ချစ်လေညှင်းလေးဖမ်းဆုပ်ခွင့်ပြုပါ
အပိုင်း -(၈)
ကောင်းကင်က တိမ်စိုင်တွေလွတ်လပ်စွာရွေ့လျားနေတာကို ကြည့်ရတာသူအရမ်းသဘောကျတာပါပဲ။ အပြာရောင်ဖျော့တော့တော့ကားချပ်ပေါ်မှာ ဝါဂွမ်းစိုင်လေးလိုနူးညံ့သောအသွင်ရှိသည့် အဖြူရောင်တိမ်တိုက်တွေက ခဲရောင်သန်းသွားလိုက် ဖြူဖျော့လာလိုက်နဲ့ လေနှင်ရာရွက်လွှင့်နေတာက သူ့စိတ်တွေလေ့လွင့်နေရသလိုပဲ။ လေယာဉ်စီးရင်းကြည့်ရသည်မို့ တိမ်တွေကသူနဲ့ပိုနီးကပ်နေသယောင်ပင်။
တိမ်စိုင်တွေထဲတွင် ပြုံးနေသောအမျိုးသမီးတစ်ဉီး၏ပုံရိပ်ကိုသူပုံဖော်ကြည့်နေမိသည်။ သူ့အမေကိုသူမြင်ဖူးပေမယ့် ရေးတေးတေးမှတ်ဉာဏ်လေးမို့ သူပုံရိပ်ယောင်လေးကို မဖမ်းဆုပ်လိုက်နိုင်ခင်အမြဲ ပြယ်လွင့်သွားမြဲ။ နွေးထွေးသောပွေ့ဖက်မှုလေး၊ နွေးထွေးသောအပြုံးလေး သူ့အမေကသူ့ကိုမွေးဖွားခဲ့တဲ့အချိန်တုန်းက ပျော်ရွှင်ခဲ့လောက်တယ်မလား။ သူ့အတွေးတွေက တိမ်တွေကိုကြည့်ရင်း စိတ်အစဉ်ကလည်း တိမ်တွေလို တောင်စဉ်ရေမရ ရောက်တတ်ရာရာသာ။
"မှိုင်းလေး ဗိုက်ဆာပြီလား"
သူ့အဖေက သူတိမ်တွေကိုသဘောတကျကြည့်တာကိုမြင်တော့ ခေါင်းကရွှေရောင်ဆံပင်တွေကိုခပ်ဖွဖွ ကိုင်လိုက်ပြီး ဖျော့တော့တော့အပြုံးမျိုးကိုပေးလေသည်။ စိတ်ထဲဘယ်လောက်တောင်ပင်ပန်းနေမလဲသူမှန်းလို့တော့ရပါသည်။ စိမ်းဖန့်ဖန့်မျက်ဝန်းတွေကမှိုင်းညှို့နေကာ မျက်ကွင်းကညိုပြီး မျက်နှာကအတော်လေးချောင်ကျနေသည်။
"ပါးပါး ဝိုင်သောက်မလို့လား"
"နည်းနည်းပါ..."
မှိုင်လေးက သူ့အဖေကို ခါးပတ်တပ်ထားရင်းက မရမက လည်ပင်းကိုသိုင်းဖက်လိုက်ပြီး ကျောကုန်းကိုဖွဖွပုတ်ပေး၏။
"ပါးပါးအနားမှာ သားကအမြဲရှိပေးမှာပါ သားကြီးလာရင် ပါးပါးကိုဘယ်သူကမှစိတ်ဒုက္ခမပေးနိုင်အောင် စောင့်ရှောက်ပေးမယ်"
"ဟား ဟား တတ်လိုက်တဲ့ပါးပါးရဲ့သားလေး... မှိုင်းလေးမသောက်စေချင်ရင် ပါးပါးမသောက်တော့ဘူးနော် ဖက်ထားလိုက်တာ ဖားပြုတ်လေးကျနေတာပဲ အသက်ရှူကျပ်လာပြီ"
ŞİMDİ OKUDUĞUN
ချစ်လေညှင်းလေးဖမ်းဆုပ်ခွင့်ပြုပါ
Genç Kurguအချစ်ကလေးညှင်းလေးလို မင်းနားမှာပဲဖြတ်တိုက်နေမယ်ဆို တကယ်ပဲအဲ့အချစ်ကိုဖမ်းဆုပ်နိုင်မှာလား ခက်ခဲတယ်ဆိုတာတွေကပိုပျော်ဖို့ကောင်းတယ် မင်းသာလေညှင်းလေးဆိုလည်း ငါကတော့ဖမ်းဆုပ်ထားမှာပါပဲ start date...2.07.2021
