💥هوس 💥السفاح💥

02/41

💥هوس السفاح💥41/02/
بقلمي ✏رنوشة✏
داخل للدار حيلو مهدود وتاعب أعطيه يشوفها ويخبيها فحضنو حتى النوم توحشو كيف الخلق شافها خارجة من الكوزينة لابسة شورط دجين قصير مع بيل صوف فالأبيض وكونفارس هازة كأس قهوة فيدها غير شافتو تبسمت بخبث وجاتها فراسها ترد شوية من ثارها للثنين هاذوك يلي حولو حياتها فأسبوع لجحيم قربت منو وهو طالع لغرفتو يرتاح جات فطريقو تبسمتباقي يشوف معاها بإشمئزاز على قد ماكانو يسليوه لبنات يلي من النوع هذا على قد ماهو يكرهم ويتقزز منهم درك هو ماتملى عينو غير لبوتو بنت قلبو وحبو مرتو الزينة جات تحط يدها على خدو مافاقت بيها وهي فيدو ورصاصة مختارقة كفها الصوت يلي خرج خلى الكل يستنفرو الحراس دخلو يستفسرو الخادمات من المطبخ يطلو وعزيزة نازلة تجري صدمها المنظر يلي شافتو وهو شاد الممرضة من يدها يلي تقطر بالدم عينيه دم يلي عملتو رايح يكلفها كثير تحمد ربي أنو ماقتلهاش أما مزير عليه يوجع فيها ويحكي بغل
أسر:هذا عقاب صغير لك على ماكنتي تنوين فعله أردت لمسي وإيجاع زوجتي وأنا حرمتك من مستقبلك المهني فكل مرة تفكرين لمس ملكية غيرك أنظري لها والأن خذوها وأرموها خارجا هيا
جاء الحارس شدها عليه وخرجها لبرا وهو أمر وحدة من الخادمات تحرجلها حوايجها جاء طالع لعند مرتو إستوقفتو تحكي حابة تعرف لحكاية
عزيزة:شفما شنوة يلي صار عملتلك حاجة الطفلة؟
تنهد وعدا يدو عوجهو وشاف معاها عرفتو موش حاب يحكي غمضتلو عينيها وهو باسها من راسها وكمل طلع لغرفتو مع دخل قابلتو متكية فبلاصتها مغمضة عينيها وشوافرها مبلولين أكيد باكية عارفها موش راقدة نومها خفيفة ومع صوت الرصاصة رلهي مصحصحة نحى تريكوه وصباطو وتكى بجنبها جبدها جات فحضنو يد يمسح بيها عشعرها والثانية عكرشها وهي حضنتو وتكلمت
روزا:شفما علاش صدرك هكا طالع وهابط شكون كان يضرب فالرصاص التحت تي أتكلم 😭😭
باسها من راسها وزير عليها أكثر وبدأ يحكي
أسر:موش مهم يلي صار أنا متوحشك والله وراس أميرتي متوحشك ومحتاجك تعرفي أنو الصورة يلي وصلتك وصلت لأرسلان الهدف منها زرع الشك قفلوبكم ناحيتنا أنهم يفرقونا ويحرقولنا قلوبنا
روزا:ثيقتي فيك عمياء وحتى آيات عارفة معدنها أصيل ماتخونش أما لمجرد فما شكون قربت منك تيراني تشعل وزيد كانت مرتك 😭نحبك والله
#فالمستشفى وبالضبط غفرفة المدير قاعد عالكرسي وهي فحجرو مزير عليها عندو تكلمت
آيات:حبيبي أنت ياروح قلبي مازلت تخمم فيها لحكاية نعترف غلطت وقت خليتو مسحهم أنا لحضتها كنت منهارة أنت مريض وموجوعة وزيد توحشت لولاد وأسر خوك وولد خالتي يعني خويا
أرسلان:موش بيدي نحبك ومهووس بيك ياعشقي هو لمسك حط يدو عخدك أنت نتاعي وحدي حبي
قص عليهم الممرضة وقت دقت الباب وهو سمحلها دخلت وقفت مقابلتهم راسهم فالأرض متوترة منو
👩:سيدي أسفة على الإزعاج ولكن السيد الصغير إستيقظ من الغيبوبة ويريد أن يراك أنت وأخوك
شافو معاها لثنين بصدمة ومن الفرحة هجمت على راجلها تبوس وتعاود فوجهو وموش اتية بيها شخرجت من غير ما تزيد حرف وهما بعدما شبعت فيه بوس وسلطنتو بعدت عليه ووقفو مالقاوهاش تبسمت بإنتصار هي دافعها الأول أنها باستو كان غيرتها شبك يدو فيدها وراحو لعند الجماعة لقاو أمو تبكي من الفرحة ومحضنة أم إيلينا غير شافتهم رجعت تضحك نزلو ثنيناتهم لعندها يبوسو فيديها ويضحكو وأخيرا واحد منهم صحى العاقبة لإيلينا ويفرحو عالأخير يزوجوهم ويتهناو عليهم
دخل هو لخوه وخلاهم لبرا لازم يحكي معاه شوي
👑Ranoucha👑