(Unicode)
ယောကျာ်းလေးမှန်းသိကာမှ အကာနဲ့ လေတော်ဖွင့်ရတာဟာ ချစ်ဝန်းရံလေးအဖို့ ပိုမိုလွတ်လပ်သလို ခံစားရပါသတဲ့..။ လွတ်လပ်မှုနဲ့အတူ ရင်းနှီးမှုတွေလည်း ပိုပိုတိုးလာတာပေါ့။ ဒီလိုနဲ့ အကာနဲ့တီးဟာ အားဖြစ်စေတဲ့ အရာရာတင်မက ရင်ဖွင့်ဖူးတဲ့ အရာရာလည်း ဖြစ်လာကြခဲ့ပါတော့တယ်။
Oops! This image does not follow our content guidelines. To continue publishing, please remove it or upload a different image.
*****
"နောက်ကျနေပါပြီ မြန်မြန်လေးပြင်ကြရအောင်"
တဲအိမ်ရှေ့က အရိပ်ရတဲ့တစ်နေရာမှာ ရပ်ရင်း ပီဒီပေါရဲ့ နှိုးဆော်သံကို မင်းမာန်ကြားနေရသည်။ ဖတ်လက်စ ဇာတ်ညွှန်းစာအုပ်ကို ပိတ်ရင်း တံခါးဝကိုကြည့်လိုက်တော့ ဘယ်သူမှ ထွက်မလာသေး..။
ဒီနေ့ We R Cက စာသင်ခန်းထဲမှာ ရိုက်ကူးရမည်ဖြစ်သည်။ ကလေးတွေနဲ့ မိတ်ဆက်ရမယ့်နေ့ဖြစ်တဲ့အပြင် ဆရာပေါက်စ စဖြစ်တဲ့နေ့လည်းဖြစ်တာကြောင့် မင်းသားဇွဲမင်းမာန်သည် လည်ကတုံးအင်္ကျီအဖြူနှင့် ယောပုဆိုးအစိမ်းဖောက်ကို ကျော့ကျော့မော့မော့ ဝတ်စားဆင်ယင်ထားသည်။ နဖူးပေါ်ကို တစွန်းတစကျတတ်တဲ့ ဆံပင်ကို ဆီလူးပြီး သပ်ရပ်စွာသပ်တင်ထားတာမို့ သမင်မျက်လုံးရဲ့အလှက နဂိုထက်ထင်းလျက်ရှိသည်။
"လာပြီ ကိုပေါရေ လာပြီ"
လူမလာခင် အသံအရင်ကြားရတဲ့ ဘေးအခန်းကနှစ်ယောက်ကတော့ ပုဆိုးတွေကို ပြင်ဝတ်ရင်း တဲထဲက ထွက်လာကြသည်။ မြန်မာဝတ်စုံကြောင့်လား မသိ..။ ဂျစ်ကန်ကန်ရုပ်ပေါက်တတ်တဲ့ ရှင်းခန့်ညားတောင်မှ လူကြီးလူကောင်းဟန် ဆန်နေသယောင်ရှိသည်။ ဒိုဒိုကတော့ ဆရာနေရာသာ ဝင်ယူထားရပေမယ့် ကလေးပုံမပျောက်သေး..။ ပုဆိုးကို မနိုင့်တနိုင်ဝတ်ရင်း ပီဒီပေါဆီကို ပြေးသွားနေသည်။
YOU ARE READING
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
