💥هوس 💥السفاح💥

70

💥هوس السادي 💥70
بقلمي✏رنوشة✏
فتونس وبالضبط فمدينة سوسة قاعدة فالحوش تحت الشجرة دموعها على خدها تبكي متوجعة وقلبها بنيران خسارة الغالية مكوي محضنة صورتها وساكة غير دموعها هابطين شاردة وتخمم فحياتها كيفاش رايحة تكون وهي وحدها هنا ماعندها حد قصت عليها اليد يلي تحطت عكتفها خلاتها تتنفظ من مكانها مفجوعة دارت تشوف شكون لقاتو راجل أسمر وطويل وواش من طول رجولة وحطة عيون سوداء كي سواد الليل تحكي برشا وجيعة(هاو رجعت نحكي شوية تونسي باركولي هههههه) تاهت فيهم ناسية وجيعتها ناسية حرقة قلبها (ياعيني ياولدي طيحتها من نظرة وحدة) وهو موش بعيد عليها غابت عينيها سحرتو ودخلوه فمتاهة حزنهم ووجيعتهم زادوهم سحر وجمال شعرها الذهبي كي خيوط الشمس المتناثر عكتافها واصل لنص ظهرها حمحم وتكلم
أسر:روزا ياك موش غالط أنت بنت خالتي بية
شافت معاه مستغربة لهجتو ومظهرو يدلو أنو موش تونسي لكان مين يعرفها واش محتاج منها جاتهم عزيزة تجري وتبكي بحرقة(هاعزيزة يهديك من أول مرة تحرمي عليهم هكا ماعمرك تشوفي حفادك قيليهم شوية طفرها أرسلان خدم خدمتو فالجزائر 😂😂😂😂)محضنتها بقوة وتحكي
عزيزة:ياروحي ياكبدتي أنت شنوة يلي صاير فينا راحت وخلاتنا وحدنا نتونسو ببعضنا 😭😭😭
ساكة وغير دموعها نازلين موش قادرة تحكي وجيعتها كبيرة وأه من اليتم الجنة والأمان راحو الحب والسند غابو (ربي يطولي فعمركم يا تاج راسي أنتم وتحبس الهدرة)مهما نقول ومهما نكتب عمري نقدر نوصف وجيعة فقدان الأهل وجيعة اليتم الكلمة بحد ذاتها صعيبة وتقتل بالعرڨ 😓
واقف يشوف معاهم وحاجة داخلو تصرخ وتنادي عليه يجبدها لحضنو ويسرق منها لوجيعة يبعدها من هنا أما هو مايعرفهاش الحاجة الوحيدة يلي
يعرفها عليها إسمها وقرابتها من عزيزة (يا لهوي طاح على راسو من أول نظرة وتلعب فيها عالبنات لكلهم بكاو عليك يهاك ماتحبش آيات 👿👿)
دخلتها معاها للداخل وهو خرج لعند الرجال يوقف عالعزاء بما أنو يعتبر راجل الدار وهي كيف خالتو
فروسيا وبالضبط ففيلا السفاح متكية فغرفتها هي وياه قيل ماتتزوج سيلا تسكت فيها ودموعها لا حبو يكفو نازلين ويدان عخدها هزت عينيها مع الباب عدخولو هو هاز صينية لعشاء فيدو سيلا إستأذنت منهم وخرجت وهي باقية تشوف معاه بنظرات كلهم وجيعة شكون أحسن منها قادر يحس بروزا فقدت والديها وهيا صغيرة نظرلتها ليه كانو كفيلين بأنهم يقطعولو قلبو ويمعسوه من الحزن مايسخاش فيها دموعها يحرقوه تقدم جيهتها مط لپلا عالطالولة وقعد عحافة السرير من غير مايحكي فتحلها يديه وهي ترمات فحضنو تشكيلو ومزيرة، عجنابو وهو كابس عليها عندو مخليها تبكي براحتها تبرد قلبها رغم وجيعتو وهو يشوف فيها هكا أما أحسن ليها مايجيش تخبي داخلها وكمل عليها الحمل هرمونتاها يتأثرو بأصغر حاجة يمسح عشعرها بحب وهي فحضنو ناسية الدنيا ويلي فيها تحركو يلي فكرشها خلاوهم يبعدو على بعضاهم تبسمت وسط بكاها وحطت يدها عكرشها آيات:مامي ياروحي أنتم علاش الضرب درك شبيهم صغاري ماحبوش عليا نبكي هم هههه صاي حبست
يشوف فيها تمسح عليها وتحكي معاهم كأنهم قاعدين يسمعو ويفهمو حس بفرحة وإحساس حلو أنك تشوف حب حياتك رافدة قطعة صغيرة منكم لثنين فرحانة بيهم رغم كل الظروف تسوى الدنيا ومافيها هز يدو يلي ترعش وحطها فوق يدها مع لمسها عاودو ضربوها ضحك ضحكة من قلبو حاسس روحو مالك الدنيا وهو معاهم يحس بيهم
أرسلان:أحلى حاجة صايرة معايا فحياتي بعدما لقيتك أنت وحبيتك هم هاذو ولادنا ثمرة عشقنا هم دليل هوسي بيك وحبي المجنون ليك ياآيات
👑Ranoucha 👑