مالا يقضى بالفكر يُقضى بالذكر.. وتُجبر قلوبنا بالتكبير 🤍
ديننا دين التكبير في الأساس .. أكثر فعل متكرر ف الصلاة هو التكبير ، إذا صعدنا مرتفعا أو نصرنا نهتف الله أكبر
شعيرتنا وآذاننا يبدأ بالتكبير وهاهو عيدنا يُعرف بالتكبير
التكبير بالذات له أثر السحر على القلب حقيقي تُجبر لحظيا بفضل الله
ما انساش من كام يوم لما كنت رايحة مشوار ما بخطوات ثقيلة كلها توتر وحزن وخوف .. ولما محل ف المكان كان مشغل التكبيرات لحظيا هدأت نفسي وفضلت مرتاحة ومبسوطة إلي أن جُبرت قبل ما أوصل بيتنا .. واتحولت من واحدة ماشية بخطوات قلقة وخايفة لواحدة بتتمشي وبتلف ف الشارع متونسة بصوت التكبيرات ف الخلفية
فـ الله أكبر حتى نُجبر 🤍🤍🤍🤍
استغلوا أن تكبيرات العيد لسة متاحة لحد عصر رابع يوم العيد وأكثرو من التكبيرات لوحدكم ومع حد .. استعينوا على اي حاجة مزعلاكم دلوقتي بالتكبير موقنين بالله تعالى
هاتي اخرك في التكبير خلي العيد دة فعلا يبقي أكتر عيد كبرتي فيه .. وكدة كدة دي أيام ذكر
وماحدش يقدر ينكر إن تكبيرات العيد بالذات ليها ف القلب أثر وبتفرح أوي ف يلا 🤍
*فترة العيد بتبقي فيها مشاعر كتيرة أوي.. أذنبت بعد وعدي لله عز وجل ف عرفات إني لا أعصي فعصيت ، مشاكل حياتية وتحديات ما بتخلصش حقيقي ، خوف من نتيجة ولا امتحانات ، خوف من فترة بعد العيد نفسها وإننا نرجع لالتزاماتنا تاني
الله أكبر من كل ذلك .. أكبر من ذنبك وضعف نفسك فيغفر لك ، أكبر من همومك وتفكيرك الزايد الدنيا على بعضها لا تسوي عند الله الأكبر جناح بعوضة ، الله أكبر من امتحاناتك وهمتك على المذاكرة ، الله أكبر من كسلنا ومن ضعف نفوسنا وهوانها .
