" ကိုကို လေယာဉ်ထွက်တော့မယ် "
" ဟုတ်ပြီ ဟွာလေး..မနက်ဖြန်တွေ့မယ် "
အီဟွာက သူမကိုယ်တိုင်ကျောင်းတက်နေရပြီဖြစ်သော်လည်း New Zealand ရှိသူမအစ်ကိုဂျွန်းကို သတိရနေတာကြောင့် ဖခင်တားသည့်ကြားမှ အလည်သွားခြင်းဖြစ်သည်။ သူမတစ်ယောက်တည်း လေယာဉ်စီးဖူးသည်မှာ ဒါပထမဆုံးဖြစ်၍ အနည်းငယ်စိတ်လှုပ်ရှားနေမိသည်။
" ကြိုဆိုပါတယ်ရှင့် လက်မှတ်လေးပြပေးပါ "
" ဒီမှာပါ "
" လမ်းပြပေးပါမယ် ဒီဘက်ကိုကြွပါ "
သွက်သွက်လက်လက်လေယာဉ်မယ်လေးခေါ်ရာနောက်သို့ အီဟွာလိုက်လာခဲ့လိုက်သည်။ သူမထိုင်ခုံမှာထိုင်နေပြီး ခဏအကြာတွင် လေယာဉ်မှကြေညာသံကိုကြားလိုက်ရသည်။
" မကြာမီအချိန်အတွင်းမှာ လေယာဉ်စတင်ထွက်ခွါပါတော့မယ်ရှင်..ထိုင်ခုံခါးပတ်များကို သေချာစွာပတ်ထားပေးဖို့နဲ့... "
အီဟွာနားကြပ်တပ်လိုက်ပြီး မျက်လုံးတွေကိုစတင်ပိတ်ထားလိုက်သည်။
လေယာဉ်စထွက်ပြီးမကြာမီမှာပင် အိပ်ပျော်သွားတာကြောင့် ညလယ်ခေါင်တွင် သူမတစ်ရေးနိုးလာခဲ့သည်။ တိုက်ရိုက်သွားသော လေယာဉ်ဖြစ်တာကြောင့် ညောင်းချိနေအောင်စီးရဦးမည်ဖြစ်သည်။
လေယာဉ်ပေါ်တွင် ခရီးသည်တော်တော်များများ အိပ်မောကျနေကြသည်။ အီဟွာက အညောင်းပြေ နေရာမှထပြီး သန့်စင်ခန်းသို့သွားလိုက်သည်။ ထိုအချိန်တွင် လေယာဉ်ပြတင်းပေါက်ဘေးမှ အမည်းရောင်အငွေ့တန်းများဖြတ်သွားသည်ကိုတော့ သူမသတိမထားမိလိုက်ပါ။
အီဟွာသန့်စင်ခန်းမှပြန်ထွက်တော့မည့်အချိန်တွင် လေယာဉ်ကြီးတစ်ခုလုံးမှာ သိမ့်ခနဲခါရမ်းသွားသဖြင့် သူမယိုင်ကျသွားသည်။
ခုနကတိတ်ဆိတ်နေသောလေယာဉ်ကြီးထဲတွင် ဆူဆူညံညံအသံများစတင်ထွက်ပေါ်လာတော့သည်။
" အရေးပေါ်အခြေအနေဖြစ်ပါသည်..လေယာဉ်လမ်းကြောင်းတွင် အမျိုးအမည်မသိရသောမြူများဝန်းရံလာသဖြင့် လမ်းကြောင်းကိုသဲကွဲစွာမမြင်ရတော့သောကြောင့် ခရီးသည်များအနေဖြင့်မိမိနေရာတွင်ထိုင်ခုံ ခါးပတ်များကို သေချာစွာပတ်ထားပေးကြပါရန် မေတ္တာရပ်ခံအပ်ပါသည် "
VOCÊ ESTÁ LENDO
The Last Hope
Fantasiaဖြူစင်သော ဝိညာဉ်တွေရဲ့ နောက်ဆုံးမျှော်လင့်ချက် Hope World မှကြိုဆိုပါတယ်။ **Unicode+Zawgyi** OTP - Namjin, Taegi, Jikook From 10th Aug, 2021 to 15th Oct, 2021~