محدش فينا ما سمعش عن #القرين !!!! 🤔
ده جن كافر موكل بكل واحد فينا وملازم ليه .. !
القرين ده مهمته العظمي انه يخليك تخسرالآخرة .. بس المهمة هتكون أعظم لو خسرك الدنياوالآخرة !!
قال صلى الله عليه وسلم : ( ما منكم من أحد إلا وقد وكل به قرينه من الجن ، قالوا : وإياك ؟ قال : وإياي إلا أن الله أعانني عليه فأسلم فلا يأمرني إلا بخير )
الحديث بيأكد وجود القرين وبيقولنا ان كلهم شياطين يعني (جن كافر) بيأمرونا بالسوء وبيكرهونا في قضاء الله وقدره .. !
الا قرينه صلي الله عليه وسلم ; ربنا أعان النبي عليه فأسلم … فبقي بدل ما يوسوس له بالشر بقي بيعينه علي الطاعه ..
طب ما فيه آية بتقول :
“ إِنَّ عِبَادِي لَيْسَ لَك عَلَيْهِمْ سُلْطَان إِلَّا مَنْ اِتَّبَعَك مِنْ الْغَاوِين “
دي معناها ان الطبيعي ان ربنا بيعين عباده علي الشيطان و وسوسته ..
طب أومال بيدخلنا ازاي .. !!
بيدخلنا من مداخلنا الضعيفه .. !
بيشوفك مخنوق مثلا من موقف ما مريت بيه فيقوم جاي مكمل عليك .. !
-هو ربنا بيعمل معاك كده ليه .. !
-هو ربنا ما استجابش دعوتك لحد دلوقتي ليه .. !
-هو انت مش بتتقي الله ; ليه الهموم والكروب دي كلها .. !
-انت حتي مش قادر تصلي .. !
-انت مش قادر تقرب من ربنا وانت في الهم ده كله .. !
كل دي وساوس شيطانية ..!!
اوعي تستسلم ليها .. !
ربنا خلقك اقوي من الشيطان مليون مرة .. !
وادالك اسلحة وحصنك وعرفك ازاي تنجو من وسوسة القرين .. !
طب ايه هيا الحاجات اللي تخليني محصن من القرين ..!
-اذكار الصباح والمساء..
-الاستغفار وذكر الله ..
-الصلاة ..
-الوضوء ..
-الاستعاذة بالله من الشيطان الرجيم ..
“وإِمَّا يَنْزَغَنَّكَ مِنَ الشَّيْطَان نَزْع فَاسْتَعِذْ بِاللَّهِ .. “
والله كل مشاكلنا في الدنيا والآخرة بسب الشيطان .. !
طب افرض مقدرتش عليه وفعلا استسلمت ليه. . !
لازم أعاقب نفسي وده هيكون عقاب ليه هو كمان ..
* اتبع السيئة بالحسنه تمحها *
*ان الحسنات يذهبن السيئات *
لو ربنا أنعم علي النبي بانه اعانه علي قرينه فأسلم وبقي يأمره بالخير … يبقي احنا نجتهد في اننا نكره قريننا فينا ..!
نخليه يعمل زي ما كان بيعمل مع سيدنا عمر بن الخطاب ..!
كان اذا مر عمر بن الخطاب بطريق ; كان يهرب منه الشيطان ويفزع الي طريق آخر ..
#حارب_قرينك
#احرقه_بذكر_الله
#كرهه_فيك
علي فكرة الشيطان بيكره أوي يشوفك سعيد كده وراضي وهادي البال .. !
بيتعكنن
#عكننوه_انت 😁
