💥هوس 💥السفاح💥

55

💥هوس السفاح💥55
بقلمي✏رنوشة ✏
فاتو يومين على يومها خرجت من المستشفى ورجعها للفيلا وسيلا معاها حاطها فعينيه ماقدروش يقولوللها على خبر خسارة ولدها الليلة مقرر يخبرها عارف لحكاية صعيبة عليها أما لازم تعرف مهما يكون تبقى أمو ومن حقها تعرف دخل للغرفة راجع من الشركة أصلا كل يلي غابو عليها 4ساعات حضر فيهم إجتماع مهم كلات الدنيا بالتيلفونات ولبكاء واحد ماقدر يهديها منهم سيلا وعزيزة حاطينها فعينيهم مايخلوهاش وحدها لحظة قابلتو متكية فبلاصتها وعينيها مدمعين ظاهرة أنها فاطنة نحى الفاست والشوميز وقعد بجنبها يمسح عشعرها فتحتهم تشوف فيه بعيون دامعة ومكسورة حاسة بوجيعة فكرشها و خوف
أرسلان:نحبك تسمعيني مليح وتفهميني لأنو مهما صار مراحش نسمح فيك أنت حبيبتي يوم الحادثة وقت ديناك للكلينيك الطبيبة قالتلي أنك كنتي حامل أحنا كان رايح يجينا صغير مني أنا وأنت
(أفهمو يابنات أرسلان موش رافض لولاد كره فيهم لا هو يخاف يرجعو نقطة ظعف ليه كيف أمهم )
آيات:واش قصدك بكنت حامل وبكان رايح يجينا صغير واش صار ولدي صارتلو حاجة أتكلم 😭😭علاش ساكت واش كاين شبيك حاقرني
أرسلان:حبيبي ياروحي أهدي أنت مريضة والغش ولبكاء يزيدو يضروك أحنا خسرنا ولدنا يلي صار نزفتي وجسمك ضعيف ماتحملش الله غالب
بعدت عليه الدموع ينزلو وحدهم فجعها بكلامو حسبالها صارت حاجة أخرى تحمد فربي وتعاود أنو ماعرفش بسرها هكا تحميه وتحمي ولدهم يعني درك هو بأمان الكل فبالهم أنها خسرتو الحل الوحيد باش تحافظ على حياتهم أنها تروح وتدي معاها سرها ولدها رايحة تربيه وتخليه يكون نسخة من بوه فالحنانة نتاعو يلي مايظهرها غير معاها فرجولتو (شحال تعجبوني وقت تتحشالكم وتصدقو الإكستراء ولا المقتطف ياحرام هههه)
وقفت مذعورة ومتصنعة الصدمة والحزن تحكي معاه وتبكي تلوم فيه على أنو هو السبب فلي صار
آيات:أبعدني أبعد عليا 😭😭😭أنت السبب خدمتك وظلامك هما السبب فموت ولدي أعمالك السوداء خلاتني نخسر قطعة من قلبي هذا عقابنا عالحرام يلي عايشين فيه حرام 😭😭😭😭
خلاتو مصدوم مبهم يستوعب فكلامها وخرجت من الغرفة تجري قابلتها عزيزة فالدروج عيطت عليها ماردتلهاش لحقتها مع وصلت للباب نتاع الجنينة جات طايحة بين يديه دايخة ومسلمة لحقت عليها الدموع فعينيها دخل بيها للداخل وهي وراهم قابلهم نازل يجري صدرو عريان ينهج غير شافها فحملتو جن كلب جنونو ركبوه(ياي ت###)
جرالهم هزها من بين يديه خايف ومعصب فرد وقت طلع بيها لغرفتهم وهم وراه جابتلها عزيزة الريحة فطنتها بيها سيلا تانيك لحقت غير شافتو طالع بيها يجري مع شافتو تنطرت مبعدة عليه تبكي وتعيط الشي يلي خلى وجيعة كرشها تقوى
آيات:أبعدني يا مجرم أبعد 😭😭ماعدتيش تمسني أنت السبب فموت ولدي حرمتني منو 😭
شافت مع البقية وتركزت بعينيها على أسر هو خلاصها الوحيد لازم تكون أنانية ولو مرة فحياتها تخمم فروحها ولدها وحبيبها ماعندهاش حل غيرو تكلمت وياريتها ماتكلمت صدمتهم لكل وهو بالأكثر كلامها كان الخنجر يلي قتل قلب السفاح
آيات:أسر تتزوج بيا بليز بعدني عليه خليني على إسمك مرتك حلالك وحدك أديني منا هو وحش
ماقدرش يتحرك ولكلام هرب منو كلامها هذا كان سم وشربتهولو مستحيل يصير يقتلها ويقتل روحو معاها ولا يوافق يخليها لغيرو وهو حي يرزق قرب منها مقابلها هز يدو وعطاها كف جابها طايحة فالأرض جراولها عزيزة وسيلا نوضوها هزت يدها تحذر فيه وعينيها دم على حالتهم، هاذي عين وصابتهم كانو فرحانين وعن قريب يكونو عيلة
عزيزة:كنت داعمتك أنت وعلاقتك بيها لأنكم تحبو بعضكم أما توصل تهز يدك عليها أنساها للممات
👑Ranoucha 👑