ياريت قبل ما نقرأ ما ننساش ندعي لاخواتنا في فلسطين إن ربنا ينصرهم ويثبتهم 🩵
قراءة ممتعة 🩵
___________________________________________
قطع ذلك الصمت صوت عز القلق :
- طب والعمل ..ده ممكن يأذيها عادي على فكرة !!
هز عاصم رأسه يجيبه نافياً :
- لا مش هيقدر يأذيها لا هي ولا غيرها ..هو عارف كويس إنه لو فكر يعمل كدة هيتمنى الموت .
أومأت سندس موافقة على قول عاصم :
- عشان كدة أما متطمنة إلى حد ما ..بس ما يمنعش إنه لو حس بالخطر ممكن يغدر في أي لحظة ووقتها مش هتبقى ندى بس يا عاصم هتبقى ندى ومعاها رحمه للأسف .
زفر عاصم بعنف وهو يرتمي على الأريكة بقلق ليردف زين بتفكير :
- طب والعمل ايه دلوقتي ؟!!
دست يدها بجيبها تخرج هاتفها لتعبث به وسرعان ما وضعت الهاتف على أذنها دليلاً على إتصالها بأحدهم وبمجرد أن أجاب الشخص حتى جعلت الهاتف على وضع مكبر الصوت ليصدح صوت نيرين المغتاظ :
- أول ما افتكرتيني مش كدة يا سندس هانم ده انتِ حتى مستخسرة تبعتيلي كلمني شكراً !!
- نيرين مش وقته هزار خالص ..فاكرة أمجد الدهشوري اللى كنا ماسكين قضيته ؟!
- اه فكراه طبعاً ..ماله نيل حاجة تانيه ولا ايه ؟!!
- رهن مستشفى الحياة والأمل ..وطبعاً المستشفى مليانة ناس .
- يعني كدة ندى وريتاچ وفاطمة في خطر ؟!!
- أيوة للأسف ..المهم بس دلوقتي اديني المقدم سليم رئيس المباحث بسرعة الله يكرمك عشان أقولكوا تعملوا ايه .
وبالفعل ما هي إلا لحظات حتى صدح صوت رجولي يردف بصوت رخيم :
- أهلاً يا سندس ازيك ؟؟
- الحمد لله يا سليم بيه ..أنا كنت عاوزة أقولك على حاجة مهمة .
- سامعك اتفضلي .
- أمجد الدهشوري رهن مستشفى الأمل والوفاء وطبعاً هو محبش يعلن عن ده عشان هو بيعلب معانا احنا ولازم اللعبة تبقى في المستخبي حضرتك أكيد عارف .
- عاوزة كام عسكري يا سندس وابعتهملك امتى وفين ؟!
- عاوزة عشرين واحد بس أنا والفريق اللى معايا تسعة يعني هنبقى تلاتين شخص أظن دول كفايا إنهم يمشطوا رجالة أمجد بأمجد شخصياً
- أنا هبعتهملك مع نيرين واتفقي انتِ معاها تقف ازاي ..وخليكي عارفة إن الخدمة أنا مش بقدمها للمخابرات أنا بقدمها ليكي انتِ مخصوص يا سندس .
ابتسمت سندس بامتنان شديد تجيبه :
- شكراً على ثقتك فيا يا فندم وأتمنى إني أكون عند حسن ظن حضرتك .
- هتكوني يا سندس زي ما كنتي أيام ما كنتي بتشتغلي تحت ايدي هنا هتكوني دلوقتي ما تقلقيش .
أنت تقرأ
التوأمتان
Actionفتاتان مرتا بالصعاب ولكنهما استطاعتا أن تتخطاهما فأصبحت احداهن جراحة والأخرى الطيف ترى هل ستظلان تواجهان الصعاب بمفردهما ام سيأتى من يساندهما سوى اخاهما ❤️
