တစ်ဦးဆိုင် ရပ်ဝန်း
Unicode
ရှမ်းခေါက်ဆွဲ ဘူးကို လွန်း ဖွင့်လိုက်ပြီး အမာရွတ် ကလေးကို ခွံ့ကြွေးဖို့ ပြင်လိုက်သည်။
" လက်ကနာနေတာမလား လမြတ်ဝါဆို ဟ ငါခွံ့ကြွေးမယ် "
လမြတ်ဝါဆိုလည်း အလိုက်တသိပင် ပါးစပ်ဟပေးထားလိုက်သည်။
" အဟွတ် အဟွတ် "
အရသာက ငန်နေသော ကြောင့် လမြတ်ဝါဆို သီးတော့မလိုတောင်ဖြစ်သွားသည်။
" ဘာဖြစ်တာလဲ ငန်နေလို့လား စားမကောင်းဘူးလား ငါလည်း သေချာလုပ်လာတာပဲ သိပ်မချက်တတ်သေးလို့ "
တစ်ယောက်တည်း ဂုတ်ကလေးကို လက်နဲ့ ပွတ်ကာ စကားပြောနေသော လွန်းကြောင့် လမြတ်ဝါဆို နဖူးလေးကို ဖိတောက်လိုက်သည်။
" အင့် နာသွားပြီနော် ဗုဒ္ဓဟူးသား "
အသားအရေ ကောင်းတဲ့ လွန်းကချက်ချင်း နဖူးကြီး နီရဲလာသည်။
" ဗုဒ္ဓဟူးသား မဟုတ်ဘူး စနေသား လွန်းသာ ဗုဒ္ဓဟူးသား ဆင်ကြီးလေ "
" ဟာ တစ်ကယ်ကြီး မင်းက စနေသားလား နေ့နံနဲ့လည်း မကိုက်ဘူး ငါဆို ကိုက်တယ် လွန်းလရိပ်ဝေး လနဲ့လည်း စတယ် ဗုဒ္ဓဟူးသား လည်း ဖြစ်တယ် "
" အဲ့တော့ ပိုမကောင်းဘူးလား စနေနဲ့ ဗုဒ္ဓဟူး ရူးတောင် ထမင်းမငတ်ဘူးလေ မမိုက်ဘူးလား လွန်း"
သူ့ကို ရီရီမောမောနဲ့ စနေသော အမာရွတ် ကလေး၏ မျက်နှာကို လွန်း သေချာကြည့်မိသည်။
မျက်ခုံးထူထူနှစ်ခုက ထင်းနေပြီး စိတ်တိုတာမျိုး ဒေါသထွက်တာမျိုးတို့ဆို အမာရွတ် ကလေး မျက်မှောင်ကြုတ် သွားသည့် အမူအယာက တစ်ကယ်ကိုကြည့်ကောင်းသည်။
အမာရွတ် ကလေးက သူ့ထက်လည်း နည်းနည်း အကောင်ကြီး သည့်အပြင် အရပ်လည်း ရှည်သည်။
" အမြဲတမ်း ဒီလိုပြုံးနေမှာလား ငါ့ကောင်လေး "
လွန်း မျက်နှာနုနုလေးက မီးရောင်အောက်မှာ ကြွေရုပ်သဖွယ် လှပလွန်းသည်။
သူ့လက်ကို ဆုပ်ကိုင်လာသည့် လွန်းလက်နှစ်ဖက်လုံးကို ပြန်လည်ဆုပ်ကိုင်ကာ
YOU ARE READING
တစ်ဦးဆိုင် ရပ်ဝန်း
RomanceThe entire story line and character names are just the imagination of the author.
