Past relationship (U+Z)[Completed]

Final

*Unicode *

ပဲရစ် က စုံတွဲကတော့ သာယာကြည်နူးစွာနဲ့ အမှတ်တရကောင်းလေးတွေ ဖန်တီးနေကြပါတယ်။ အထင်ကရနေရာလေးတွေကိုလျောက်လည်လိုက် ၊ မုန့်တွေ လျောက်စားလိုက်နဲ့။
အရင်ကထက်ကို ပိုပြီး နားလည်မှုရှိတဲ့ အိမ်ထောင်ရေးကိုဖန်တီးတည်ဆောက်နေကြတယ်။

တစ်ပတ်ဘဲ သူတို့ ပဲရစ်မှာ အချိန်တွေကုန်ဆုံးပြီး နယူးဇီလန်ကိုပြန်လာခဲ့လိုက်တယ်။
စာမလာ သတင်းမကြားဖြစ်နေတဲ့ Lisa ကို စိတ်ပူစပြုလာပြီလေ။ Ph ဆက်လည်းစက်ပိတ်ထားတယ်တဲ့။

လေယာဥ်ပေါ်က ဆင်းဆင်းချင်း လာကြိုတဲ့အိမ်က driver ပြောတဲ့စကားကြောင့် ယောင်းငယ်ရော Soo ရော Lisa ကို ပိုစိတ်ပူသွားတယ်။
ဘာတဲ့ Lisaတစ်ယောက် ထမင်းမစား ဘာမစားနဲ့ စက်ရုပ်လိုဘဲ ကျောင်းသွားလိုက်အိမ်ပြန်လာလိုက် လုပ်နေတယ်တဲ့ ။ အရယ်အပြုံးလည်း မရှိနေဘူး သံပတ်ပေးထားသလိုဘဲတဲ့

အိမ်ရောက်တော့ Lisa ကျောင်းသွားနေတာမို့ အဝတ်အစားတွေ လဲလိုက်ကြပြီး ခရီးပန်းတာကိုတောင် အာရုံ မရောက်နိုင်ကြဘဲ ဧည့်ခန်းမှာ ထိုင်စောင့်နေလိုက်ကြတယ်။ နေလည်း စောင်းနေပြီဆိုတော့ ကျောင်းက ပြန်ရောက်တော့မှာဘဲ။

ခနအကြာ ခြံထဲ ခပ်ပြင်းပြင်းမောင်းဝင်လာတဲ့ ပြိုင်ကားသံလေးနဲ့အတူ Lisa အိမ်ထဲ လေးတိလေးကန်နဲ့ ဝင်လာတယ်။ အာ မျက်နှာတွေ ချောင်ကျသွားလိုက်တာ။ ယောင်းတို့ကိုတွေ့တော့ မသာမယာဖြစ်နေတဲ့ မျက်နှာလေးကိုပြင်ပြီး အားယူပြုံးပြတယ်။ ပြီးတော့ တစ်ချက် ယိုင်သွားတဲ့ ခန္ဓာကိုယ်လေး။ ယောင်း အမြန်ဘဲ သွားဖမ်းထိန်းလိုက်ရတယ်။

" ပြန်လာကြပြီလား မြန်လိုက်တာ။ "

" နင်က ဘာဖြစ်နေတာလဲ။ တစ်ခုခုဖြစ်နေရင်လည်း ငါတို့ကို အကြောင်းကြားလေ အရူးရ။ နင်ပြောတော့ မိသားစုတွေဆို"

" ငါ မနှောင့်ယှက်ချင်လို့ပါဟာ။ ငါလေ ငါလေ ငါ့မှာ ဘာမှ မရှိတော့ဘူးသိလား။ Jen ထွက်သွားပြီ သူပြန်မလာတော့ဘူးတဲ့"

ပြောရင်း ကလေးလို ယောင်းရင်ခွင်ထဲ ဝင်ငိုနေတဲ့ Lisa။ သူဒီရက်ပိုင်း အရမ်းထိန်းထားရတာတွေကများတော့ ဒီသူငယ်ချင်း ဒီအမတွေရှေ့မှာ ဟန်တောင်မဆောင်နိုင်ဘဲ ပြိုလဲကျ။ ယောင်းငယ်ရော Jisoo ရောက Lisa ကို ကျောလေးတွေ ပုတ်ပြီး နှစ်သိမ့်ပေးကြတယ်။