Hope World ရှိဥယျာဉ်ထဲတွင် သခင် Hope ဆေးရည်ဖော်စပ်ရာဘေး၌ ထုံးစံအတွင်း အီဟွာကသီချင်းသံစဉ်တစ်ခုကို ဆိုပြနေသည်။
" အဆင်ပြေရဲ့လားသခင် Hope "
" အင်းအဆင်ပြေတယ်..နောက်ဆုံးတော့ တကယ်အချိန်တန်ပြီနဲ့တူတယ် "
" ကလေးမ ကိုယ်တို့စကားခဏပြောကြရအောင်လား "
" ဟုတ်ကဲ့ သခင် Hope ဘာပြောစရာရှိလို့လဲဟင် "
ဥယာဉ်ထဲမှ သက်တမ်းအကြာဆုံး အဝါရောင်ပန်းပင်ကြီးအောက်တွင် သူတို့၀င်ထိုင်လိုက်ကြသည်။
" အီဟွာ့ရဲ့နောက်ဆုံးဆန္ဒတွေပြီးမြောက်သွားပြီလို့သိရတယ် အဲ့တာဟုတ်လား "
" ဟုတ်တယ်လို့ပြောလို့ရပါတယ်..အခုကိုကိုနဲ့ဖေဖေနဲ့ကလည်းအဆင်ပြေလာကြပြီ..ကိုကို့အတွက်အဖော်ကောင်းတစ်ယောက်လည်းဘေးမှာရှိနေပြီဆိုတော့ စိတ်ချလက်ချထားခဲ့နိုင်ပါပြီ "
" ဒါဆို ကလေးမအတွက်ပဲစဉ်းစားဖို့ပဲကျန်တော့တာပေါ့ "
" ဟွာ့အတွက်? "
" ဟုတ်တယ်...နောက်တစ်ပတ်နေရင်ကလေးမကိုလာခေါ်ပေးမယ့်သူတွေရောက်လာလိမ့်မယ် "
မတိုးလွန်းမကျယ်လွန်းပဲ ညင်ညင်သာသာ ထွက်ပေါ်နေသော သခင် Hope ရဲ့စကားသံအောက်တွင် အီဟွာလှုပ်လှုပ်ရှားရှားဖြစ်သွားရသည်။
" ဘယ်ကိုလဲဟင် "
" လူတွေမှာသေဆုံးခြင်းဆိုတာရှိသလို အသစ်တစ်ဖန်မွေးဖွားခြင်းဆိုတာလည်းရှိတယ်ကလေးမရဲ့..အသစ်တစ်ဖန်မွေးဖွားရာလမ်းကို သူတို့ကသေချာခေါ်ဆောင်သွားပေးမှာပါ "
" ဒီအတိုင်းပဲနေလို့ရောမဖြစ်နိုင်ဘူးလားဟင်..ဟွာနောက်ထပ်ဘဝအသစ်တစ်ခုကိုမလိုချင်သေးဘူး "
သခင် Hope က နူးနူးညံ့ညံ့ပြုံးပြလာသည်။
" ကိုယ်နဲ့ရင်းနှီးကျွမ်းဝင်ပြီးသား .. နေသားတကျဖြစ်ပြီးသားအရာရာကိုမေ့ပစ်ပြီး အသစ်တစ်ဖန်စတင်ရတာ စိတ်ရှုပ်ဖို့ကောင်းသလို ဝမ်းနည်းဖို့လည်းကောင်းတာတော့ အမှန်ပါပဲ.."
" ဒါပေမယ့် အသစ်တဖန်စတင်တဲ့အခါ ဒီဘဝမှာမကြုံလိုက်ရတဲ့ မကြုံဖူးသေးတဲ့အသစ်သစ်သောအရာတွေကကိုယ့်ကိုစောင့်ကြိုနေလိမ့်မယ်.. "
STAI LEGGENDO
The Last Hope
Fantasyဖြူစင်သော ဝိညာဉ်တွေရဲ့ နောက်ဆုံးမျှော်လင့်ချက် Hope World မှကြိုဆိုပါတယ်။ **Unicode+Zawgyi** OTP - Namjin, Taegi, Jikook From 10th Aug, 2021 to 15th Oct, 2021~
