တစ်ဦးဆိုင် ရပ်ဝန်း
Unicode
" ရလား ဖြည်းဖြည်း ထ အမာရွတ် ကလေး "
အမာရွတ် ကလေးလို့ သူ့နာမည် ကို ဖျက်ကာခေါ်နေသည့် ကောင်လေးကြောင့် လမြတ်ဝါက စူပုပ်ပုပ်လေး ဖြစ်သွားရသည်။
" အမာရွတ်ကလေး မဟုတ်ဘူး လမြတ်ဝါဆို ငါ့နာမည်က "
" စူပုပ်ပုပ်လေးနဲ့ တစ်မျိုးလေး ချစ်ဖို့ကောင်းတယ် အမာရွတ်လေးက "
လွန်းလရိပ်ဝေး အသည်းတွေယားလာသောကြောင့် အမာရွတ်ကလေးရဲ့ ပါးကို လိမ်ဆွဲလိုက်ပြီး ဘေးမှာကြနေတဲ့ စတော်ဘယ်ရီပူတင်း ဘူးလေးကို လက်ထဲထည့်ပေးလိုက်သည်။
လမြတ်ဝါဆိုလည်း မိမိလက်ထဲရောက်လာသည့် ပူတင်းဘူးလေးကို ကိုင်ထားမိသည်။
" ဟုတ်ပြီ လမြတ်ဝါဆို ဆိုလည်း လမြတ်ဝါဆိုပေါ့ ငါကတော့ အမာရွတ်ကလေး လို့ မင်းကို Nickname ပေးထားတယ် စတော်ဘယ်ရီ ပူတင်း ယူလာတယ် ပူပူလေးရှိသေးတယ် စားလိုက်ဦး "
ဗိုက်လည်း ဆာနေတာမို့ လမြတ်ဝါဆို ဘာမှမမေးသေးပဲ လက်ထဲက ပူတင်းဘူးလေးကို ဖွင့်ပြီး နှိုက်စားမိသည်။
" ဒီဘက်တိုးထိုင် စတော်ဘယ်ရီပူတင်း "
စတော်ဘယ်ရီပူတင်း အမာရွတ် ကလေးက သူ့ကို စတော်ဘယ်ရီ ပူတင်း လို့ ခေါ်လိုက်တာလား။
" စတော်ဘယ်ရီ ပူတင်း မဟုတ်ဘူး လွန်းလရိပ်ဝေး လို့ခေါ်တယ် အမာရွတ်ကလေး ရဲ့ "
လမြတ်ဝါဆို ဘေးက စတော်ဘယ်ရီ ပူတင်း ကို ဂြိုလ်ကြည့် ကြည့်ပေးလိုက်သည်။
သူ့ကြတော့ အမာရွတ်ကလေးလို့ ခေါ်ပြီး သူ့ကို စတော်ဘယ်ရီ ပူတင်း လို့ပြန်ခေါ်တော့ မကြိုက်ဘူး။
" ဖြေးဖြေးစား ငါလုမစားပါဘူး ခြင်တွေ ကိုက်နေပြီလား ဘာလို့အမှောင်ထဲထိုင်နေတာတုန်း "
" စတော်ဘယ်ရီပူတင်း မင်းနော် ငါ့ကို ဘလိုင်းကြီး လာအော်နေတယ် ငါနဲ့လည်း သိပ်မရင်းနှီးသေးပဲနဲ့ "
လွန်းလရိပ်ဝေး ကတော့ လမြတ်ဝါဆို စကားကို မကြားပဲ သူ့အရပ်နဲ့ မှီလောက်တဲ့ ဘန်ဒါပင် က ဘန်ဒါရွက် ခပ်ကြီးကြီး တစ်ရွက်ကို ခူးနေလေသည်။
YOU ARE READING
တစ်ဦးဆိုင် ရပ်ဝန်း
RomanceThe entire story line and character names are just the imagination of the author.
