တစ်ဦးဆိုင် ရပ်ဝန်း
Unicode
" သေချာပြီလား ဆုံးဖြတ်ပြီးတာ သေချာပြီလား လွန်းလရိပ်ဝေး "
ဘေးဘေ ကို တစ်ယောက်တည်း မထားခဲ့ချင်ပေမယ့် သူဒီမှာတော့ ဆက်နေဖို့လည်း မဖြစ်တော့ချေ။
" ဟုတ်ကဲ့ ဘေးဘေ သေချာပါတယ် သား သေချာဆုံးဖြတ်ပြီးပါပြီ "
ဘေးဘေက သက်ပြင်းအသာချကာ သူ့အနားလာဖို့ လက်ယက် ခေါ်သည်။
လွန်းလရိပ်ဝေး ဘေးဘေ အနားတိုးသွားလိုက်ပြီး လက်ကလေးကို ဆုပ်ကိုင်ပေးထားလိုက်သည်။
" ဘေးဘေက သားဆုံးဖြတ်ချက်မှန်သမျှကို ဘယ်တုန်းကမှ မကန့်ကွက်ခဲ့ဖူးဘူး နော်
လွန်းလရိပ်ဝေး ဘာလို့ဆို သားကို ဘေးဘေ ယုံကြည်လို့ သားက အခုမှ အသက် ဆယ့်သုံးနှစ်ပဲ ရှိသေးပေမယ့် အတွေးခေါ်တွေက
ရင့်ကျက်လွန်းတယ် "
ဘေးဘေပြောသလိုပင် သူက ဆယ့်သုံးနှစ်နဲ့
မလိုက်အောင်ကိုပင် ထူးချွန်ထက်မြတ်ပြီး
ရင့်ကျက်လွန်းလှသည်။
" ဘေးဘေးကို သားကျေးဇူး အများကြီး တင်ပါတယ် သား ဆုံးဖြတ်ချက်ချပြီးသား ကိစ္စ မို့လည်း ဘေးဘေက ခွင့်ပြုပေးမယ်လို့ ထင်ပါတယ်"
နောက်ဆုံး ကြီးကြီးဖြစ်သူ ဘေးဘေကပဲ တူဖြစ်သူ ဆန္ဒ ကို ခွင့်ပြုလိုက်ရသည်။
လွန်းလရိပ်ဝေး ၏ အဖေနဲ့အမေက တရားဝင်ကွာရှင်းထားခြင်း ဖြစ်ပြီး သူ့အား ဘေးဘေ ထံ၌ အပ်ထားခဲ့သည်။
ဘေးဘေက ဖေဖေ့ အမ ဖြစ်ပြီး ခွဲစိတ် ဆရာဝန်တစ်ယောက်လည်း ဖြစ်သည်။
ဖေဖေနဲ့ မေမေက လွန်းလရိပ်ဝေး ကိုးနှစ်အရွယ် လေးတန်းတက်နေတဲ့အချိန်မှာပဲ နှစ်ဦးသဘောတူ ကွာရှင်းပြတ်စဲခဲ့ကြသည်။
သူ့ကို တစ်နှစ်တစ်ခါပုံမှန်လာတွေ့ကြပေမယ့် မေမေက လွန်းလရိပ်ဝေး ခြောက်တန်း နှစ် မှစ၍ လာမတွေ့တော့ချေ။ ဘေးဘေ စုံစမ်းခိုင်းတဲ့ သတင်းတွေအရတော့ မေမေက
သြစတီးယားဘက်မှာ နောက်အိမ်ထောင်ပြု သွားပြီဟူ၍ပင်။
ဖေဖေကလည်း မေမေ နောက်အိမ်ထောင်ပြုပြီး ငါးလအကြာမှာပဲ နောက်မိန်းမထပ်ယူခဲ့သည်။
VOCÊ ESTÁ LENDO
တစ်ဦးဆိုင် ရပ်ဝန်း
RomanceThe entire story line and character names are just the imagination of the author.
