(Unicode)
ဟိုင်းလို့သာ အစပျိုးရပေမဲ့ သူစိမ်းတစ်ယောက်နဲ့ ကြူတော်မူရမယ်လို့ သဘောပေါက်မိတော့ လုလင်ပျို ချစ်ဝန်းရံလည်း မျက်နှာပူရှာတာပေါ့ကွယ်။ တရင်းတနှီးမိတ်ဖွဲ့ဖို့အတွက် လမ်းစပျောက်ခဲ့သတဲ့..။
သို့ပေမယ့်လည်း တဖက်မိန်းမပျိုငယ်က ပွင့်လင်းနွေးထွေးတဲ့ဟန်ပန်မို့ အဆင်ချောတယ်လို့ပဲ ပြောရပေမပေါ့..။ အသက်အရွယ် နှစ်နှစ်ငယ်နေတာကို သိလိုက်ရတဲ့ ချစ်ဝန်းရံက ရွယ်တူလို လီဇယ်ပြီး ရိုသေမှုကို တစ်ထစ်လျော့လိုက်ပါသေးတယ်။ အခုလည်း ..
'ဟေ့ ကွေကာအုပ်ရေ..'
'ရှင့်.. လီမွန်တီးရေ'
လို့ဆိုကြမယ့်အစား တိုတိုနဲ့တုတ်တုတ်သာ ခေါ်တွင်ဖို့ သဘောတူခဲ့ကြပါသတဲ့..။ ဒီလိုနဲ့ ကွေကာအုပ်နဲ့ လီမွန်တီးရဲ့ အွန်လိုင်းသံယောဇဉ်က အကာနဲ့တီး.. တီးနဲ့အကာမှာ ဖြစ်တည်လာခဲ့တာပေါ့ကွယ်..။
Oops! This image does not follow our content guidelines. To continue publishing, please remove it or upload a different image.
*****
ရိုက်ကူးရေးပထမရက်..။ အတိကျဆုံးပြောရရင် မိတ်လုံကျွန်းကို သွားမယ့်နေ့ဖြစ်သည်။ မနက်သုံးနာရီခွဲသာ ရှိသေးသော်လည်း မင်းမာန် အထုတ်အပိုးတွေသယ်ကာ တိုက်ခန်းကစထွက်ခဲ့ရပြီ။ ဆိပ်ကမ်းကနေ ခွာမည့်အချိန်က မနက်၅နာရီဖြစ်တာကြောင့် မနက်၄နာရဲခွဲထက်နောက်မကျဖို့ ပီဒီပေါကမှာထားသည်။
"မင်းမာန် ဟိုကိုရောက်တာနဲ့ ဖုန်းဆက်နော်၊ ပစ္စည်းတွေအကုန်ပါပြီလား"
"ပါပြီ အစ်မ၊ ဟိုမှာလည်း ပီဒီတွေရောက်နှင့်နေကြပြီဆိုတော့ အဆင်ပြေမှာပါ"
"အေးပါ၊ တစ်ခုခုဆို ငါ့ကို ဖုန်းချက်ချင်းဆက်"
မိတ်လုံကျွန်းကို မလိုက်ရတဲ့ မရည်မွန်က We R Cကို သိပ်ကျေနပ်ပုံမရပါ။ ပီဒီပေါကိုယ်တိုင်က ရိုက်ကူးရေးမှာ ဝင်ကူမှာစိုးတဲ့အတွက် မလိုက်တာအကောင်းဆုံးလို့ ပြောထားတော့ ဘာမှမတတ်နိုင်ဘဲ ငြိမ်နေရပုံရသည်။ ကိုယ့်မင်းသား ချွေးမြေကျတာနဲ့ သဘက်နဲ့ပြေးလာပြီး သုတ်တဲ့ထဲမှာ မရည်မွန်လည်း ပါသည်လေ။
YOU ARE READING
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
