Unicode
ဆိုင်ကယ်ပြိုင်ပွဲ လမ်းကြောင်းအတိုင်း Jungkookက ပိုင်နိုင်စွာနဲ့ ဂငယ်ကွေ့ ကွေ့ချလိုက်တော့ နောက်က Erikaဆိုတဲ့ မိန်းကလေးရဲ့ လက်တစ်စုံက ရှေ့က မောင်းနေသူရဲ့ ဂျိုင်းကြားကနေ တင်းမာနေတဲ့ ကြွက်သားများပြည့်နေတဲ့ ရင်အုပ်ထက်ကို ပိုမို တင်းကျပ်စွာ ဖက်တွယ်လာသည်
" ကုန်ပါပြီကွာ "
တစ်ဖက်က ဧည့်သည်အနေနဲ့ ပါလာတဲ့ကောင်လေးရဲ့ ညည်းညူသံကြားလိုက်တာမို့ Yugyeomက ထိုကောင်လေးဘက်ကို လှည့်ကြည့်ရင်း
" Jungkookက ပိုင်တယ်မလား သူ ဆိုင်ကယ်စကျင့်ကတည်းက ဒီလို ဂငယ်ကွေ့တွေကို တအားကျွမ်းတာ "
" အင်းး "
" ဒါက ဘယ်သူလေးလဲ အသစ်ထင်တယ် ဟုတ်လား "
ပရိတ်သတ်များကြားကနေ အနီးနားကို ရောက်လာတဲ့ တစ်စုံတစ်ယောက်က Jiminကို ကြည့်ရင်း လှမ်းမေးလေသည်
" ဟေ့ကောင် Namhyuk... လာနောက်မနေနဲ့ သူက Jungkookခေါ်လာတာ ပြဿနာတက်သွားမယ်နော် "
Yugyeomစကားကြောင့် အပြောခံလိုက်ရတဲ့လူက အနည်းငယ်ကြောင်အမ်းသွားပြီးမှ
" ဟုတ်လို့လား သူက ဘယ်တုန်းက ဧည့်သည်ပါလာဖူးလို့လဲ မင်းက ဘယ်သူလဲ Jungkookနဲ့က ဘာတွေလဲ "
Jiminရဲ့ခါးတစ်ဝိုက်ကို လှမ်းဆွဲကာ နီးကပ်စေရင်း ထိုလူက စနောက်သလိုဖြင့် မေးလာသည်
နီးကပ်လာသော ထိုNamhyukဆိုသောလူရဲ့ ရင်ဘတ်ကို Jimin တွန်းထုတ်လိုက်ရင်း
" ခုမှ စတွေ့တဲ့လူကို ဒီလို နှုတ်ဆက်တာက ကောင်းတဲ့ အပြုအမူတော့ မဟုတ်ဘူးထင်တယ် "
အတွန်းခံလိုက်ရတာမို့ Namhyuk အစက ကြောင်သွားပေမယ့် နှုတ်ခမ်းထက်မှာ အပြုံး တစ်ခု ပေါ်ပေါက်လာသည်
" စိတ်ဝင်စားစရာပဲ.... Jungkookလိုကောင် သဘောကျတဲ့လူက မင်းလိုကောင်လေးတဲ့လား မထင်ထားဘူး "
ဘယ်သူက သဘောကျတာ?
Jiminဘာမှ မတုန့်ပြန်လိုက်ရသေးခင်မှာ ပရိတ်သတ်လူအုပ်ကြီးက ဆူညံသွားလေသည်
ထိုစဉ် မိုက်စမ်းသံနဲ့ အတူ
" ဟုတ်ကဲ့ခင်ဗျ... မျှော်မှန်းထားခဲ့သလိုပဲ ပြိုင်ပွဲဝင် Jungkookဟာ လှပစွာ စတန့်ပြသွားခဲ့ပြီး အရင်ဆုံး ပန်းဝင်သွားတာမို့ အနိုင်ရရှိသွားသူက Jeon Jungkookပဲဖြစ်ပါတယ်!! "
YOU ARE READING
Love me, don't Flirt
Fanfictionဘဝမှာ အကြီးမားဆုံးအမှားက ကိုယ့်ကို ဒီနေရာမှာတင် ရပ်စောင့်နေတဲ့လူဆီကနေ အဝေးကို ပြေးထွက်သွားခဲ့မိတာပဲ ဘဝမွာ အႀကီးမားဆုံးအမွားက ကိုယ့္ကို ဒီေနရာမွာတင္ ရပ္ေစာင့္ေနတဲ့လူဆီကေန အေဝးကို ေျပးထြက္သြားခဲ့မိတာပဲ / KOOKMIN / / VOPE / #1 VOPE #3 vmin #1 koo...
