(Unicode)
"ကိုခန့် ကိုခန့် မြင်ရလား မြင်ရလား"
"ဘယ်လိုလုပ် မြင်ရမှာတုန်း၊ ငါတို့က အလင်းထဲမှာ၊ သူတို့က အမှောင်ထဲမှာ"
"ထိုးကြိတ်နေရင် ဒုက္ခ"
"အာ.. သူတို့ဥာဏ်ရှိမှာပါ"
ဒိုဒို စိတ်ပူလျှော့ရအောင်သာ ပြောလိုက်ရတာ ရှင်းခန့်ညား ကိုယ်တိုင်လည်း မျက်ခုံးခပ်လှုပ်လှုပ်။ ပေါက်ထွက်လာစေဖို့ ဖောက်ထုတ်ခဲ့သူက နှစ်ယောက်မရှိနိုင်တဲ့ ခန့်ညားကိုယ်တိုင်ပင်။ သူတို့က ဝုန်းဆိုင်းဖုံးဒိုင်း ထဖြစ်ကြတော့ ဘေးလူနှစ်ယောက်ခမျှာ မျက်နှာငယ်လေးတွေနဲ့ နေစရာနေရာမရှိ။
"ကိုခန့်.. ကိုဇွဲနဲ့ကိုရံ ဘာတွေလဲဟင်၊ ဟို ရည်းစားဖြစ်ခဲ့တာမလား"
"အေး ငါလည်း အဲ့လိုထင်ပေမဲ့ ရည်းစားတော်ခဲ့တာတောင်မှ ဇွဲမင်းမာန်က မမှတ်မိဘူးဆိုတော့... ကိုရီးယားကားထဲကလိုများ.."
ရှင်းခန့်ညား ဒရမ်မာဇာတ်ခင်းကြည့်လိုက်သည်။ ဇွဲမင်းမာန်နဲ့ ခြံရံက သိပ်ချစ်ကြတဲ့ ငယ်ရည်းစားတွေ။ တရက်မှာ ဇွဲမင်းမာန်က ရည်းစားကိုစွန့်ပစ်ပြီး မင်းသားဖြစ်ဖို့ ရွေးချယ်သွားခဲ့သည်။ အဲ့ဒီ့မှာ ခြံရံက စိတ်နာနာနဲ့ ပလတ်စတစ် ဆာဂျရီလုပ်ပြီး အဆိုတော်ခြံရံအဖြစ် ပြန်လာခဲ့တာ။ ခန့်ညားအတွေးက ဖြစ်နိုင်ချေရှိပါသေးသည်။ တဖက်ကမ်းခတ် ဒိုဒိုကတော့...
"သားထင်တာတော့လေ ကိုဇွဲနဲ့ကိုရံက အချစ်ကြီးချစ်ခဲ့ပေမဲ့ ရောဂါအထူးအဆန်းတစ်ခုခုကြောင့် ကိုဇွဲက ကိုရံ့ကိုမေ့သွားတာလား မသိဘူး"
"မင်းကလည်း မဖြစ်နိုင်တာ၊ အဲ့တာဆို ခြံရံက ဘာလို့စိတ်နာနေမှာလဲ"
"ဟုတ်သားပဲနော်"
*ဒုန်း*
ဒိုဒိုနဲ့အတူ ဇာတ်လမ်းအချောသတ်ဖို့ ပြင်နေစဉ် ဝါးတံခါးကို အသားကုန် တွန်းဖွင့်ပြီး ဝင်ရောက်လာသူက ဇာတ်လိုက်ကျော် ခြံရံ။ မီးရောင်အောက်မှာ မျက်လုံးတွေက ပြူးကြောင်ပြီး ပါးနှစ်ဖက်က ရဲပြောင်နေသည်။ ပါးများ အရိုက်ခံလာရတာလား...။
"ခြံရံ.. ဘာဖြစ်လာတာလဲ"
"ကိုခန့် တံခါးပိတ်လိုက်! ဟိုလူ့ကို အဝင်မခံနဲ့!"
BINABASA MO ANG
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
