التوأمتان

الفصل العاشر

بدأت سندس في الإستيقاظ انتقلت لغرفة عادية والتي بمجرد أن استقرت بداخلها حتى وجدت آدم يقترب منها بلهفة شديدة وهو يغمغم :
- سندس حبيبتي أنتِ كويسة ؟؟

نظرت سندس حولها بتعجب لتسأله :
- أنا بعمل ايه هنا يا آدم ؟؟

- الزايدة انفجرت وعملتلك تسمم يا هانم ولما إنها انفجرت يعني كانت ملتهبة بقالها فترة وحضرتك ما بتقوليش !!

كادت أن تجيب ولكن منعها دلوف خالد الذي أردف بحدة بمجرد أن رآها متيقظة :
- أهلاً أهلاً بالهانم اللى بتهتم بكل خلق الله ماعدا نفسها !!

نظرت له بضجر تتحدث :
- بقلك ايه يا خالد انت داخل تكشف عليا صح ؟؟ يبقى تكشف من سكات وأبطل تسخنه ماشي ؟؟

وبالفعل اقترب منها يفحصها وهو يلقيها بنظرات نارية من حين لآخر وما إن انتهى حتى تحدث بهدوء :
- تمام الجرح زي الفل هوقعدي معانا بس لحد الصبح عشان نتأكد إن معدتك شغالة كويس ابتدي اشربي حجات سخنة وكلي بس تاكلي خفيف يا سندس

أومأت سندس بهدوء ليتحدث هو بتذكر :
- اه صحيح أنا خدت لندى أجازة عشان تقعد مع الأخت .

رفعت سندس حاجبها بتعجب تسأله :
- معلش بس في السؤال بس اخت مين اللى ندى هتقعد معاها ؟؟

- هو في حد غيرك معانا هنا تعبان ولا حاجة ؟؟ انتِ ندى هتقعد معاكي انتِ .

ابتسمت بسخرية تسأله :
- و يا ترى هقعد قد ايه ؟؟

نظر آدم لها بهدوء يجيب :
- هتقعدي أسبوع حضرتك .

- انسى اخركوا معايا يومين التالت هنزل عادي .

نظر لها خالد بغضب يجيبها :
- بقلك ايه بطلي استعباط انتي كان عندك تسمم مش لعب عيال هو ..المفروض في حالتك دي تقعدي من اسبوعين لتلاتة بس بما إني عارف إن سيادتك ما بتتهديش فاختصرت على نفسي ونفسك وبقولك هو أسبوع أينعم مش هتغكي السلك غير بعد اسبوعين بس ما علينا هتتحركي خفيف يعني ما الاقيش سيادتك طالعة تجري تمسكي في الخلق ..الجرح هيتفتح وساعتها هنفخك

نظرت له سندس بضجر :
- هنشوف يا خالد الموضوع ده حاضر ..بس دلوقتي ياريت تخلع بقى عشان عاوزة أنام تعبانة .
أنهت حديثها تتدثر تغمض عينيها .....

_____________________

كانت ندى تجلس وهي تكاد أن تنفجر من شدة الغيظ فهي استيقظت فجراً على مكالمة فاطمة لها أخبرها بما حدث :

Flashback

كانت نائمة بعمق شديد فهي لم تنم منذ يومين تقريباً لتستيقظ على صوت هاتفها الذي صدح في الغرفة ، تنهدت بضجر تجيب بنعاس :
- في ايه يا بطة انتو كويسين ؟؟

- احنا كويسين اه أنا بكلمك بس بقلك سندس عاملة ايه عشان مش عارفة أوصل لخالد .

وهنا انتفضت من مكانها تسألها بفزع :
- هي سندس مالها يا فاطمة ؟؟