💥هوس 💥السفاح💥

57

💥هوس السفاح💥57
بقلمي ✏رنوشة✏
وحامل بقطعة منو مجبور يساعدها باش يحميهم عليه يضحي ويتحمل يلي رايح يديرو فيه وهو عارفو مايرحمش فالخيانة تنهد وتكلم بخنقة مجبور وماعندوش حل من غير هكا
أسر:أدخلو للدار أرتاحو وغدوة العرس ماتخمي فشئ أنا نتكفل بكل الأمور وخلي حكاية التهديد وهوية المقنع ليا أنا نعرف كيفاش نكشفو أهتمي بصحتك وبولدنا ولد خويا راه السفاح جينيور باي
خلاهم دخلو ثنيناتهم للداخل وهو ركب طموبيلو وديمارا يريقل أمورو باش يتزوجو... فالفيلا باقي واقف فبلاصتو مصدوم وعزيزة معاهم حطت يدها على كتفو تنفض مفجوع شاف معاها وتكلم ببرود كيف العادة وداخلو نيران ڨادية وحارقة قلبو
أرسلان:هي خذات قرارها ورايحة تتزوج وبشكون بصاحبي ماعليه أنا نرجع نربيها ونخليه تذوق المر على عملتها فيا أنت من اليوم ترجعي تخدمي فدارو عينك عليهم يلمس شعرة منها نحرقكم لكل على بعضاكم وإياكي ثم إياكي تخليهم فرد غرفة
عزيزة:أهدأ يعيش ولدي وحاول تشوف مليح يلي محاوطك تهنى مستحيل يقربلها حتى وأنا غايبة
أرسلان:خالتي هي خلات السفاح يلي قتلتو بحبها وحنانتها يرجع من جديد للحياة تعري واش معناها أنو حبيبتي هوسي تتزوج عشيري أنها تكون بمثابة مرت خويا يعني أختي هذا مستحيل هي
من أيام كانت حامل بولدي أنا بقطعة مني نحبها
عزيزة:نعرف والله نعرف وهي تحبك نعاود نقلك شوف مليح شنوة داير بيك وقتها تعرف لحقيقة
خلاتو وطلعت لغرفتو هزت حوايج من قش آيات وحطتهم ففاليز صغيرة تحتاجهم وخرجت قابلها داخل تبسم بقهرة فلحظة تحطم كل شئ بسبب العدو الجديد، هذا، يلي خرجلو من الحيط متبع كل، خطواتو وخسرو فولدو كبدتو خلى حياتو جحيم وبعد عليه حبيبتو (مازال يارولدي غير تعرف بالتهديد وتكمل معاك) خلاها تعدات ودخل هو ضربتو ريحتها نحى تكسل فبلاصتو محظن مخدتها يشم فريحتها ودمعة دخونة نزلت عخدو زرب مسحها عدقان الباب دخلت تخبرو أنها رايحة
عزيزة:أنا ماشية وكل يوم نجي نطل على ولدي ماتعملش حاجة ممكن تندم، عليها ماني ميمتك أنا
حركلها راسو بيه وخرجت مخليتو فدوامة موش لاقي الخلاص منها بعد جنتو من قدامو وًوجودها فدار عشيرو خانقتو وكملت بقرار زواجها 💥حكاية نسجها القدر من خيبات أيام العمر ليضعها مهربا لي فطريقي من مرارة الظلم وقساوة العباد نور هي جعلت لحياتي معنى وصارت هي هدفي للعيش لأجلها سكنت القلب وتربعت على عرشه حكاية لم تبدأ بعد لتنتهي هكذا بأكبر صفعة فتاريخ البشرية لما يا قدر لما هي من بين كل البشر أبعدتها إنها هوسي ودنيتي إبنتي، وصغيرتي 💥
فات عليهم نهار بليلو لكل محروقين سيلا حزينة على الطفلة الصغيرة يلي جات لباب دارها صدفة طالبة مساعدتها واليوم هي بمثابة أختها الصغيرة عزيزة متحسرة على فرحة ولادها يلي ضاعت بسبت كلب مايسواش ناوي يقتلهم ويرتاح أسر قلبو حارقو من لحقيقة يلي عايش فيها حقيقة زواجو يلي رايح يكون هدفو الأول والأساسي، حماية صاحبو وضناه أنو الطفلة يلي يحبها تحب عشير عمرو هو واجبو يضحي، ويتحمل نتيجة قرارو مهما صار مايجيش يتراجع ويتخلى عليها وهي قصدتو وفضحت أسرار حب حياتها مايعرفهمش ليل بطولو وهم نايضين ف5النوم حرم عليهم كل واحد تايه يخمم فشيرة أيات عقلها فولدها ثمرة عشقها وفحبيبها يلي قربها منو رجع معناها موتو مجبورة تبعد وتخليه يتوجع على أنها تقتلو بنفسها تتحمل وجيعة لفراق ولا الموت أرسلان أه من السفاح واصل لأقصى درجات الضعف فغيابها عليه ماغلطش وقت سماها دواه نظرة منها ترجعو للحياة لازمو يردها لحضنو قريبا
👑Ranoucha👑