မူဂျီအယ်လ်
🌸pann
Part (21)
" တောက်.. ဘယ်အချိန်ရှိနေပြီလဲ မင်းသားတော့မဟုတ်တော့ဘူး ကေဇင် "
ကိုကို အိမ်ပြန်မရောက်လာသေးတော့ ဦးလေးက တောက်တစ်ခေါက်ခေါက် နဲ့.. ။
အန်တီကလည်း မျက်နှာလေးညိုးလို့.. ။
" ဂွန်း.. တစ်ခုခုဝင်ပြောအုံးလေ "
အနားမှာထိုင်နေတဲ့ ဂွန်းကို နိုနို တီးတိုးလေးကပ်ပြောရသည်.. ။
အိမ်မှာဆို ခုလိုမျိုး တစ်ခါမှမကြုံဖူးတော့ နိုနိုနေရတာအသားမကျ.. ။
ကိုယ့်ကို ဆူနေပြောနေတာ မဟုတ်ပေမယ့် စိတ်ဖြောင့်ဖြောင့်နေမရ.. ။
နေရတာ မလွတ်မလပ်နဲ့...
" ကျွန်တော်က ဘာဝင်ပြောရမှာလဲ.. "
ဂွန်းကလည်း နိုနိုပြောသလို အနားကပ်ပြီး တီးတိုးလေးပြန်ပြောသည်.. ။
" နိုနိုလည်း မသိဘူးလေ.. တစ်ခုခုဖြစ်ဖြစ်ပေါ့ "
နိုနိုလည်း ပြောစေချင်ပေမယ့် ဘာပြောလို့ပြောရမှန်းမှမသိနေတာ.. ။
" တောက်.. "
" ........... "
ဦးလေးက တောက်ထပ်ခေါက်ပြန်တော့ နိုနိုမှာပိုနေမရ.. ။
နာရီလည်းမော့ကြည့်ရသေးတယ်.. ။
" ကိုကိုကလည်း စောစောပြန်မလာဘူး.. ဦးလေးက စိတ်တိုနေပြီကို "
" နိုနိုကို ကြိုပြောပြထားမယ်.. ကိုကိုနဲ့အဖေကဒီလိုပဲ ဘာမှကြောက်မနေနဲ့ "
" အမြဲဒီလိုကဘာလဲ.. ဘယ်လိုပြောတာလဲ "
" ကိုကိုနဲ့အဖေက တည့်တာ မဟုတ်ဘူး နိုနိုရဲ့.. အခုမှအစမို့ပါ နောက်တော့နိုနိုသိသွားမှာပါ "
" ဟင်.. "
ဂွန်းကသာ ပုံမှန်အေးဆေး ပြောနေနိုင်ပေမယ့် နိုနိုမှာတော့ မထိတ်သာမလန့်သာနဲ့.. ။
နာရီကတရွေ့ရွေ့.. ။
ကိုကိုကပြန်မလာသေးဘူး.. ။
ဦးလေးက ကိုကို့ကို ဆူမှာပြောမှာငေါက်မှာကို နိုနိုမှာကြားထဲကနေ စိုးရိမ်နေရသည်.. ။
BẠN ĐANG ĐỌC
မူဂျီအယ်လ် (Unicode)
Lãng mạn" အဟွန့် ရယ်ရတယ်.. ရင်ခုန်သံတွေကို အလှပုံးလေးထဲထည့်ပြီး ထာဝရသိမ်းထားလို့ရလား အခုရင်ခုန်သံနဲ့နောက်ငါးမိနစ်ရင်ခုန်သံတောင် တူတာမဟုတ်ဘူး.. အရင်ကခံစားချက်တွေဆိုပိုဆိုးသေးတယ် မတည်မြဲတဲ့ထဲမှာရင်ခုန်သံလည်းပါတယ်နော် သတိလေးကပ်အုံး " မချစ်ခဲ့ဖူးတဲ့နှလုံးသားက ပ...
