💥هوس 💥السفاح💥

43

💥هوس السفاح 💥43
بقلمي✏رنوشة ✏
اليوم الحفلة من الصباح ريحتو ماكانش خرج وخلاها فطاولة لفطور تكمل فطورها وراح يتفقد الأمور ويرجعلها مع ال19يديها ناوية ومقررة تخبرو الليلة على حملها وعليها تقنعو بيه مراحش تقدر تسمح لا فيه هو حبيبها وكل دنيتها ولا فولدها كبدتها قاعدة فالغرفة ولبنات يجهزولها وحدة فشعرها والثانية الماكياج وهي حاظة سدها على كرشها تحكي مع ولدهم وتخبر فيه بفرحة
آيات:الليلة نخبرو البابا على جيتك ياروحي ونقنعوه بأننا قادرين نحميو رواحنا علينا نكونو أقوياء ومانخافوش كيفو هو السفاح جونسور يحمي روحو والماما تحميه نخليو باباك مرتاح
قص عليها عزيزة وهي تحكي معاها تدعم فيها
عزيزة:أي يكون قوي وماينخافش عليه كيف باباه وحنين وعاقل كيف ماماه حفيدي الغالي ربي يقدر الخير عزيزتي أما الليلة قلبي موش مرتحتي جملة
شدتلها يديها تهدي فيها وهي نفسها موش مطمنة حتي قلبها واخزها ومحسسها أنو كارثة رايحة تصير أما متقوية بيلي فكرشها وحبها لسفاحها برك
مع ال18:30كانت حاضرة لابسة غوب فالڨري پايتي طويلة وعريانة مالفوق صدرها باين شعرها لامتو لمة خفيفة ومكياج سامبل نتاع عمرها ويهبل جات تحفة عزيزة تصلي وتسلم عالنبي تحفظ فيها من العين جابتلها الملح سبعتهولها باش تحميها هي ويلي فكرشها دخل هو لابس ومجهز روحو بكوستيم فالماغون تحفة جاي مع الكور نتاعو هبال غير شافها شعل وشكون يطفيه درك وهي ماكانتش أحسن منو سحرها بزينو وعينيه أه يا ميمتي من عينيه قرب منها دور يدو على حزامها جبدها جبدها ليه أنفاسهم تخلطت مع بعض نيران الشهوة والرغبة قدات وموش وقتها درك باسها من جبينها يحكي بالسيف متحكم
فروحو قدامها وقدام أنوثتها الطاغية هاذي
أرسلان:أنت أجمل وأحلى شئ يمكن أني نملكو فحياتي بإستحقاق ألهة الجمال عاشقة الوحش ومعشوقتو هوس السفاح الفاتنة والبريئة ملكي
دورت يديها على رقبتو تستنجد بسه وتتقوى رعشتها وضعفها لمجرد مايلمسها تخلطو مع وحمها يلي جايها عليه هو وبس أرسلان والروح تطلع حبها وأب يلي فكرشها ثمرة حب بعد إغتصاب
آيات:خلينا نروحو مابقاش وقت وغير نرجعو نكملو حديثنا براحة وزيد خالتي تستنى فينا عيب
باسها من فمها وهي ردتهالو فرقبتو وخرجو اليد فاليد لقاو عزيزة تستنى فيهم فالصالون خرجو ثلاثتهم هو يسوق وهي بجنبو أما عزيزة ركبت ماللور هكا حبت رغم إصرار أيات أنها تركب بجنبو
مسافة ساعة من الزمان وكانو قدام لوتال مع نزلو قابلهم أسر ومعاه الصدمة يلي كانت مدهشة لعزيزة والسفاح ريتا وهي مشبكة يدها الغيرة لبستها ساترة اللازم فاللازم المكياج ملطخ عوجها تبسمولهم بخبث وهي سلمت عليه من غير حشمة بالبوس خلات آيات تأكل فبعضاها من الغيرة دخلو وخلاوهم عزيزة قربت من وذنها تحكي وتهدي فيها الزعاف موش مليحلها عليها تخمم فصغيرها وصحتو تيسمتلها وزيرتلو على يدو بتملك وهو تانيك زسر عليها عارفها الليلة مراحش تفوت على خير دخلو شدو طاولتهم باسها من فمها وخلاها مع عزيزة وراح يستقبل الضيوف هو وصاحبو(الله لا تربحك ااا ولد كرشي حالف تقتل خوك بالحياة)
أسر:قلتلكم البارح أستمتعو بأخر ليلة مع بعض إنشاء الله تكونو سمعتو مني وإستمتعتو مليح هه
أرسلان:أسكت أحسنلك لأنس شاد روحي باش مانقتلكش على شعرة ياخاين العشرة هي نتاعي
جاو ضيافهم وبدأت الحفلة وهي كل ماتجي تحكيلو على حملها يقصو عليها واحد من الرجال لين صرات الكارثة يلي دمرتهم ثنيناتهم ودمرت فرحتهم وفرحة عزيزة بيهم وبولدهم الجاي للحياة نقطة كحلة فحياتو إسمها ريتا وداعمها عشير عمرو يلي طول حياتو حاسبو كيف خوه الأصغر منو تكلمت وكلامها خلاها تفشل وكرشها تعصر عليها تحس بسكاكن فقلبها تسمع وتشوف معاه مكذبة
👑Raniucha 👑