💥هوس 💥السفاح💥

20/26

💥هوس السفاح💥26/02/
بقلمي ✏رنوشة✏
فالمستشفى وبالضبط وين روزا وأسر واقفة الدكتورة تشوف معاها شوية وتكلمت توصي فيها
🙎:سيدتي عليك أن تنتبهي من الأن وصاعدا خاصة على أكلك لأنك كنت على وشك الإجهاض
تسمع فيها وساكة غير دموعها نازلين من جيهة فرحانة أنو ربي سترها هي وولدها ومن جيهة أخرى خايفة تتعاد الحادثة قرب منها باسها من عينيها وهي غمضتهم عارفتو موجوع كيفها وأكثر
خلاها وحدها شوية وخرج مع الطبيبة يسألها إذا يقدر يرجعها للدار اليوم حابها تكون مرتاحة فالدار
عندها هي فالغرفة تايهة فالفراغ كلام الطبيبة يتعاود فوذنيها بالحرف موش مصدقة يلي سمعتو أنها راح تخسر ولدها وهي مازال حتى ماشافتوش قادرة تجهض فأي لحظة والسبة شكون غيرها الفاجرة يلي قدرت توصل لدارها وتلعب بماكلتها محضنة كرشها بخوف تهبل لوكان تصرالو حاجة هزت عينيها مع باب الغرفة يلي تفتح ودخل وجهو تاعب وحيلو مهدود عينيه دم عارفتو مقلق تبادلو النظرات زمان عينيهم وحدها تحكي وجيعتهم وخوفهم تحكي غشو وغضبو موش قادر يتحرك يروح يحاسب المسؤول عحالتها وهي هنا فالمستشفى حبيبتو جوهرتو الزينة يلي سارقة قلبو وعقلو وهي خايفة عليه يتهور ويدير حاجة تكلفهم غالي اللعب مع الشيطانة هاذيك موش ساهل تبسمت بالسيف وهزت يدها عملتلو إشارة يقرب لعندها وهو ماستناش وقربلها باسها من راسها قعد بجنبها عالسرير يديهم عكرشها جبينو عجبينها أنفاسو النار تحرق فوجها مخدرتها عيون القهوة سكروها ونساوها هي وين وشكون حطت شفافها عشفافو تبوس فيه وهو ماعتارضش العكس تفاعل معاها ودور يدو عرقبتها غارقين فشهد بعض لين تهد عليهم الباب وهم موش واعيين مازال شاهيتو هه أما مع شكون اللعب وعلاش عزيزة تخليلهم الفرصة باش يتمعشقو حتى وهما معرسين غير حس عليها تبسم
بين شفاف مرتو وتكلم بهمس فطنها عحالهم
أسر:الله غالب حبيبي جات خالتك نحبك ياروحي
بعد عليها وهي خدودها موردين من الحشمة قربت منها تبوس وتعاود تسأل فيها على يلي صار معاها
عزيزة:شنوة صار يابنيتي ماني ميمتك أنا ماتخوفينيش كنتي البارح عين الله عليكي أحكي
قبل ماتتكلم تدق الباب ودخلت منو أسيا وإيلينا وكرم رماو السلام وسلمو النساء عليها وهو تكلم
أسر:يلي صارلها كان بسبة محاولة إجهاض كاين شكون حطلها دواء فحليبها بغى يحرمني منهم ل2
أسيا:سمالله على بنتي وحفيدي ربي يحفظهم الحمد لله عسلامتكم إيه واش قالت الدكتورة أخر
روزا:وصاتني نتلهى بأكلي وصحتي كثر لأنو لو تتعاد نخسر ولدي قادرة نموت أنا معاه حقا بعد يلي صار عرفنا جنسو جاينا طفل هههه ولدي بطل
إيلينا:الحمد لله عالسلامة ياروحي أنا وصلت معاهم ورايحة تسامحوني عندي فاك لعشية نجي
أسيا:أنت يا ولدي فاش تستنى هز خطيبتك عيب أنت موجود وهي تروح وحدها فالطاكسي ماتحيش والله هاو خوك راح وصل مرتو لليسي
شاف معاهم لثنين وبعدها مع أمو وتكلم يسأل فيه
أسر:ياجماعة يالشوية علينا برك خليناكم البارح سيليباتار وماكاين شئ بينكم غير يلي نعرفوه لكل أنها تحبك واش صار فغيابنا واش حكاية الخطيبة
كرم:راك تسمع فعجب ربي العبد يكون يفطر فرحمة ربي تزدم عليه المهبولة هاذي ترميلو قنبلة عرضها عليا الزواج وتزيد تخطبني من يما حالة
إطرشق بالضحك من كلام خوه ومام روزا تضحك بالشوية موش قادرة رغم لوجيعة تعدي الموقف حتى هي إيلينا هبلت صح معناها يلي قالتو البارح نفذتو والله ماراها ساهلة تكلمت هي بهبالها المعتاد
إيلينا:أسسس أنت ياسلفي تضحك على راجلي راهو مايجيش وعيب أنا مهبولة وتعرفوني تحداو جرأتي وأنا أثبتلهم حضرو رواحكم لخطبتنا ياناس
👑Ranoucha👑