💥هوس 💥السفاح💥

59

💥هوس السفاح 💥59
بقلمي✏رنوشة ✏
واقفة مقابلة لمراية تشوف مع روحها بالروبة البيضةتهبل شعرها لامتو كامل روبة بيضاء مفخمة وستيل روعة سور طاي جاتها تحفة مكياج سامبل يديها عكرشها تمسح عليها وتحكي مع ولدها
آيات:حبيب الماما أنا وأنت علينا نكونو أقوياء ونحميو البابا هو يحبنا ومحال يفرط فينا هو سفاحي الزين عمو أسر راح يكون صاحبك القوي
دخلت عليها سيلا لابسة روبة فالباج دونتال لفوق الركبة سامبل وحلوة طالقة شعرها قربت منها حطت يدها فوق يدها عكرشها تحكي وتضحك
سيلا:خالتو ياحلو لا تعب الماما خليك عاقل اليوم لحتى البابا مايكتشف سرنا وتصير حياتو بخطر
آيات:ولدي فحل كيف باباه ويخاف عليه يحبو ماراحش يعرض حياتو للخطر ياك حبيبي أنت ههه
سيلا:هيك بحبو أنا روح خالتو شوية ويجي أسر لحتى تنزلو لتحت كل الضيوف حضرو وهو معهم
آيات:نحب نشوفو حتى 5دقائق نحب نشبع بيه مع أني مستحيل نشبع يعيش أختي خليه يجيني هنا
سيلا:هو الشغلة صعبة مع خالتي عزيزة أما بحاول تكرمي أنت وروح خالتو هو يحب عالبابا تمام ههه
خرجت تتسرسب هاربة من رادار عزيزة راحت للفيلا لعندو لقاتو قاعد فالصالون قراعي الشراب دايرين بيه وهو يتفرج عالحفلة نتاع موتو عينيه دم(الله لا تربحك ااا المقنع بكبتيني دم على كبدتي 😭😭 )تكلمت وهي تنهج من الجري هاربة هههه
سيلا:ممكن تجي معي لعندها بس 5دقايق هي بدا تشوفك بدا تضمك لأخر مرة بليز لا ترفض كرمالا
هز راسو معاها ووقف بالسيف رغم الشراب يلي شربو باقي مركز حركلها راسو بهيا مشاو كيف كيف دخلو للفيلا الحراس غير شافوه نزلو راسهم تكلم يوصي فيهم بالواحد
أرسلان:إنتبهو جيدا وإياكم أن تتأذى منها شعرة واحدة أدفنكم أحياء جميعكم مفهوم إنتبهو عليها
كمل دخل معاها ديراكت للغرفة ألي هي فيها خلاتهم مع بعض ودخلت للحمام غير شافتو ترمات فحضنو على شعرة وطاحو وهو بادلها الحضن وزير على خصرها باستو من رقبتو وبعدت فتحتلو زرار السوميز تمسح عالوشام دمعتها نازلة وتحكي معاه
آيات:هاذو نتاعي أنا عندك تغلط وتخلي غيري تمسهم ولا تقربلك هكا أنا وبس هوسك وحبيبتك
أرسلان:أتراجعي وخلينا نرجعو لفيلتنا خلينا نعيشو حبنا ونتزوجو موش هكا متمنية أنت(يوووووووووي عرض عليها الزواج ياعالم أجرولي بكأس حليب،نشربو،لكنتي)موش هذا حلمك علاقة فالحلال ونجيبو ولاد قطعة منا حنا
كاتمة شهقاتها موش حابة تضعف قدامو أكثر يكفيها يلي فيها قبل ماتحكي قص عليهم صوت دقان الباب وعزيزة تحكي(جيت نحبك ااا عزيزة ولا راني عطيتلك دعوة تطيرك ها خالتي علاش التحرام هذا لكل علاش خليهم مع بعضهم)
عزيزة:سيلا ها طفلة حل الباب شبيكم قافلينو جاء أسر يهبط مرتو الضيف يستناو اللوطة عيب هكا
على كلمة مرتو عضها من رقبتها خلاها حمراء وغمض عينيه بغش خرجت سيلا من الدوش عصياح عزيزة وهو دخل ليه موش حاب يقعد يحكي ويبرر من غير شئ روحو طالعة وتزيدو هي
فتحتلها الباب وهم دخلو شافوها تصدمو ملاك مشاء الله عزيزة تصلي وتبارك عرسول الله#عليه أفضل الصلاة والسلام#وهو عينيه رجعو قلوب شبكت يدها فذراعو وخرجو من غير ولا كلمة مخلينو وراهم قلبو ينزف دم مراحش يسكت ويخليها تضيع منو وهو يتفرج موش السفاح يلي يستسلم ويفرط فحاجة تخصو بسهولة آيات ملكيتو الخاصة ومستعد أنو يموت على خاطرها ومايخسرهاش لازمو يفزد العرس ويديها ويروح يرضيها بطريقتو ويداويلها جروحها يلي كان هو السبب فيهم يعوضها على ولدهم يلي خسروه ولدهم يلي ماعرفوش حتى بوجودو مالحقوش يفرحو بخبر حملها بيه قطعة من هوسو، صغزونتو
👑Ranoucha 👑