💥هوس 💥السفاح💥

02/47

'💥هوس السفاح💥47/02
بقلمي ✏رنوشة✏
شدلها يدها باسها وبدأ يحكي معاها يترجى فيها
كرم:مجنونتي هيا أفطني برك موش بزاف عليك النوم سمانة كاملة أنت موش قلتيلي نتزوج بيك ونديك ليا وحدي نوضي وإلا نروح نتزوج غيرك هههه عارفة أنو الكابوس خلاص والشايب تقتل أه
حس بيدها يلي بين يديه تتحرك بالشوية هز عينيه معاها موش مآمن لقاها بالفعل تحاول تفتح عينيها تلفت باش يقول لخوه لقاه خارج ومخليهم
كرم:تحركت ياأسر إيلينا تحركت ههههه رايحة ترجعلي مجنونتي نحبها لبلية ومانقدرش بلا بيها
رجعلو يتبسم وأخيرا إعترف بمشاعرو من شهرين وهو يبعد فيها عليه كل ماتقرب ويراقبها فالسر يحبها وهو بينو وبين نفسو موش معترف بهذا الشئ بدأ يفحص فيها وهي فتحت عينيها بالسيف تحس فروحها تاعبة وراسها ررزين أول شخص قابلتو وكانت تسمع فصوتو هو يلي سلب قلبها وعقلها من أول لقاء وقت الحادثة هي إيلينا المجنونة عشقت كرم المتحجر وخلاتو يلين ويحبها وفوق هذا يعترف بحبو ليها تكلم أسر معاه
أسر:مؤشراتها الحمد لله مليحة ومام النبض باقي الجرح درك نبعثلها ممرضة تشوفو وتنقلكم من هنا
كرم:مرسي خو وأنت ديراكت لعند مرتك راهي عندها حق عليك وبحاجتك درك أحنا ملاح وقضينا عوجه الشر ااا والجماعة لكل معاك راك فاهم
تكلمت هي بالسيف معتارضة على أخر كلامو ههه
إيلينا:لا قلهم يجيو شوي نحتاجكم وأنت معاهم
حركلها راسو وخرج لقى الممرضة قاللها دخلت تفقدت جرحها طمنتهم وبعدها دخل هو والجماعة قربو منها يبوسو فيها ويحضنو والسي خونا كابس بونية يدو شلق بيه خوه قرب منو يوتوتلو فوذنو
أسر:الغسرة عندنا وراثة يا محاينك Rolexe Mon frerهههه عادي تتعود والله ماتتغشش برك أتحمل
شاف معاه شوفة تقتل خلاه يزيد يقلقو أكثر شايخ عليه وفرحانلو من قلبو بعلاقتو مع المجنونة هاذي
أسر:عم ظافر أنا ليا نخليو الخطبة نتاعهم بعد شهر والعرس فالصيف هكا يكونو حضرو رواحهم خير هههه واش قلت فيهاfrerيما تسمعي مني وافقو
تكلمت هي قبل مايرد أي واحد منهم رغم مرضها وحالة وحدة هذا وين فطنت من الغيبوبة ماهمهاش فخالتها أعطيها تكون ليه فأقرب وقت
إيلينا:لا مرفوض لأنو خسرنا وقت كافي ديجا عرسنا بعد أسبوعين مايهمنيش پاپي هذا قراري أنا
أطرشقو لكل بالضحك وهو تبسم عاجبو يلي حكاتو هاذي يلي توالمو صح تستاهل يتحمل على خاطرها ضرب الرصاص تكلم باباها وهو يضحك
فاضل:أنا موافق على كلام بنوتي هي تأمر وأتا ننفذ آسيا وكرم واش قلتو فيها أنتهم تجهزو زعمة
كرم:أنا أصلا جاهز الفيلا وعندي الخدمة وخدام والتعارف ونعرفو بعضانا واش مازال ناقص غيرو
إيلينا:أنك تجيب الجاتم وتركعلي وأنت تطلب فيا باش نوافق عالعرس وإلا نبطل وندي راجل غيرك
أسر:ياسلام اووووووو ويعطيه فحلة أنت يابنت والله طلعتي ينخاف منك هههههه أكملي فأنت صح
كرم:أسكت أنت يا خو وأنت من لحظة يلي فطنت وأنت تلعبلي بأعصابي خوك الصغير راني خوك اوو وأنت شرطك غدوة يتنفذ غير نخرجو من هنا برك
أسر:يتسمى تخبر فيا ولا تأمر أنك مراحش تقعدو فالمستشفى خلينا من لعب الذري هذا راكم مراض واليوم فذنتو من الغيبوبة بحاجة المتابعة الطبية
كرم:أنت طبيب وتتابع حالتنا ماتخممش بزاف فيها
فاضل :فرأي عندو الحق تعبنا من القعدة فالمستشفى والدار وسطنا تحسن نفسيتهم أحسن
ظافر:معناه غدوة الصباح نرجعوكم للدار وهكا ترتاحو أنتم ومام أحنا مانحبو شئ غير فرحتكم
روحو الكل للمزرعة بطلب من كرم باش يرتاحو شوية وهو قعد راس راس مع المجنونة نتاعو بعدما نقلوهم لغرفة عادية حلفت لا ترجع ترقد يزيها نوم حابة تتأمل حبيبها المجنون نتاعها حبيبها وهو راقد تحمد فربي أنو نقذهولها وحفظو
👑Ranoucha👑