💥هوس 💥السفاح💥

02/06

💥هوس السفاح💥06/02/
بقلمي ✏رنوشة✏
🙍:الصراحة المريضة عمليتها تفتحت وضطرينا نرجعو نخيطوها ومانعرفوش واش رايح يكونو الأضرار وراء هذا الشئ هي خارجة من الموت قبل ساعتين ويلي صار موش مليح بالشفاء عليها مسيو شوية ويخرجوها لغرفتها الأحسن تبقى أنت وبس معاها هي بحاجتك أكثر شخص بجنبها باي
راحت وخلاتهم قلوبهم تبكي دم أما هو مانطقش حرف ستناهم خرجوها لغرفتها وراح معاها باسها من راسها وخرج لعندهم يحذر فيهم بالواحد مقلق
أرسلان:أرجعو للقصر وخليهم يجهزو فاليزاتنا راجعين لروسيا بعد أسبوع يلي وصلها للحالة ههاذي موحال نخليه يهنى بعيشتو لحظة السفاح راجع وراح نحرق الدنيا بيلي فيها يكون فهلمكم
دخل وغلق الباب بالمفتاح مخليهم مبهمين وخايفين شكون يعرفو وقت يتحول هكا أحسن من عزيزة وأسر شافوه فكل حالتو وبعرفو مليح إذا وصل للدرجة هاذي مايرحم حد خرجو لكل راجعين للقصر كرم بعثهم مع الشوفار وطار لعند خوه لازم يحكي معاه موش مطمن للوضع هذا خلاص مسافة طريق ووصل دق الجرس دقيقتين وفتحلو أسر غير شافو شمها قارصة لأنو من يوم تزوج ماجاهش لهنا وكيف وصل جاه الحالة ماتطمنش رحب بيه ودخلو للصالون قعد معاه
أسر:غسر الخير واش صار خليتكم معاهم فالكلينيك حكيتولها عالحادثة ولا مازال صعيبة والله موش ساهلة الطفلة هربت من الموت عشوية
تنهد وجبد سيڨارو شعلو بدأيتكيف ويحكيلو بحزن
كرم:الطفلة أدمرت ياخويا سمعتهم يحكيو وحالتها زادت تأزمت تصور دخلت للعملية للمرة الثانية وأرسلان رجع لطبيعتو حالف يأخذ بثأرو من الفاعل مهما كان حتى أنو مسافر لروسيا هو وياها
تنطر واقف جاعر موش مستوعب يلي سمعو هذا لكل صار فغيابو عليهم رمى كلامو وطلع لغرفتو
أسر:5دقايق نلبس ونروحو عندو واش ضربو هذا كيفاش يسافر ومرتو مريضة وولادو مايجيش هكا
مع وصل للغرفة قابلتو مرتو متمحنة مع الغوب تغلق فالسونسار ظهرها الأبيض مزين بغيط السوتيان الأحمر ينادي عليه يطبع بوساتو عليه هدأ من روحو وقرب منها وجاء لاصقها ظهرها فصدرو ويديه عكرشها يحكي بهمس فوذنها بحب
أسر:حبيبي أنا مجبور نخرج لعند أرسلان هو بحاجتي درك مرتو دخلوها للعملية مرة أخرى أنت أرتاحي ومانطولش نرجعلكم خليني مطمان عليكم
دارت ليه وباستو من فمو تحكي ويديها عرقبتو
روزا:أهأه نحب نروح معاك ماتخلينيش بعيدة عليك والله نخاف وزيد ولدك يتوحشك ويتعبني
هز يدو غلقلها السونسار ويجاوب فيها بهمس وحب
أسر:أنت باغية تهبليني بدلالك هذا يا جوهرتي قلنا لكلينيك لا وأنت حامل نديك للقصر عند الجماعة
روزا:ممممم المهم مانبقاش وحدي وأنت بعيد غير تكمل أرجعلي متوحشتك موت ونحب عليك خلاه
باسها من شفافها وحركلها واسو بإيه لوكان يطاوع دلالها تراصيلهم فالفراش ولعب الماتشات وخوه بحاجتو لازم يتحكم فروحو الليل كاين وهي معاه
لبس تريكوه وهز مفاتحو شبك يدو فيدها وهبطو لقاو كرم يستنى فيه تبسمو لبعض وخرجو هو فطموبيلو وخوه فنتاعو مع مرتو وجهتهم القصر لازم يتلهاو بالجنازة والدفينة بعدها يتلهاو بحكاية الإنتقام يلي شاغلة رأس خوهم مسافة الطريق ووصلو قاراو وراء بعضهم نزل وفتحلها ليها الباب يدها فيدو مع دخلو قابلوهم النساء يعزيو فيهم وأمو تحكي مع رئيس الحرس تعطيه فالتعليمات باش يبداو مراسيم الدفن والجنازة غير شافو عدل وقفتو جبد مرتو ليه دور يدو عخصرها وتكلم معاه
أسر:أستناني لبرا مع الرجال شوية ونجي أتحرك
حركلو راسو بإيه وخرج شافت معاه أمو ومع مرتو بعدها تكلمت تعاتب فيه على جيبانها وهي حامل بحاجة للراحة تبعد عالحزن ولبكاء لازم يتلهى بيها
أسيا:أنت ناوي تهبلني ماكفانيش خوك راكب راسو وحالف يسافر باش ينتقم مكمل أنت جايب مرتك وهي حامل لهنا وسط الحزن والنديب لازمها الراحة أه ياربي حسبي الله ونعم الوكيل فالفاعل
👑Ranoucha👑