💥هوس 💥السفاح💥

48

💥هوس السفاح 💥48
بقلمي✏رنوشة ✏
أه منك يادنيا لقد قهرتني حقا وأشد قهر وهبتني الألم كهدية أعايشه طول الدهر سئمتك يا دموع سئمت التضحيات أريده لي ومعي أريده وحده سندي سفاحي وحارسي سئمت الحزن ياقلب أه
فالغرفة تتأمل فيها وتحفظ فكل شبر منها عندها معاه مشهد وحكاية كل تفصيل فيها شاهد على علاقتها بيه وعلى حبهم عشقهم وهوسو بيها قلبها موجوع ومحروص من عملتها أما هذا اللازم عليها تضحي باش هو يعيش باش تحمي عزيزة وأختها وبنتها وعايلتها يلي فالبلاد تحمي يلي فكرشها تربيه وتخليه يكون راجل وفحل كيف باباه هزت الپارفان نتاعو وصورتو يلي فوق لكوافاز حطتهم فبوشاتها وخرجت دموعها موش حابين يكفو قابلتها عزيزة فأول الدروج حتى هي ابكي موش هاينة عليها تفارقها تعودت عليها وحبتها عوضتها عغياب بنتها وخلات قلب ولدها ينبض ويعيش بيها. وصلت لعندها شدتلها يديها تحكي وتوصي
آيات:نوصيك عليه ياخالتي أتهلاي فيه وماتخليهش وحدو مراحش يتقبل لحكاية بسهولة
عزيزة:أرجع خمم مليح يعيش بنتي لحياة والموت بيد ربي وإذا كتبلو عمر طويل مايقضولو شئ خمي
آيات:😭😭مانقدرش نخاطر بيكم لكل وهو أولكم حبيبي وأب يلي فكرشي إذا طفل نتمناه يكون نسختو المصغرة وإذا طفلة رايحة نحكيلها عليه وعلى علاقتنا ونخليها تعرف باباها وتفتخر بيه :
عزيزة:معناها باش تمشي وتتخلى عليه وتستسلمي لأوكا لكلاب ولاد لحرام ربي يخرج فيهم والله لا يربحهم عندك على روحك وحفيدي
باستها من راسها وحدة مرصوصة وحضنتها
زمان بعدها خرجت هاربة من الباب اللوراني باش مايشوفوهاش الحراس تمشي ويدها على كرشها تبكي وفرد وقت موجوعة وعلى شوية تدوخ منها مدة ساعة وهي تمشي من غير راحة لين ماعادش فيها تعبت وحيلها تهد وجيعة كرشها ماشية وتزيد من زهرها أنها وصلت لقرية صغيرة دقت على أول باب لتماك خرجتلها خرجتلها طفلة سمراء وعينيها قري لابسة روبة صوف لفوق الركبة شعرها لامتو كعكة شافت معاها والدنيا تدور بيها شوية وجات طايحة فالأرض دايخة موش دارية بشئ فجعتها هبطت ليها عاونتها ودخلتها للغرفة نتاعها وبدأت تفطن فيها 10دقايق وبدأت تفتح فعينيها موجوعة بقات ساكة والأخرى كسرت الصمت بينهم
سيلا(نفس البنت اللبنانية يلي ساعدت أرسلان فخطة الغيرة وقت راح للكباري) :كيف حالك يا أنسة ااأنت بخير أيمكنك الحديث أم أدعو الطبيب
مافهمتش عليها باقية تشوف معاها شوية وصونا تيليفون سيلا من بلادها هزت تحكي بفرحة كبيرة
سيلا:أهلين حبيبة ألبي ياتيتا كيف حالك مليحة تمام وأنا كمان مليحة أكيد بعد أسبوعين بجيكم
حكات فالتيليفون زمان وسافت معاها تتبسم تنهدت براحة أنها طاحت فوحدة عربية تقدر تفهمها مليح وتساعدها لين تلقى بلاصة تروحلها
آيات:الحمد لله أنك عربية ونقدر نحكي معاك بلغتنا العربية ممكن نقعد عندك أيام لين نلقى بيت وعمل
سيلا:اوووووو من زمان ماتلاقيت ببنت عربية هون أكيد فيكي بقي وليش مابتساركيني اليكن والإيجار هيك ينكون ضربنا عصفورين بحجر ياحلوة الرفقة والبيت وعن قريب شغل شو رأيك
تنهدت براحة واش تحب أكثر من هكا دار ورفيقة عربية والخدمة تحوس وتلقى بلعجب تكلمت بفرحة
آيات:أكيد موافقة شكرا والله نحيتي عليا حمل كبير بالمناسبة أنا آيات جزائرية وعمري 16سنة هه
سيلا:مافي داعي تشكريني واجبي هيدا أنا سيلا من لبنان عمري 25سنة جيت لروسيا لحتى أشتغل وأساعد عيلتي وأنت ليش هون وين أهلك يا حلوة
دمعتها نزلت شئ من تذكيرها بعايلتها وشئ من بعدها عليه هاذم 4ساعات غايب عليها صاير فيها وفقلبها لعجب توحشتو متمنية فاللحظة هاذي تكون فحضنو تبوسور وتلعب بوشامو وتشم ريحتو تتخبى عندو تخبرو على حملها بولدو هو
👑Ranoucha👑