(Unicode)
"မင်းသားတို့ဆီကို We Are Challengers showက ပီဒီတွေက လာရှာနေတယ်၊ ကျွန်တော် လွှတ်လိုက်ရမလား"
"We are Challengers ဟုတ်လား.."
"အာ ငါ ပြောထားပြီးသားလေ ဘယ်လိုလုပ်ရောက်လာတာလဲ"
We R Cကလို့ ကြားလိုက်တာနဲ့ ခေါင်းကုတ်ရသူက မရည်မွန်ပင်..။ အရင်လကတည်းက Season 2မှာ ပါစေချင်တယ်ဆိုပြီး လာကမ်းလှမ်းထားတာကို မင်းမာန်မသိအောင် အနုနည်းသုံးပြီး ငြင်းလွှတ်ထားခဲ့သည်။ We R Cအဖွဲ့က တော်တော် ဇွဲကြီးကြသည်။ မင်းမာန်အကြောင်းကိုသိလို့ ရှေ့တည့်တည့်ကို တမင်ထပ်ရောက်လာကြတာဖြစ်ရမည်။
"Win Productionကလွှင့်တဲ့ reality showမလား၊ ကျွန်တော့်ကို လာရှာတာလား"
We R C ပရိုဂရမ်ကို မင်းမာန်အမြဲကြည့်ဖြစ်သည်။ သူတို့ရဲ့အစီအစဉ်က လုံးဝကို မင်းမာန်ရဲ့အကြိုက်။ အထူးသဖြင့် အဲ့လိုစိန်ခေါ်မှုတွေကြားကနေ အသစ်အဆန်းတွေ စူးစမ်းရတာမျိုးကို မင်းမာန် တကယ်သဘောကျသည်။ ငယ်ငယ်ကတည်းက သိချင်တာရှိရင် တစ်ခါလောက်တော့ ရအောင်စမ်းသပ်ကြည့်သည်။ အဲ့လိုမှပဲ ကောင်း၏ဆိုး၏ ခွဲခြားသိမှာမလား။
"နင့်ကို သူတို့ Seasonအသစ်မှာပါမလားဆိုပြီး မေးထားတာရှိတယ်"
"ဘယ်လို ကျွန်တော့်ကို..၊ ကျွန်တော်လည်း မသိရပါ့လား"
"နင့်ပြောရင် နင်က အားနာပြီး ပါနေမှာစိုးလို့ ငါ Scheduleအကြောင်းပြပြီး ငြင်းထားတာ"
"အဲ့တာဆို ခေါ်လိုက်ပါလား အစ်မ၊ နားထောင်ကြည့်ရတာပေါ့"
သက်ပြင်းချရုံကလွဲပြီး ဘာမှမတတ်နိုင်။ ဇွဲမင်းမာန်သာ ကြားရင် ဒီလိုခေါ်တွေ့ဦးမယ်ဆိုတာကို မရည်မွန်ရဲ့ မနောအာရုံက အလိုလိုသိနေပြီးသား။
"နင် ငါ့ကိုမတိုင်ပင်ဘဲ ရမ်းလက်မခံနဲ့၊ အဲ့အစီအစဉ်က မလွယ်ဘူး နင်သိလား"
"သိတယ် ကျွန်တော် ဒီတိုင်းနားထောင်ကြည့်မှာ"
"တကယ်နော်"
"တကယ်"
မင်းမာန်စကားကို ယုံပြီး အပြင်မှာရပ်စောင့်နေတဲ့ လူသုံးယောက်ကို သွားခေါ်ပေးလိုက်သည်။
YOU ARE READING
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
