တစ်ဦးဆိုင် ရပ်ဝန်း
Unicode
ရုံးခန်းထဲရောက်တော့ ထုံးစံအတိုင်း ကြားနေကြစကားတွေပဲ လမြတ်ဝါဆို ကြားရတယ် ။
မိဘတွေကတောင် ထိန်းမနိုင် သိမ်းမနိုင်ဖြစ်နေတဲ့ကောင်လေး အကြီးတွေကို ရိုသေမှုမရှိပဲ ပြန်ထိုးတဲ့ကောင်လေး ကြားထဲက မဆီမဆိုင်စကားတွေက ပါလိုက်သေးတယ် ဒီလိုပုံစံမျိုးနဲ့ စာမေးပွဲကအောင်မှာမဟုတ်ဘူးဆိုပဲ။
ဇာတ်လမ်းအစမှာဘယ်သူ မင်းသား ဘယ်သူမင်းသမီးလဲ မသိပေမယ့် ဇာတ်လမ်းအဆုံးတိုင်းမှာတော့ လမြတ်ဝါဆို က ဗီလိန် ပဲ ဖြစ်ရတယ်။
နောက်မလုပ်တော့ပါဘူးဆိုပြီး ခံဝန်ကတိထိုးကာ အဆောင်ရှေ့က မြက်ရိုင်းတွေ နှုတ် ပြီး အိမ်သာတွေ သန့်ရှင်းရေးလုပ်ဖို့ လမြတ်ဝါဆို အပြစ်ပေးခဲ့ရသည်။
" ဒါဆို သူတို့ကြတော့ရော ဆရာကြီး ကျွန်တော်တစ်ယောက်ထဲပဲ ရန်ဖြစ်တာမဟုတ်ဘူးလေ သူတို့အရင်စလို့ ကျွန်တော်ပြန်ထိုးတာ ဘာလို့ ကျွန်တော့် တစ်ယောက်တည်းကပဲ မြက်နှုတ်ရမှာလဲ အိမ်သာဆေးရမှာလဲ "
လမြတ်ဝါဆို အမေးကြောင့် ကျောင်းအုပ်ကြီး က သက်ပြင်းချသည်။
ရှေ့ကသုံးကောင်ကလည်း အခုမှ မျက်နှာငယ်လေးတွေနဲ့ လုပ်ပြနေသည်။
" သူတို့က ဆယ်တန်းကျောင်းသားတွေလေ သူတို့ကိုခိုင်းလိုက်လို့ အတန်းချိန်တွေ လွတ်သွားရင် ဘယ်လိုလုပ်မလဲ ဆယ်တန်း ဆိုတာ အရေးကြီးတယ်ကွ "
မဆီလျော်သော စကားတွေကိုလည်း လမြတ်ဝါဆို ထပ်မကြားချင်တော့သောကြောင့် ပြောလက်စ စကားကို လက်စမြန်မြန် သတ်ရသည်။
" ဆယ်တန်းတွေကပဲ အရေးကြီးတာပေါ့ ကျွန်တော့်လို ရှစ်တန်း ကျောင်းသားကရော အရေးမကြီးဘူး လား ထားပါတော့ အရေးကြီးတဲ့ ဆယ်တန်းအကိုကြီးတွေအစား ကျွန်တော်ကပဲ သန့်ရှင်းရေးလုပ်လိုက်ပါ့မယ် ခွင့်ပြုပါဦးဗျ ဆရာကြီး ....... ဪ ကျွန်တော့်အိမ်ကို ဖုန်းဆက်ပြီး လှမ်းတိုင်ဖို့လည်း မမေ့နဲဦးနော် "
ကျောင်းအုပ်ကြီး စကားပြန်ပြောတာ စောင့်မနေတော့ပဲ လမြတ်ဝါဆို အဆောင်ပြန်လာပြီး
မြက်နှုတ်ဖို့အတွက် ပုဆိုးကို ခပ်တိုတို ဝတ်ကာ ရွှံ့ ထဲဆင်းလိုက်သည်။
VOCÊ ESTÁ LENDO
တစ်ဦးဆိုင် ရပ်ဝန်း
RomanceThe entire story line and character names are just the imagination of the author.
