💥هوس 💥السفاح💥

02/05

💥هوس السفاح💥05/02/
بقلمي ✏رنوشة✏
أسر:عندي ليكم خبر أسمعو الأول وبعدها روح وين تحب مراحش نشدك مرتي بالحمل فشهرها الثاني
أرسلان:اووووو يامعلم حطيتها فالڨول من أول مرة مبروك عليكم كي اليوم تهزو بين يديك يالخو
كرم:ياسلام معناها حفيد أخر جاي للعيلة والله يا أسيا ولادك موش ساهلين ههههه مبروك عليكم خو
أسر:مرسي ليكم العاقبة ليك أنت ياهامل أرزن وأتزوج راك 28سنة واش مازال تستنى أتحرك
كرم:مازالني صغير نحب نعيش حياتي وبزيادة أنتم تزوجتو فالثلاثين وأنا حابين تخنقوني درك لا
أسيا:ماتردوش عليه المهبول هذا وهز مرتك أديها للدار ترتاح ياديني بلحمل ومن ليلة البارح مارقدتش أتحرك وعندك عليها هاي عيني تزعفها
أرسلان:هيا طير رجعها للدار وأبقى جنبها ماتخليهاش وحدها راهي حامل بولدك أتهلى فيها
تبسملهم وخرجو ثلاثتهم مع بعض كرم عند ولاد خوه وهما لدارهم أسيا وعزيزة بقاو معاهم تكلمت
آيات:وينهم إفتخار وبابا علاش مادخلوش لعندي صارتلهم حاجة قولو وين راهم مستحيل يخلوني
شافو مع بعضهم وهو كبس على يدها بين يديه من غير مايفيق بروحو وجعها هي نافسة وموش باهيلها الزعاف ولبكاء لازم يلقالها حجة يبرر غيابهم عالأقل الأيامات هاذو تنهد وتكلم بحزن
أرسلان:إفتخار فالدار واحد من ولادها مريض من يلي صار البارح تفجع وباباك طلبوه عاجل فالخدمة
تشوف فعينيه يلي يلعبو ويهرب فيهم من عينيها متأكدة أنو يكذب هو مخبي عليها حاجة حافظتو تكلمو أمو تودع فيهم لازم يرجعو للدار يرتاحو
أسيا:أحنا نخليوكم يابابا لازم نرجعو للقصر ونرتاحو عندك عليهم لعشية نرجعو نطمنو عليكم
عزيزة:أي خالتك عندها الحق لعشية نرجعو نطمنو عليكم ياميما أرسلان ممكن تجي معانا لحظة ولدي
حركلها راسو باس مرتو من جبينها وخرج معاهم قدام الباب وقف مقابلهم يحكي وقلبو واجعو عليها
أرسلان:مستحيل نسمح أنها تعرف سلي صار مع أختها عالأقل الفترة هاذي هي نافس وخارجة من عملية كنت عشعرة رايح نخسرها فيها خايف والله
أسيا:عندك الحق مالازمش تعرف أنو أختها توفات رايحة تتعب وتتأزم حالتها خليك معاها طول الوقت وأحنا نتكلفو بأمر الدفينة والجنازة أرتاح
عزيزة:أي أمك كلامها صواب أما باباها وينو مختفي ماريناهش من البارح زعمة مايكونش صارتلو حاجة مراحش تتحمل، الطفلة هذا الكل(ياسارة قلتلك أفطني عزيزة حطت عينها على الميسيو الله يستر غير هي خمت فيه وفقدتو)
قبل مايرد عليهم سمعو ردخة جيهة باب الغرفة تنطر لعندها يجري، لقاها طايحة فالأرض غارقة فدمها وتبكي ترجف وحدها عينيها دم قتلو ضعفها قرب منها ضمها لصدرو، يسكت فيها حابها تهدأ وتحكيلو واش بيها أما هي فقدت الوعي خلاتو يعيط بكل جهدو بإسمها زعزع الكلينيك جاوه الممرضات والطبيبة يجريو هزوها من حضنو داوها ديراكت لغرفت العمليات مخلينو فبلاصتو فوسط بركة دمها فيقو من صدمتو صوت عزيزة تحكي معاه ودموعها ويدان محروقة عليهم فرحتهم ماكملتش أختها تقتلت وهي كانو عشعرة راح يخسروها بيها بولادها وكمل باباها مختفي وموش عارفين بلاصتو وين من غير مايرد عليها وقف يجري لحقهم لقاهم دخلوها لغرفة العمليات قعد فالأرض مكالي ظهرو مع الحيط وقشو كلو دم شاد راسو بيديه لحق كرم يجري لعندهم غير لحقو لخبر نزل لمستواه قعد بجنبو جبدو لحضنو يواسي والثاني جثة ماتحركش ساعة وساعتين فاتو من غير ولا خبر عليها قلبو دم يبكي على معشوقتو سمح فروحو وفولادهم موش سامع بشئ من غيرها تروح هي يلحقها تفتح باب العمليات وخرجت منو الدكتورة تنطر لعندها لمجرد شافتو بلعت ريقها وخايفة من ردة فعلو من ملامحو هاذي
تخوف مزير وجهو وعروقو ظاهرين عينيه دم ووجيعتو مفضوحة عاشق ولهان معشوقتو بين لحياة والموت موش عارف حالتها كيفاش تكلمت
👑Ranoucha👑