💥هوس 💥السفاح💥

33

💥هوس السفاح 💥33
بصلمي✏رنوشو ✏
فطن عليها قاعدة تعدي فيدها على صدرو وتتحسس فالوشام نتاعو تحكي وحدها وتشكي
آيات:رغم يلي عملتو فيا رغم أنك إغتصبتني ضربتني وخطفتني وصلتني للموت أما قلبي عشقك وهواك (بنات ماتلوموش إيه حنا جنسنا هكا ضعيف ونستسلمو بسهولة نحبو يلي،بكانا)زعمة يجي يوم ونكونو عيلة فشرع الله ويكون عندنا صغار نسخة منك أنت السفاح المهوس أرسلان أنا خسرت كل شئ فحياتي والديا أختي شرفي مستقبلي أنت سبب حياتي الوحيد
دموعها نزلو فأخر كلامها ولامسو صدرو العريان فتح عينيه يلي غالب عليهم النوم وهز يدو جبدها ليه جات فوقو بعدلها شعرها عوجها يحكي معاها
أرسلان:أحلى هوس يمكن ننصاب بيه وأروع جنون نمرض بيه هو أنت بنتي وفرحتي محال نسمح فيك ونفرط فالنوضة كل يوم على وجهك الزين
باسها من شفافها وحدة،خفيفة ووقف وهي معاه يختارلها فلبستها يدو على خصرها وهي ساكة مخليتو براحتو إختارلها سروال دجين وبيل صوف ڨرونا مع تامبر لاند وبوشات نفس اللون(الصورة لتحت) شعرها لمتو كوتشوفال وهو لبس سروال أسود وبيل صوف نفس اللون وفاست فالغوج شاف معاها عينيه رجعو قلوب، فكل حالاتها تعجبو ولوكان ليه يحبسها هنا بشر مايشوفها غيرو جبدها ليه باسها من فمها وهي ردتهالو فرقبتو خزر معاها غمضتلو عينيها ببرائة خلاتو يتبسم خرجو كيف كيف ركب هو يسوق وهي بجنبو ليڨارد فالطموبيلات وراهم ديمارا وجبدها ليه يدو على خصرها وبالثانية يسوق راسها على كتفو مرة على مرة يطبع بوسة على راسها لين وصلو لمطعم فاخر وشيك عاللخر مولاه جزائري غير شافو رجع يضحك وحدو فرحان، بشوفتو من عام ماشافوش من زيارتو اللخرة لروسيا رغم خدمتهم المتعاكسة واحد فالمخابرات والثاني سفاح فالمافيا خارج عن القانون تقدم بيها، لعندو يحكي ويتبسم فرحان بيه
أرسلان:أنت بالذات، لوكان تعرف بيك الدولة والأنتربول أني من معارفك ينفيوك للغواتانامو هه
بيازيد:ههههه فهاذي عندك الحق تترزا فحياتي نتحرم من مرتي وولادي واش حوالك أسر وعزيزة
أرسلان:الله أعلم ليا أسبوعين ماشفتوش أسر وعزيزة مليحة تعرف حالة الكبر إيه نعرفك حبييتي وهوسي الصغيرة يلي مشينة حالي هههه
بيازيد:ربي يهنيكم صاحبي حالتي وحالتك وحدة الغيرة مرمدت حالي ههههه فجرت وصية عشقتها
قص عليهم صوتها تحكي وهي جاية لعندهم مقودة بنتها وكرشها قدامها فشهرها السادس بطفل
عشق:أما الصغيرة هاذي رايحة ترجعك للطريق الصحيح وتخرجك من الظلام يلي عايش فيه، ههه
باس بنتو وجبد مرتو لحضنو باسها من فمها يحكي
بيازيد:حبيبي قالت حاجة معناها تأكد رايحة تصرا وزيد أنت حلك تكون عيلة وتكون أب صاحبي
خزر معاها لقى عينيها مدمعين وهي تشوف مع كرش عشق لمكعبرة زايدتها زين وبهى قرب من وذنها يحكي بهمس خلاها ترعش من كلامو
أرسلان:أنا مانقدرش نكون أب ولا نبني عيلة أنت تعرفي الموجود حتى ولو حبينا مستحيل يخلونا
بلعت غصتها قلبها ينزف دم من كلامو وعلاقتهم وواقعو الأسود هي تحبو وعليها تتحمل وتضحي معاه لازم تكون قد ثيقتو فيها (عشق ها عشق فتحتيهم جراح شكون يضمدهم) ورالو طاولتهم وخلاه براحتو معاها وهو رجع لعند مرتو وولادو بلعب ويحكي معاهم موش داري بحالتو هو وياها
آيات:أنا رايحة نتحمل ونواجه كل شئ بما أنك أنت معايا صحيح حلمي نكون أم أما أنت أكبر أحلامي
جبدها ليه أكثر جابها فحجرو غرق ففمها يبوس ويستبن وهي ذايبة معاه ناسيين رواحهم هما وين أعطيهم يرويو وحشهم ويمارسو حبهم قص عليهم السارفور جابلهم المينيو طلب هو على ذوقو عارفها مراحش تعكسو حشات راسها فرقبتو تبوس فيها وهو نيرانو ڨدات المرا الوحيدة يلي مخليها تكون معاه براحتها تلمسو وتبوسو هوسو
👑Ranoucha 👑