💥هوس 💥السفاح💥

02/14

💥هوس السفاح💥14/02/
بقلمي ✏رنوشة✏
عند ريتا بعدما كملت الصفقة هزت تيليفونها وعيطتلو تحكي وتضحك منتاصرة بأول خطوة فحربها ضد الإخوة ناوية تدمرهم شوية وهز عليها
مصطفى:مالأخبار هل كل شئ على مايرام البضاعة كلها معك أم أنهم غدروو بنا أعرف أنهم سافلون
ريتا:لا البضاعة كلها مهنا ومن دون أي نقص أنا أخبرتك لأني سوف أذهب الأن للسهرة والإحتفال
هي تحكي والرصاص بدأ يتناطر عليهم من كل جيهة خلاها تزيد فالفيتاس وتختفي عالأنظار هاربة من الكمين وهي تحكي معاه بغش عكس الفرحة يلي كانت غامرتها دقيقتين قبل تحولت
ريتا:تبا ******لقد نصبو لنا كميننا فالشرطة إعترضت طريقنا وأنا نفذت منهم بأعجوبة *****
الكأس نتاع الشراب فيدو يشرب منو رماه عالحيط بعدما سمع كلامها متأكد أنها موش عملت السفاح ولا الهكر هو يعرفهم مليح عمرهم يغدرو هاذي عمايل أخر العنقود راجل الدولة وهو رايح يعرف كيفاش يحاسبو ويدفعو الثمن غالي كوبا عليها وخلاها تأكل فبعضاها موش متقبلة خسارتها ضدهم زاد كرهها وغلها منهم وخاصة من أسر ناويتلو على طيحة تشفي غلها وتوسخلو سمعتو
#فات عليهم من يومها 10اليوم طالعين هو وأسرتو لروسيا خرجهم من لكلينيك قبل 3أيام آيات رافضة تشوف ولادها ولا حتى تسمع صوتهم كل ماتسمعو ترجع تبكي وتحبهم يسكتو قالبة حبها وحنانتها كاملة عولاد أختها راشد وعلي مام هم قرر السفاح يديهم معاهم لروسيا يربيوهم حاير معاها كيفاش يرجعلها صوتها يلي من يوم سمعت خبر موت أختها ماسمعوش ولا أنو يحنن قلبها على ولادهم فالمطار وصلو مع ال20نتاع الليل لقاو كرم يستنى فيهم سلم عخوه وتبسملها ليها هز معاه لولاد هو الدراري وأرسلان نجود حطوهم فالطموبيل ورجعلها هي باش يهزها رفضت حابة ولاد أختها ركبو مع كرم بألف ويل باش قبلت يبعدو عليها مسافة طريق وكانو فالفيلا لقاوهم الكل يستناو فيهم يسلمو ويعاودو خاصة روزا وسيلا متوحشينها خلاص قعدو معاهم فالصالون هي فحضنو ونجود فحضن أسر رسن عند كرم ورسلان بين عزيزة وأسيا يلي تكلمت تسأل فيه
أسيا:ماقلتناش واش قالت الطبيبة على حالتها ياولدي لوكتاش رايحة تبقى هكا من غير ماتحكي
تنهد تنهيدة تدل على وجيعتو من حالتها وضعفها مايفهم عليه غير أسر يلي بجنبو تكلم فوذنو بهمس
أسر:الظاهر الأمور زادت تعقدت عند أكثر لازمها قعدة راس رأس شوف حالتك كيفاش ماتعجبش
أرسلان:خليها لربي برك غدوة نحكيلك أما درك نطلعها ترقد وبعدها نرجع ندي ولادي مانطولش
هز راسو يشوف مع البقية ووجه كلامو ليهم لكل
أرسلان:الطبيبة وصات أنو لازم نتلهاو بيهم لكل هي صدمتها مأثرة عليها وعالولاد حارمتهم منها نجود نموها ناقص عخاوتها بحاجة الإهتمام أكثر
عزيزة:أنت برا أتلهى بمرتك ولولاد تو أحنا نرقدوهم ونتلهاو بيهم وبربي مايكون كان الخير
سيلا:أرسلان بعرف مو وقتو أما ولاد إفتخار كيف جبتن معكم هون وأهل بيهم ماحدا سأل عنهم؟
أرسلان:ماسأل عليهم حد أصلا أنا مستحيل نخلسهم يدوهم يترباو عند خالتهم ومعانا لكل هنا
سكتو الكل عارفينو وقت يحط حاجة فراسو ينفذها طلع بمرتو للسويت نتاعهم وخلى العايلة يتلهاو بالأولاد بدللها قشها ورقدها فحضنو من غير ما يتحرك عارفها تقلبها بالبكاء غير ماتلقاهش مع نصف الليل سمع بكاء من غرفة ولادو عدلها بالشوية ووقف راحلهم لقى نجود مريعتها بالبكاء غير هزها وحط شواربو عجبينها حسهم تحرقو من السخانة يلي فيها لوكان مايلحقوهاش يخسروها عيط عليهم فرد عيطة تزعزت الفيلا مام هي جاتو تجري غير سمعت صوتو ومالقاتوش حداها شاف معاها بنظرة ماقدرتش تفهمها يحبها ويعشقهاموت
👑Ranoucha👑