(Unicode)
ရက်လအလီလီ ပြောင်းလဲ၍ အချိန်အားဖြင့် တစ်နှစ်ကျော်ကြာလာခဲ့ပြီ။ လွန်ခဲ့သည့် နွေဦးကာလ အစမှာပဲ ဇွဲမင်းမာန်နှင့် ချစ်ဝန်းရံတို့နှစ်ယောက် အချစ်ရေးကို လူသိရှင်ကြား ချပြခဲ့ကြပြီး လိင်တူချစ်သူ အနုပညာရှင်စုံတွဲအဖြစ် တစ်နိုင်ငံလုံး ဟိုးလေးကျော်သွားခဲ့သည်။ အကောင်းအဆိုး ဝေဖန်ကြသူများရှိသကဲ့သို့ အပြုသဘောဆောင်သည့် အားပေးထောက်ခံသူများလည်း အမြောက်အများပင်။
ဇွဲမင်းမာန် တည်ထောင်ခဲ့သော Y & M အင်တာတိန်းမိန့်ကုမ္ပဏီသည်လည်း အနေအထားတစ်ခုသို့ ရောက်ရှိလာပြီဖြစ်ကာ အနုပညာရှင် ၂၀ ကျော်ကို စီမံပေးလျက်ရှိသည်။ ယူအန်မီ လို့ ခေါ်ဝေါ်ကြသည့် အင်တာတိန်းမိန့်နာမည်၏ မူရင်းအဓိပ္ပာယ်သည် ယူအန်မီ၏ ပထမဦးဆုံး အနုပညာရှင်ဖြစ်သည့် ခြံရံ့နာမည်မှ Y နှင့် အင်တာတိန်းမိန့် CEO ဖြစ်သူ မင်းမာန်နာမည်မှ M ဖြစ်ကြောင်း တကူးတက ရှင်းပြနေစရာမလိုဘဲ သဘောပေါက်ကြလေ၏။ အနုပညာရှင်စုံတွဲ၏ နာမည်ကျော်ကြားမှုက ကြောက်ခမန်းလိလိပါပေ၊ နိုင်ငံတကာ ပရိတ်သတ်များပါ တိုးပွားလာသည့်အပြင် လက်ဆောင်များပေးရန် အဆောက်အဦးရှေ့တွင် တန်းစီစောင့်နေသည့် ပရိတ်သတ်များစွာကို နေ့တိုင်းလိုလို တွေ့မြင်ရတတ်သည်။
သို့သော်လည်း ထိုလူအုပ်ကြီးအား ထူးထူးခြားခြား ယနေ့ မမြင်တွေ့ရပေ။ အင်တာတိန်းမိန့်သည်လည်း ပုံမှန်ထက် ငြိမ်သက်နေကာ ဝန်ထမ်းအများစုက ညနေခင်း ကျင်းပမည့် ပွဲအခမ်းအနားမှာ ရောက်နေကြသည်။
မင်းသားဇွဲမင်းမာန်၏ နှုတ်ဆက်ပွဲ Fan Meeting..။ အနုပညာလောကမှ အပြီးသတ် ထွက်ခွာခြင်း မဟုတ်သော်လည်း နှစ်လရှည်ကြာ လျှောက်လမ်းခဲ့သည့် မင်းသားအနုပညာရှင်ဘဝမှ အနားယူခြင်းဖြစ်တာကြောင့် ပရိတ်သတ်များ ဝမ်းနည်းပူဆွေးကြသလို တဖက်မှာလည်း မင်းသား၏ ဆုံးဖြတ်ချက်ကို နားလည်ပေးကြသည်။ ထပ်မတွေ့နိုင်တော့သည့် မင်းသား၏ သရုပ်ဆောင်ချက်များကို နှုတ်ဆက်ရင်း Y & M အင်တာတိန်းမိန့် CEO၏ ဖန်တီးမှုများကို မျှော်လင့်စောင့်စားနေကြသည်။
YOU ARE READING
5.Life - U = 0 (Completed)
RomanceSomeone said Life is meaningless without YOU. What if that YOU don't mean You? In Life - U = 0, you will see so many kinds of YOU. (01.04.2022 - 21.04.2022 )
