မူဂျီအယ်လ်
🌸pann
Part (1)
" နိုနို.. "
ဆရာမ ခိုင်းတဲ့စာရွက်စာတမ်းတွေ လုပ်ပေးနေချိန် ခေါ်သံကြောင့် လှည့်မကြည့်ဘဲထူးလိုက်ရသေးသည်.. ။
" ဟွန်.. "
" ခုထိ မပြီးသေးဘူးလားဟာ.. ငါတစ်ယောက်ထဲ ထိုင်စောင့်နေရတာပျင်းလှပြီ "
ချိုရိုရဲ့ညီးသံလေးကို ချစ်စနိုးအပြုံးလေးနဲ့ပြုံးမိပြန်သည်.. ။
" မြန်မြန်ပြီးသွားအောင် လုပ်ကူဆိုတော့ ထိုင်နေပြီးတော့.. "
" ဆရာမခိုင်းသွားတာကိုက နိုနိုဆိုတဲ့ရှင့်ကိုပါနော်.. ချိုရိုတို့မပါ "
" ဒါဆိုလည်း ခဏလေးတော့ ပါးစပ်လေးပိတ်ပြီးစောင့်.. ဘေးနားမှာ တဂျီဂျီ မလုပ်နဲ့ "
" ဟွန့်.. စောင့်ကူနေတဲ့ငါ့ကို ကျေးဇူးမတင်တဲ့ပြင် နားညီးလှချည်ရဲ့ဖြစ်နေပြီပေါ့ "
ချိုရိုတို့ကပ်သပ်ပြောလာပြီမို့ ရေးလက်စစာကိုရပ် ဘော့ပင်ချလိုက်ကာ ချိုရိုနဲ့မျက်နှာချင်းဆိုင်ထိုင်လိုက်သည်.. ။
" ကဲ ချိုရို .. မြန်မြန်ပြီးစေချင်ရင် ဒီမှာအသာလေးထိုင်ပြီးငါ့ကိုစောင့် ပြီးရင် မုန့်လိုက်ဝယ်ကျွေးမယ် "
" မုန့်နဲ့မျှားတာပေါ့လေ.. "
" ဘာလဲ မကြိုက်ဘူးလား.. "
" မကြိုက်စရာလား.. လုပ်လုပ် ပြီးတော့မှာလား"
မုန့်ဆိုတာနဲ့ တက်ကြွသွားတဲ့ ချိုရိုကိုကြည့်ပြီး ပြုံးမိသည်.. ။
" ဒီတစ်မျက်နှာပဲလိုတော့တယ် ခဏစောင့်.. "
" ဪ အေအေး.. မြန်မြန်ရေး "
ရေးရင်းနဲ့ခေါင်းလေးညိတ်ပြရသည်.. ။
နိုနိုက စာအတော်ဆုံးမဟုတ်ပေမယ့် စာတော်တဲ့အဖွဲ့ထဲတော့ပါပါတယ်လေ.. ဆရာမတွေနဲ့လည်း နည်းနည်းပါးပါးရင်းနှီးတာမို့ ဆရာဆရာမအလုပ်တွေ တစ်ခါတစ်ရံကူလုပ်ပေးရသည်.. ။
ကူလုပ်ပေးရတဲ့အချိန်တိုင်း တစ်ယောက်ထဲသောသူငယ်ချင်းမလေးချိုရိုကို အဖော်ခေါ်ထားတတ်စမြဲပဲ.. ။
YOU ARE READING
မူဂျီအယ်လ် (Unicode)
Romance" အဟွန့် ရယ်ရတယ်.. ရင်ခုန်သံတွေကို အလှပုံးလေးထဲထည့်ပြီး ထာဝရသိမ်းထားလို့ရလား အခုရင်ခုန်သံနဲ့နောက်ငါးမိနစ်ရင်ခုန်သံတောင် တူတာမဟုတ်ဘူး.. အရင်ကခံစားချက်တွေဆိုပိုဆိုးသေးတယ် မတည်မြဲတဲ့ထဲမှာရင်ခုန်သံလည်းပါတယ်နော် သတိလေးကပ်အုံး " မချစ်ခဲ့ဖူးတဲ့နှလုံးသားက ပ...
