استيقظ ثلاثتهم في الصباح ليصلون فرضهم ويرتدون ملابسهم ، وبمجرد نزولهم للأسفل حتى صاحت ندى بحنق :
- سندس هو أنا كل ما ألبس الطقم ده ألاقيكي لابساه ؟!
- الله وأنا مالي يا لمبي هي بتيجي صدفة والله !! وبعدين انتي لابسة بيچ وأنا نبيتي مش شبه بعض أهو !!
كادت ندى أن تجيب ولكن منعها صراخ آدم الحانق :
- بس انتو الاتنين ايه شغل رياض الأطفال ده !!اعقلوا شوية !!
وجه أنظاره لسندس ببرود :
- اخلصي عشان ورانا شغل بالهبل احنا امبارح ما عرفناش نعمل أي حاجة !!
أومأت سندس بهدوء تتناول طعامها لتغمغم ندى بتذكر :
- اه صح يا آدم آخر الأسبوع في حفلة تبرعات في القاعة اللى جنب المستشفى ولازم أبقى هناك .
عقد آدم حاجبيها بتعجب يسألها :
- تبرعات !! ندى انتِ بتشتغلي في مستشفى خاصة تبرعات ايه ؟؟
هزت ندى كتفيها بعدم معرفة تجيب :
- مش عارفة بس هما بيقولوا إن اللى هيعملها رجل أعمال اسمه حاجة الدهشوري تقريباً .
وهنا توقف كلاهما عن تناول الطعام ينظران لها بصدمة لتجيب سندس من بين صدمتها :
- أمجد الدهشوري !!
صاحت ندى بتذكر :
- أيوة هو ده الاسم انتو تعرفوه ؟؟
ابتسم آدم بسخرية لاذعة يجيب :
- ايه اللى نعرفه ده احنا عارفينه عز المعرفة !! المهم خلصي يلا عشان نوصلك في سكتنا .
وبالفعل فرغ ثلاثتهما من تناول الطعام ليلملوا الأطباق ومن ثم ينصرفوا جميعاً ......
__________________________
ننتقل إلى أحد الأحياء الشعبية لنجد زين الذي استيقظ بفزع إثر ما قالت والدته :
- اصحى يا زين الساعة بقت 10 يا بني !!
- ايه انتِ بتقولي ايه ؟!
أنهى جملته ينهض من الفراش ينظر في الساعة ليجدها مازالت الثامنة لينظر لوالدته بحنق :
- صباح انتِ مش هتبطاب حركاتك دي !!
نظرت له صباح.تلوي صغرها بتهكم :
- وأنا عملت ايه يا اخويا ؟!!
- ولا حاجة يا ماما طلعتيني متأخر على ميعادي ساعة تقريباً !!
نظرت له صباح ببرود تغمغم :
- والله انت لو بتقوم بطريقة تانية كنت قومتك .
أنهت جملتها تخرج من الغرفة لينهض مسرعاً يرتدي ملابسه ويصلي فرضه ويتجه نحو عمله .....
_________________________
كانت مدى تسير في طرقات المشفى لتلتقي ببفاطمة تحتضنها بشدة :
- وحشتيني يا طمطم والله .
أنت تقرأ
التوأمتان
Actionفتاتان مرتا بالصعاب ولكنهما استطاعتا أن تتخطاهما فأصبحت احداهن جراحة والأخرى الطيف ترى هل ستظلان تواجهان الصعاب بمفردهما ام سيأتى من يساندهما سوى اخاهما ❤️
