အိပ်ပျော်နေရင်းကမှ မခံမရပ်နိုင်အောင် ပူအိုက်လာမှုကြောင့် မိုးမလင်းခင်အချိန်မှာ Min နိုးလာခဲ့ရသည်။ နိုးလာတော့မှပူအိုက်နေရခြင်းရဲ့အကြောင်းတရားဖြစ်သော ရင်ဘက်ပေါ်မှသန်သန်မာမာလက်မောင်းကြီးတွေကို မနဲဖယ်ရှားတွန်းကန်လိုက်ရသည်။
အရင်ကဘယ်လောက်ပဲနှစ်ယောက်တစ်ခန်းနေသော်လည်း ကိုယ့်အိပ်ယာနဲ့ကိုယ်မလို့ ဒီလိုဒုက္ခမျိုးမရှိပေမယ့် ပြဿနာတွေဖြစ်ပြီးကတည်းက Jeon ကခပ်တည်တည်ပင်ကုတင်နှစ်ခုကိုပူးကပ်ထားလိုက်တော့သည်။ စစချင်းတော့ Min ကိုယ်တိုင်ကလည်း ဘာမှအထွန့်မတက်ခဲ့ပေမယ့် နေ့တိုင်းနီးပါးအခုလိုပူအိုက်ပြီးနိုးလာရတဲ့အခါ စိတ်ကမကြည်တော့ပေ။
" Jeon ထစမ်းကွာ "
" အစောကြီး..ဘာဖြစ်တာလဲကွာ "
" သွားကွာ မင်းဘာမင်းအိပ်..ငါကောင်းကောင်းကိုမအိပ်ရဘူး..ဘာလို့ဒီလောက်ကပ်နေရတာလဲ "
အိပ်တစ်ဝက်နိုးတစ်ဝက်ဖြင့် မျက်လုံးတောင်မပွင့်သေးဘဲ Jeon ကပြုံးသည်။ ပြီးတော့ ဟိုဘက်ကိုမတိုးသည့်အပြင် Min အနားသို့ပိုတိုးလာပြန်သည်။
" ဟေ့ကောင်!! ပူလို့သေတော့မယ်လို့ "
" ပူရင် air con ဖွင့်ပေါ့ကွာ "
" ဘယ်မှာလဲ remote..ရှာပေး ရှာပေး "
Min ပြောချင်ရာပြော ကိုယ့်ဘာကိုယ်အေးရာအေးကြောင်းပြန်အိပ်မယ်လုပ်နေသော်လည်း အားနည်းနေတယ်ဆိုသော အကောင်သေးသေးလေးရဲ့ တွန်းထိုးမှုတွေကြောင့် Jeon ထထိုင်ပြီး remote လိုက်ရှာရတော့သည်။
" ရော့ကွာ ရော့ "
" နေဦး ငါ့ဖုန်းယူပေးဦး..ငါပြန်အိပ်လို့မရတော့ဘူး မျက်စိကျယ်သွားပြီ "
" Min မနက်လေးနာရီပဲရှိသေးတာနော်"
" ယူပေးစမ်ပါ "
" ရော့ ရော့ "
ဒီတစ်ခါတော့ တကယ်ပြန်အိပ်တော့မည်အတွေးနဲ့အိပ်ယာပေါ်ပြန်တက်လိုက်သော်လည်း အစောကြီးနိုးသွားရလို့ မကျေမနပ်ဖြစ်နေသူလေးရဲ့ဂဂျီဂကြောင်မှုတွေကမပြီးသေးပါ။
" ခေါင်းစွပ်..ဗီရိုထဲကခေါင်းစွပ်ယူပေးဦး မင့် air con ကြီးကငါ့ခေါင်းအေးတယ် "
YOU ARE READING
The Last Hope
Fantasyဖြူစင်သော ဝိညာဉ်တွေရဲ့ နောက်ဆုံးမျှော်လင့်ချက် Hope World မှကြိုဆိုပါတယ်။ **Unicode+Zawgyi** OTP - Namjin, Taegi, Jikook From 10th Aug, 2021 to 15th Oct, 2021~