الانسان الانطوائى.......🤔
يمكن احنا سمعنا الاسم دا قبل كدا ويمكن كمان نعرف حد من قرايبنا او احنا شخصيا ناس انطوائين
يعنى اى انسان انطوائى؟
الانسان اللى بيميل للعزلة غالبا مابيحبش الاختلاط بالناس من الاخر كدا مش اجتماعى
صفات الانطوائى
بيحب يكتب أكتر ما بيحب يتكلم بيحب يعبر عن مشاعره بالكتابه لانه لازم يفكر كويس ويختار اللفظ المناسب للرد لفظ بيراعى شعور الطرف التانى
بيحب العزلة وانه يبقا لوحده لان المناسبات الاجتماعية بتستفذ طاقته وهو بيجدد الطاقة دى بالعزلة والبقاء وحيدا
بيحب النشاطات الترفيهية اللى مش محتاجه مشاركه زى القراءة والكتابه والرسم
ومشاهدة الافلام والالعاب الالكترونية
عنده دايرة محدودة من الاصدقاء قليلين اوى لانه مابيقدرش يكون صداقات بسهولة
عادة بيبقا تركيزه عالى لانه بيفكر كتير فى المواقف ويحللها
ونيجى للسؤال المهم
هل الانسان الانطوائى مريض؟
لأ الانسان الانطوائى مش شخص مريض ولا معقد ولا مفيش عنده زوق فى التعامل
الانسان الانطوائى حالة عادية جدا ممكن نلاقيها بينا كتير ومش معنى كدا انه مش كويس
بالعكس دا ممكن يبقا قائد بارع لان تركيزه عالى جدا
يمكن هو بيحب العزلة بس دا لانه بياخد طاقته منها بعكس الانسان المتفتح
لو كان موجود فى حياتك يبقا تقدره وتفهم
لو انت منهم يبقا تفتخر بنفسك لانك ليك صفات مختلفه عن الناس اللى حواليك
الانطوائى 🤷🏻♀️
- منى محمد
