(Unicode)
~Celebrity Hot News~
"မင်္ဂလာပါရှင်။ နေ့စဉ်တင်ဆက်ပေးနေကြဖြစ်တဲ့ Celebrity Hot News ကနေ ပြန်လည်ကြိုဆိုလိုက်ပါတယ်။ ဒီနေ့မှာတော့ လူငယ်တွေကြားမှာ အပြောများနေတဲ့ ရုပ်ရှင်သရုပ်ဆောင် ဇွဲမင်းမာန်နဲ့ အဆိုတော် ခြံရံတို့ 'တွဲနေပြီလား'ဆိုတဲ့ သတင်းအကြောင်းအရာကို တင်ဆက်ပေးသွားမှာပါ"
"ဒီနေ့နေ့လည်အစောပိုင်းလောက်မှာပဲ မင်းသားနဲ့အဆိုတော်တို့ရဲ့ နှစ်ယောက်တွဲပုံတွေပါဝင်တဲ့ Postတစ်ခုဟာ 'မြင်နေရတာ သွေးရိုးသားရိုးလား' ဆိုတဲ့ခေါင်းစဉ်မျိုးနဲ့ လူမှုကွန်ယက် စာမျက်နှာမှာ ပျံ့နှံ့လာခဲ့ပါတယ်။ လက်တွဲတာတွေ၊ သိုင်းဖက်ထားတာတွေ ပါဝင်နေတဲ့ပုံရိပ်တွေကြောင့် နှစ်ယောက်သား တွဲနေကြတယ်ဆိုတဲ့ စွပ်စွဲမှုတွေနဲ့အတူ နှစ်ဖက်ပရိတ်သတ်ကြားမှာပါ တင်းမာမှုတွေရှိလာခဲ့တာပါ။ ဒါ့အပြင် LGBTအသိုင်းအဝိုင်းဘက်ကရပ်တည်တဲ့ ထောက်ခံသူတွေပါပေါ်ပေါက်လာခဲ့ပြီး ဂုဏ်ပြုပေးတဲ့သူတွေလည်း ရှိလာပါတယ်"
"ဇွဲမင်းမာန်နဲ့ ခြံရံဟာဆိုရင် We Are Challengers ရသစုံအစီအစဉ် Season IIမှာ အတူပါဝင်ခဲ့ကြတာဖြစ်ပြီး ထုတ်လွှင့်ပြသနေစဉ်မှာပဲ ဒီလိုကောလဟလတွေ ထွက်လာခဲ့တာပါ။ အစီအစဉ်မှာ တစ်ခန်းထဲနေထိုင်ခဲ့ကြတဲ့ သူတို့နှစ်ယောက်ရဲ့ ကောလာဟလကို ဖြေရှင်းပေးဖို့အတွက် နှစ်ဦးနှစ်ဖက်က ထုတ်ပြန်ချက်တွေကို ပရိတ်သတ်တွေက စောင့်မျှော်နေကြပါတယ်"
"ဒီသတင်းကို တင်ဆက်ပေးခဲ့တဲ့သူကတော့ ကျွန်မ မယ်လနီပဲ ဖြစ်ပါတယ်။ အားလုံးရွှင်လန်းချမ်းမြေ့ကြပါစေရှင်"
*****
လူသိရှင်ကြား ဖြစ်သွားရခြင်းအကြောင်းသည် KTVကိုလာတဲ့ ကောင်လေးတစ်စုကနေ စတင်ခဲ့သည်။ မင်းသားနဲ့ အဆိုတော်ကို တွဲတွေ့ရာကနေ လိုတာထက်ပိုနေတဲ့ ရင်းနှီးမှုမျိုးကို မြင်တွေ့လိုက်ရတဲ့အခါ ခြေရာခံမရသော Accountအတု တစ်ခုကို အသုံးပြုကာ ခိုးယူရိုက်ကူးထားတဲ့ ဓာတ်ပုံများကို ဖွင့်ချပြခဲ့သည်။
အကျိုးဆက်ကတော့ လူမှုကွန်ယက်ထက်မှာ ဂယက်ထသွားခြင်း။ စက္ကန့်နဲ့တပြေးညီ တက်နေသော မှတ်ချက်များ၊ မျှဝေခြင်းများနဲ့ အတူ ကောက်ချက်ချခြင်းများ၊ လုပ်ကြံပြောဆိုခြင်းများပါ ပါဝင်လာကြသည်။
YOU ARE READING
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
