💥هوس 💥السفاح💥

02/42

💥هوس السفاح💥42/02/
بقلمي ✏رنوشة✏
قعد بجنبو وهو يشوف معاه ومع وجهو الأبيض من المرض خوه الصغير ويخاف عليه شوسة وتكلم
أرسلان:الحمد لله عسلامتك إيه ياخو هاني جيتك أحكيلي ولا تكون توحشتني ههههه غير فطنت
تبسم بالشوية عخوه وكلامو جاوبو بالسيف تاعب
كرم:أنا نحب نشوف نهاية الكلب يلي وصلها هنا قبل ماتفطن هي لأني نحب مرتي تكون فرحانة
أرسلان:حسابو كبير حاول يقتلي مرتي وولادي يوم عرسنا وبعدها روزا وصغيرها وأخيرا أنت وإيلينا حتى أنا ماسلكتش نهايتو على يدي وحدي
قصت عليهم هي وقت رمات كلمتها وهي وراه واقفة وهو تبسم عليها عارفها عشقو مجنونة ههه
آيات:لا أنت ولا غيرك باش يقتلو مصطفى أنا عطيتو عهد أنو مايموت غير على يدس أنا وبس
وقف وقرب منها ضمها لحضنو باسها من راسها
أرسلان:أنت أميرتي مايواتيكش أمور السلاح والقتل خليك مع ولادنا مرتاحة وأنا نوعدك نقتلو
عضتو من رقبتو وخلاتو يهدر وحدو عارفة لحديث معاه ماعندوش فايدة أما هي مرتو ويلي تقولو تنفذو مصطفى هي رايحة تكون عزرائيلو وتطلع بروحو قربو من خوه وحكاو معاه شوية وبعدها خرجو...... فالمزرعة متكي فبلاصتو وهي قاعدة فوق كرشو لابسة بيستي وشورط قصار مغطيين اللازم فاللازم فيهم الورد بروتال وشعرها لامتو كعكة كرشها مكعبرة يشوف معاها وهي تلعب بالوشمة يلي فجنبو يمسح عكرشها بحب وصلو ميساج من أرسلان أنو كرم فطن وطلب عدم رجعتو للمستشفى اليوم يقعد مع مرتو وولدو برك
أسر:جوهرتي عندي ليك خبر يفرحك كرم فطن من الغيبوبة وأنا رايح نبات هنا مع لعسل هاذي حبيبي
هجمت عليه تبوس فرقبتو وتعاود بعدها دورتها تعض خلاتها كاملة زرقاء قطع عليهم دقان فالباب عضتو وحدة قوية فصدرو وتكلمت بفدة وغش
روزا:شنوة توا مانشبعش بيك أنا توحشتك 😭 😭نحب نقعد وحدي عندك ومانحب شئ أخر
أسر:نجيب لحبيبي لغذاء ونرجع لأنو الليلة سهرتنا للصباح متوحش عسل جوهرتي ياناس راهي عسل
باسها من فمها ورجعها تكاها فبلاصتها ووقف لبس تريكوه وخرج قابلتو عزيزة تبسملها وهي تكلمت
عزيزة:تحبو تنزلو تتغدو معايا ولا نقلهم يطلعوهولكم لهنا أنا ليا نزلها شوية أحسن لنفسيتها
أسر:شوية ونلحقوك غير تلبس حوايجها برك وزيد عندي مانخبرك بيه أنت أسبقينا 5دقايق ونلحقوك
عزيزة:ماطولوش يعيش ولدي هي من غيرك كانت تأكل بالسيف وماتديش شبعتها وتوا أرجعلها هههه
خلاتو ورجعت نزلت وهو دخل لعندها باش ينزلها
#متكية عصدرو تعدي فصباعتيها على الوشمة نتاعو تستنى فسيلا ودانيال يجيبولهم ولادهم اليوم عندهم لقاح تكلمت وهي حاسة بقلبها مقبوض حاسة أنو فرحتهم مراحش تكمل اليوم
آيات:خايفة وحاسة أنو كاينة كارثة رايحة تصير عيط لدانيال وإسألو وينهم ولادنا بيهم حاجة 😭
هزلها راسها من فوق صدرو ولحسلها دموعها وتكلم
أرسلان:أشششش يعيش حبيبي ياك كنا نضحكو وفرحانين ولادنا بخير وهاني رايح نعيطلو ياعسل
هز تيليفونو وعيطلو فالدقيقة هاديك كانو فالطريق هو يسوق وسيلا بجنبو فحجرها نجود والدراري ماللور الحراس فالطموبيل يلي وراهم هز عليه وقبل ما يضرب حكي سمع صوت الرصاص خلا قلبو يرجف ويشوف معاها حاطة يدها عقلبها ودموعها نازلين عند دانيال جبد سلاحو ورجع يضرب عالمهاجمين ويحاول بكل ماعندو يحمي مرتو وولاد معلمو الرصاص يضرب والولاد يبكيو حالتهم حالة هم كانو أكبر منهم قتلو الحراس فالسيارة الثانية لكل ودانيال تصاوب فيدو ورجلو بعد مدة من التبادل فإطلاق النار لقاهم واقفين عند راسو وسلاحهم موجه لسيلا ونجود نزل لعند وذنو خلالو سلام للبوص باش يوصلهولو خصوصي
👤:أوصل سلاما لسيدك بأنه إذا أراد أطفاله عليه بالقدوم إلينا وحده وإلا سيخسرهما للأبد هههههه
👑Ranoucha👑