رنوشة✏
فغرفة العمليات تصارع فالموت اليوم هو أحلى وأسعد يوم كانو يستناو فيه من أشهر يوم يصيرو فيه راجل ومرتو السفاح يلي مايتقهرش وجيعة هوسو وبكاها خلاوه ينهار ويبكي إيه يبكي خاوتو معاه بالخطوة خايفين عليه وعارفين أعز المعرفة واش تعنيلو هي فحياتو يواسي فخوه وعينيه عليها دمعة سخونة هبطت على خدها خلاتو يتحرق ويتنطر لعندها لحسهالها بلسانو وحط جبينو عجبينها ويدو عكرشها يحكي معاها بهمس
أسر:أششش موش مليحلكم لبكاء ماتنسيش خالتك هنا وإذا عرفت تقتلني وأنت ترضايلي الموت نعرف حبي ماتسخاش فيا أدعيلها تمنع منها
تشوف فعينيه وتبلع فريقها شهوتها جاتها درك عليه لوكان ماتديهاش تموت أما هنا ومع الجماعة مستحيل واحد منهم مايعرف بحملها غير يلي للداخل تصارع فالموت العرس يلي تحول فرمشة عين لمجزرة وأي مجزرة هي تصاوبت وفقدت روحها قتلوها وحرموها منها كيفاش رايحة تتحمل وشكون رايح يقدر يخبرها أكيد رايحة تنهار موش ساهلة خسارتها سيلا محضنة دانيال وطالقتها للنواحات وهو يسكت فيها كرم يراقب فيهم بالواحد هاذو عايلتو وأحبابو خاوتو يلي كان قبل مدة موش بعيدة ناوي يديهم بنفسو لحبل المشنقة فأخر لحظة تكشفت لحقايق وبان المستور تلم شمل العايلة وعزيزة محضنة أسيا أم السفاح ودموعها نازلين على حالتهم وين وصلت فرحتهم ماتمت الصمت يلي مخيم عليهم قطعو صوت الألة يلي فغرفة العمليات تصوني إنذار منها على موت المريض الزمان والوقت وقفو عندهم فلحظة لكل مصدوم وعينيهم فجيهة وحدة ليه هو يلي واقف كيف الجثة من غير حياة لايسمع ولا يحكي من ساعات من لحظة الفاجعة يلي قلبتلهم حياتهم وحولت اليوم هذا لأتعس يوم صوت واحد يتردد فوذنيهم وهو صوت الألة يلي تعلن عن توقف قلبها خرجتلهم الطبيبة وهي كلها دم ولعرق يتصبب منها تحكي وتسأل فيهم على راجلها القرار بيدو هو وبس لازم عليه يختار بينهم ولادو وعشقو نوارتو
🙎:شكون بينكم راجل المدام هنا بحاجة قرارو ضروري كل دقيقة تأخير نكونو لكلنا خاسرين فاها
وقف من بلاصتو وجاء مقابلها تكلم وهو عينو عالغرفة يلي ضوئها مازال أحمر روحو هوسو فيها
أرسلان:أنعم دكتورة غير الخير نسمع فيك أتكلمي؟
🙎:الحالة ماطمنش ومضطرين نختارو بين لولاد والأم مستحيل يمنعو فأربعة عليك تختار بينهم
كلامها طاح عليهم كيف الصاعقة أما هو مايحتاجش يخمم أكيد هوسو أولى صحيح لولاد ولادو وراح يتكوى عليهم أما غير تكون هي بخير مع ليام يجيبو غيرهم رغم أنو كان أشهر يستنى فيهم باللحظة باش يهزهم ويشم ريحتهم باش يبوسهم ويلعب معاهم أما كل شئ فكفة وآيات فالثانية يخسر حياتو ومافيها وهي ماتتمسش
أرسلان:من غير ماتخمي دكتورة أنقذيها هي مرتي أبجل وأولى نحبها هي ترجعلي بخير هذا مانحب
غير كمل كلامك دخلت هي للغرفة وهو رجليه خانوه قعد على أول كرسي كان وراه خاوتو تنطرو لعندو ثنيناتهم يواسيو فيه أمو تبكي دم على حالة ولدها وبنت أختها قربت منو غير لمست شعرة تنطر حضنها مزير عليها تاعب وماعادش فيه دمعة نزلت عخدو زرب مسحها تكلمت هي معاها بحنانة
أسيا:يعيش ولدي يزي ماتقتل فروحك وأدعليها تسلك بخير الضنا موش ساهل خسارتو أما وهي بجنبك تجيبو ولاد وتربوهم كيف كيف أدعيلهم
ساكت من غير مايخرج كلمة ساعة وساعتين فاتو من غير حتى خبر قلوب الكل تبكي دم على الحالة يلي هم فبها فرمشة عين كل شئ تبدل صوت بكاء نتاع صغير خلاهم يستنفرو مصدومين يشوفو مع بعض موش مصدقين أما هو تنطر واقف دخل لعندهم لغرفة العمليات رغم محاولات الممرضات بأنهم يخرجوه ماقدروش قرب منها مصدوم مالمشهد يلي قدام عينيه كيفاش ووكتاش صار
👑Ranoucha👑