(Unicode)
Oops! This image does not follow our content guidelines. To continue publishing, please remove it or upload a different image.
စိတ်အမှန်နဲ့ သဘောတွေ့တော်မူမှ လူချင်းတွေ့ဆိုတဲ့ အစ်မတော်ရဲ့ စကားအတိုင်း လုလင်ပျိုလေးကတော့ အကြည့်ချင်းဆုံ၊ ရင်တွေခုန်ကြဖို့ သဘောတူလိုက်ပြီပေါ့ကွယ်။ အကာနဲ့ နီးမယ့်အရေးကို တွေးပြီ ပျော်နေရှာသတဲ့။ အကာ ဘယ်ပုံဘယ်ဝါဆိုတာကိုလည်း ပုံဖော်လို့မဆုံး တပြုံးပြုံးနဲ့ပေါ့။
လူချင်းမတွေ့ဖူးတာတောင်မှ ကွေကာအုပ်ဆိုတဲ့ လုလင်ပျိုကို ချစ်ဝန်းရံလေးက အတော့်ကို စွဲလမ်းနေပါတော့တယ်။ နှစ်ယောက်ကြားက အချိန်းအချက်ကိစ္စကို အတိအလင်း ပြောပြရင်း မြှားနတ်မယ်ကို ကျေးဇူးတင်ခိုက်မှာပဲ မယ်ဖြူဆီက ရင်ထိတ်စရာ သတင်းတစ်ခု ကြားရပါသတဲ့။
"ဟဲ့ ပေါက်စန၊ တဖက်လူက အသေ..၊ အရမ်း..၊ ပို့စို့ပက်စက် ချောတာတဲ့နော်"
"ဗျာ! တကယ်လား"
ပေါက်တဲ့နဖူး အဘယ်ထူးမည်နည်း။ သူချောလည်း ကိုယ်ငမ်းရုံလို့သာ စိတ်သွင်းတော် မူရတာပေါ့ကွယ်။ သို့ပေမဲ့ မည်ပုံမည်မျှ ရွှေရုပ်တော်ပွင့်သလဲ ဆိုတာ သိလိုစိတ်များနေတာမို့ ချိန်းဆိုရာကို စောအောင်သွားဖို့ ကြံရွယ်လိုက်ပါတော့တယ်။
မွှေးရနံ့သင်းနေတဲ့ ပိုးပဝါငယ်ရဲ့ သက်ပြင်းချသံကိုသာ လုလင်ပျိုကြားခဲ့မယ်ဆိုရင်တော့...
*****
"
ကဲ မပြီနော် ဝမ်း တူး ဝမ်း တူး ဝမ်း တူး"
"ကိုခန့် တစ် နှစ် လို့ အော်မယ်လေ"
"အေး ဟုတ်သား.. ပြန်အော်မယ် တစ် နှစ် တစ် နှစ်"
We R Cအဖွဲ့သားများ အပါအဝင် မိတ်လုံးတစ်ကျွန်းလုံး အလုပ်များလျက်ရှိကြသည်။ ယနေ့သည် တဲခေါင်မိုး တဖြစ်လဲ ဓနိပျစ်အသစ်များကို ရေစိမ်ရသည့်နေ့..။ ဒါးရမ်းလူမျိုး ဒဲက ပြောပြသည်။ ဒါးရမ်းလူမျိုးများသည် မိမိတို့ နေထိုင်ရာ တဲအစုများရဲ့ ဓနိမိုးများကို သုံးနှစ်တစ်ခါ လဲလှယ်တဲ့ အကျင့်ရှိသည်တဲ့။
YOU ARE READING
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
