(Unicode)
လူတိုင်းက ချီးမွမ်းကြသည်။ နိုင်ငံကျော်မင်းသား ဇွဲမင်းမာန်ဆိုတာ..
"အရမ်းသဘောကောင်းတာ၊ အပြင်မှာတွေ့ဖူးတယ်၊ မွှတ်နေအောင် ချောတာနော်"
"မာနလည်း မကြီးဘူး၊ ပရိသတ်ကို အမြဲရီပြုံးပြနေတဲ့သူ"
"စိတ်ထားလည်းကောင်းတယ်၊ အလှူအတန်း လုပ်တာတောင် တစ်ခွန်းမှမဟဘူး၊ အလှူရှင်ပြောမှ မီဒီယာတွေက သိတာ"
အားလုံးရဲ့ပါးစပ်ဖျားမှာ ကောင်းသတင်းသာဆောင်တဲ့ နိုင်ငံ့ရတနာလေး။ ရူပါ၊ အရပ်အမောင်း၊ စိတ်ထား၊ အရည်အချင်း စသည်ဖြင့် အဖက်ဖက်က ပြည့်စုံလွန်းတာမို့ အရင်ဘဝက ဆုတောင်းကောင်းသူလို့ ထင်ရှားသည်။ ဇွဲမင်းမာန်မှာ ချစ်ကြခင်ကြဝိုင်းကြင်နာပေးကြတဲ့ ပရိတ်သတ်အခိုင်အမာရှိသည်၊ သူတို့ကို ဇွဲရဲ့သင်္ကေတ Diligence လို့ခေါ်ကြပြီး ဇွဲမင်းမာန် ပျော်ဖို့သာ လိုလားတဲ့သူတွေပါတဲ့။ ဒါပေမဲ့ ဒီလူချောမှာ လူတွေမသိသေးတဲ့ ပုံစံတစ်မျိုး ရှိနေဦးမယ်ဆိုရင်...
*****
နေအသာလွန်နေသော နေ့တစ်နေ့ဖြစ်သည်။ နိုင်ငံကျော်အဆိုတော်လေး ခြံရံတစ်ယောက် မီးဖိုခန်းထဲတွင် ခေါင်းကိုငိုက်စိုက်ချကာ ထိုင်နေ၏။ အကြည့်တွေကို ထမင်းစားပွဲပေါ်သို့ ပစ်လွှတ်ထားပြီး..
"စားရမယ်၊ ဒါ အရေးကြီးတယ်.."
ဒိန်ချဥ်တစ်ခွက်ကို စိုက်ကြည့်နေကာ မျက်နှာထားက ငိုချတော့မတတ်။ ထိုအဆီထုတ်ဒိန်ချဥ်သည် ချစ်ဝန်းရံလေး ကိုယ်အလေးချိန် လျော့ကျရေးမှာ များစွာအထောက်အကူပေးသည်။ ပုံမှန်ဆို ရံက သွယ်တဲ့ထဲမှာပါပေမဲ့ 'ညိုခဲ့လေသော်' ဇာတ်လမ်းတွဲက ကိုကိုနေညို ဇာတ်ရုပ်အတွက် အနည်းဆုံး ရှစ်ပေါင်ကျရန် လိုအပ်သည်လို့ Fitting လုပ်တုန်းက ပြောလိုက်သည်။
ကိုကိုနေညိုဆိုတာ တကယ့်ကို သေးသေးသွယ်သွယ်လေး၊ မြန်မာရင်ဖုံးလေးဝတ်လိုက်ရင် ချပ်ချပ်ကပ်ကပ်နဲ့ ကျက်သရေရှိလွန်းတာမလား။ ကိုကိုသည် ပခုံးညှပ်ညှပ်နဲ့ လက်မောင်းကျသိပ်လှတာမို့ ရံ့အနေနဲ့ ကိုကို့လို လှဖို့ဆိုတာ များစွာပြောင်းလဲယူရဦးမည်။
YOU ARE READING
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
