في قعدة صدق مع نفسي
لقيتني ببكي وأنا وحدي
بفكر في اللي عشتُه زمان
وقُلت يارب تهدينى
أنا العبد اللي كان عاصي
وراجع بالذنوب خجلان
لكن عشمان في رحماتك
ومحتاج قلبي قدراتك
تقويني علي نفسي
فيجي النصر من عندك ببركاتك
يارب أكتبها من عندك
لواحد عاش بعيد عنك
بأنه يعود كما المولود
متطردنيش أنا عبدك
أنا مسلم ومؤمن بيك
وجايز يعني مرة أعصيك
لكن قلبي اللي بيحبك
بيحلم إن يوم يرضيك
يارب الرحمه والإنسان
ورب شفيعنا ورسولنا
ورب الوردة والبستان
يارب الكون بكل ما فيه
أنا عبدك وراجع ليك
وعارف إنك الرحمن
