💥هوس 💥السفاح💥

02/34

💥هوس السفاح💥34/02/
بقلمي ✏رنوشة✏
تبسم بخبث وتكلم يستفز فيه والثاني ساكت مخليه يحكي وحدو كيف الكلب عارفو يمكر فيهم
مصطفى:اووووو ياخسارة ماشبعتوش بخوكم الصغير مامپا هو وحبيبة قلبو والموت سرقتهم منكم وهما صغار ياحرام جيت نعزيكم فيهم ههههه
قبل مايرد عليه سمع صرخة وراها تهد لجبال وصاحبتها مالها غير ميمتو لكبيدة نتاعو سمعت يلي تقال وهم كانو مخبيين عليها باش ماتمرضش
أسيا:ولدي 😭😭😭كرم وينو ولدي خوك وينو أه
قرب منها يجري نزل عركبة ونصف شدلها يديها ويحكي بالشوية كلتم غشو من شيبوة الهم هذا
أسر:أشششش أهدي يما لبكاء والحزن موش ملاح لصحتك كرم تصاوب أما مازالو حي والله حي يما
تحركلو فراسها برفض وعدم تصديق لكلامو تحكي وتبكي حابتو يديها لعندو مستحيل تقعد هنا تسنى
أسيا:نكذب عليا تكذب خوك موش مليح نحب نروح ليه نحب نشوفو أديني ليه درك مايهمنيش
أسر:انت أهدي وأنا برأسي نديك لعندو صحتك عندنا بالدنيا ياغالية أحنا لكل نتقواو بيك أنت بس
حركتلو راسها بإيه وهو باسها من جبينها وتكلم مع سيلا يلي واقفة عند راسها تجر بيها فالكرسي نتاعها وعينيه دم من لبكاء مام هي غايضينها لكل
أسر:سيلا يعيش أختي أنت تجي معانا باش تقعدي بجنبها وأصلا دانيال لتماك هكا تكونو كيف كيف
سيلا:أكيد بجي هذا واجبي يا خي بس روزا وآيات بنصحك ماتتركهم لوحدن من الممرضة لانن بيموتوا شكلها مابيطمن ...........
هي تحكي وآيات قصت عليها تتبسم بخبث عليها
آيات:أسر ماتخافش ولد خالتي أنا هوس السفاح وعمري نخلي ثأري من غير ردان ومرتك خليها مريضة وبحاجة الراحة اااا وخبر راجلي أني نحبو
هم يحكيو وزوج عباد يراقبو فيهم وحدة مافاهمة من كلامهم شئ والثاني كابس على بونية يدو من الغش هاهي الطفلة يلي كانت سبب فرجعت لم شمل العايلة آيات وأه من آيات باش تعيش هي وباباها بنتو ضحات بعمرها وحماتهم متمني الدقيقة هاذي يضربها برصاصة بين عينيها ويرتاح منها أما لا خلي يعذبها ويبكيها دم يندمها عحياتها
مصطفى:حفيدتي الصغيرة هنا نجل السيد فاضل وأميرتو هاذي مفجأة بعد 16سنة نرجع نشوفك
تخطات الكل ووقفت مقابلتو عينيها يقدحو بنار الحقد والإنتقام واقفة وجه لوجه مع الراجل يلي قتللها أمها وأختها وحرمها من باباها سنين خلاها تعيش لوجيعة أضعاف موتو وحدو مراحش يبرد النار يلي تحرق فيها أما متحكمة فروحها موش وقتو تتهور وتغلط خلي تطمن على كرم وإيلينا بعدها ساهلة تقتلو بيدها وإلا ماتتسماش آيات العرفاوي هي موش زوجة السفاح فالباطل تكلمت
آيات:أولا أنا موش حفيدتك وثانيا بابا ماتنطقش إسمو علسانك الخامج وثالثا وأهم شئ حياة ماما جد ولادي رابحة نأخذ حقهم بيدي منك أعرف مني
مصطفى:مراكيش قد كلامك ياصغيرة لأنو مصطفى مايتهددش ولا يهدد هو ينفذ ديراكت ههه
تبسمت بخبث على إستهزائو بيها وحولت أنضارها للزرزومية الكحلاأ يلي بجنبو سكاناتها مليح ورجعت لعند خالتها وولدها باستها ووصاتهم يطمنوها أول مايعرفو أي تطور على حالة لثنين مصطفى بقى زمان يشوف معاهم وسارح قص عليه بنتو وقت حبست بكرسيها مقابلتو تحكي
أسيا:أنت درت فيا أنا وأختي يلي مايندارش وحرمتنا من فرحتنا وولادنا ما ياسي طفى للظالم يوم الزمان تبدل وولادنا راح يحاسبوك فأربعة وقتها برك نقدر نكمل حياتي مرتاحة مع عايلتي
خلاتو يشوف معاها وراحت ساعدوها الحراس ركبت فالطموبيل وسيلا بجنبها وأسر يسوق بيهم ديمارا مخليه يأكل فروحو جاء ناوي يلعب على أعصابهم لعبولو هم إنقلب السحر على الساحر أما آيات دخلت وغلقت الباب فوجهو ركب فطموبيلو ومعه الأفعى المسمومة يلي مافاهمة والو وديمارا
👑Ranoucha👑