حابة أتكلم عن الصلاة شوية عشان الناس اللي بتتهاون في الصلاة
قال تعالي......
"وَيْلٌ لِّلْمُصَلِّينَ الَّذِينَ هُمْ عَنْ صَلَاتِهِمْ سَاهُونَ"
أما اللي بيأخر الصلاة ليه ويل'يعني وادي في جهنم'
فما بالك بتاركها بقى🥺💔.....!!!
- افتكري دايما إن اللي بيفرق بين المسلم والكافر هي الصلاة، وأول حاجة ربنا هيحاسبك عليها هي الصلاة💚🌿''.
قبل كل فرض استعدي للصلاة، وكأنك رايحة تقابلي حد بتحبيه جدًا جدًا، رايحة وإنتِ ملهوفة، ولو حد سألك رايحة فين قوليله رايحة اقعد مع ربنا شوية، خليه احساس داخلي جواكي💚🌿".
امشي بمبدأ إن صلاتك مش حاجة روتينية ومجبرة عليها، لا بالعكس إنتِ بتكوني رايحة تقعدي مع ربنا شوية، وهتقعدي معاه خمس دقايق بس في كل فرض، تفتكري كتير على اللي أنعم عليكي بكل حاجة💚🌿".
أغلبنا صلاته عبارة عن حركات رياضية بيعملها، ومش حاسس بطعم الصلاة، ولا مستشعر حلاوتها ومعناها، ركزي في كل حركة بتعمليها، وكل كلمة بتقوليها واستشعري معناها، اقرأي بهدوء تام ونوعِ في السور اللي بتقرأيها عشان متسرحيش💚🌿".
استحضري عظمة الله في صلاتك، أحد الأشخاص لما سألوا أنت ليه مش بتسرح في صلاتك قال "عمري ما دخلت المسجد في قلبي حاجة غير ربنا" وسألوا واحد تاني وقال"بتخيل إني بصلي على الصراط، وقدامي الكعبة، والجنة على يميني، والنار على شمالي، وملك الموت خلفي، والله مطلع علي، وإن دي آخر صلاة هصليها وأموت" وطبعًا لو تخيلتي إن دي آخر صلاة ليكي شوفي بقى هتصليها إزاي 💚?🌿".
ربنا بيحب يسمع صوتك، يمكن تتلغبطي في كلامك بس هو عالم إنتِ عايزة تقولي أي، وصدقيني مهما كانت مشكلتك كبيرة وصعبة في آخر كلامك هتحسي براحة مش طبيعية وهتبتسمي لأنك سلمتي امرك لرب العباد💚🌿".
خلي وقت الصلاة هو معاد فضفضتك مع ربنا احكي وقولي كل اللي جواكي ليه تدوري على حد تحكيله همومك ووجعك وربنا موجود وحاسس بيكي أكتر من أي حد💚🥺".
- •إنتِ مسلمة صح !
•آه الحمدلله، أشهد أن لا إله إلا الله وأشهد أن محمدًا رسول الله.
•بس مفيش مسلمة مش بتصلي إنتِ كدا كافرة💔..!
•ازاي يا بنتي أنا مؤمنة بالله وبالنبي محمدﷺ.
•بس مبتصليش والنبي اللي إنتِ مؤمنة بيه قال "العهد الذي بيننا وبينهم الصلاة فمن تركها فقد كفر"
يعني لو موتي دلوقتي هتقابلي ربنا كافرة بمعنى الكلمة🥺💔...!
ادعي لنفسك بكل اللي تتمنيه في يومك واختمي دعائك بحاجات تتمنيها من رضا ربنا في الآخرة من دخول جنته بلا حساب أو سابق عذاب وإن ربنا يهديكي ويرزقك الإخلاص ويتقبل منك ويعينك ويقويكي💚🥺".
ادعي لحبايبك شوفتي واحدة صاحبتك النهاردة مهمومة أو في كرب مثلا ادعيلها، ادعيلها بتفريج الهم، شوفتي صاحبتك التانية بتغلط ادعيلها بالهداية، وحاجات كتيرة جدا ممكن تعمليها💚".
قال رسول الله ﷺ "إن العبد إذا قام يُصلي أُتي بذنوبه كُلها فوضعت على رأسه وعلى عاتقيه 'كتفه' فكلما ركع أو سجد تساقطت عنه" 💚".
قام رسول الله ﷺ "من صلى لله أربعين يومًا في جماعة يُدرك التكبيرة الأولى كُتبت له براءتان، براءة من النار، وبراءة من النفاق" 💚🌿".
لو مبتصليش شوفيلك حل، شوفيلك حل بمعنى الكلمة، إنتِ مينفعش تموتي كدا🥺💔!
إبليس اتطرت من الجنة عشان مسجدش لآدم اللي هو بشر ..! إنتِ اللي مبتصليش لرب آدم اللي هو خلقك واداكي كل النعم دي هتروحي فين💔..!
طب تعرفي إنك لو مبتصليش في الدنيا مش هتعرفي تركعيها يوم القيامة ويا ويلك "يوم يُكشف عن ساقٍ ويدعون إلى السجود فلا يستطيعون" زي ما كنتِ مش بتركعيها في الدنيا يوم القيامة مش هتركعيها بردو،
الحقي نفسك💔...!
إذا كان الوضوء سبباً للمغفرة ، والمشي إلي الصلاة يرفعك درجة ويحط عنك سيئة ، وإنتظارك للصلاة بعد الصلاة رباط ، والدعاء بين الأذان و الإقامة لا يرد ، وبعد الصلاة تدعو الملائكة لك ما دمت في مصلاك !
-فما ظنك بالصلاة نفسها؟"
الصلاة عماد الدين، وتاني ركن في الإسلام، من أقامها أقام الدين، ومن هدمها هدم الدين.. 💔
مبتصليش ...!
= معندكيش دين ....! 💔
