السلام عليكم ورحمة الله وبركاته.
مبقاش وقت على رمضان خلاص!
هنلحق نستعد؟
محتاجين نتحكم في وقتنا على الفون والسوشيال، إذا حسبنا وقتنا على السوشيال بياخد حوالي ٤ أو ٥ ساعات يوميًا
إذا استغلينا الوقت دا كل يوم ممكن نختم القرءان كل ٣ أيام مثلًا وأقل كمان.
وقت النوم محتاج يظبط احنا لسه في الشتاء
يعني لو نمنا ١٠ وصحينا ٤ كدا أخدنا كفايتنا من النوم وزي الفل.
بتمنعنا من العبادة هي كثرة الذنوب، كثرة الذنوب بتجيب كسل وخمول وتعب والذنب بيجر ذنب..
يبقى التوبة، والاستغفار والذكر عامةً.
القرءان، محتاجين نعمل ورد سماع وورد قراءة وورد تفسير وورد مراجعة
هنختار شيخ صوته بنركز معاه ونسمع كل يوم جزء.
ورد التفسير كذلك لازم ناخد جزء تفسير هو الوقت مش كافي لكن نحاول قدر الامكان من أي كتاب تفسير سهل وبسيط
ورد المراجعة دا على قدر محفوظك وقدرتك في المراجعة وكل حد عارف قدره^^
المهم ننجز قدر كويس ونصلي بيه في رمضان.
ورد القراءة بقا.
لنفترض باقي ٣٠ يوم
هنختم القرءان في ١٥ يوم، وبعدين نختم في ١٠ أيام وبعدين في ٥ أيام
ونكمل رمضان بختمة كل ٥ أيام أو نزود عادي^^
الصلاة، عندنا في اليوم والليلة، ١٧ ركعة فرض، و١٢ نافلة والضحى والقيام والوتر
لو حد مش ملتزم خالص بالنوافل هيعمل إيه؟
هيبدأ بنافلة الفجر والعشاء لمدة أسبوع مثلًا
وبعدها نزود نافلة المغرب مع ركعتين النافلة بعد صلاة الظهر والأسبوع الثالث نزود باقي نافلة الظهر
الخشوع، الصراحة سبب من أسباب عدم الخشوع هو التفكير في الدنيا محتاجين نفصل شوية عن الدنيا واحنا بنصلي
اسمعوا سلسلة كيف تتلذ بالصلاة
وممكن كتب عن الصلاة زي فاتتني صلاة مثلًا
في كتب كتير بس مفيش على بالي")
الذكر، معانا أذكار الصباح والمساء وأذكار النوم كحد أدنى
والذكر المطلق
(استغفار، صلاة على النبي ﷺ، حوقلة، تسبيح، تكبير، الحمد لله)
الذكر المطاق خلوا دايمًا لسانكم رطب بذكر الله هيمنعكم عن الغيبة^^
الصيام، نصوم اثنين وخميس والأيام البيض(١٣، ١٤، ١٥)
التزكية.
محتاجين نسمع دروس عن الاستعداد لرمضان شوف الشيخ اللي بترتاحله ويكون ثقة واسمع منه.
دي أهم الحاجات اللي على الأقل نتشبث فيها لحد رمضان.
