မူဂျီအယ်လ်
🌸pann
Part (19)
" ဟာ ဒီကိစ္စနဲ့ကျွန်တော်နဲ့က ဘာဆိုင်လို့လဲ.. "
ဗိုရမ် အစကငြိမ်နားထောင်ရင်းကနေ ထပေါက်ကွဲပြီ.. ။
" ဆိုင်တာ မဆိုင်တာတွေ ငါ့လာမပြောနဲ့ ဗိုရမ်.. ဘေးပတ်ဝန်းကျင်က နိုနိုနဲ့မင်းနဲ့ကိုဘယ်လိုတွေထင်နေပြောနေကြတယ်ဆိုတာ မင်းသိလား "
" ပေါက်ပန်းလေးဆယ် လျှောက်ပြောတိုင်း လိုက်ဂရုစိုက်နေရမှာလား.. "
" မင်းကဂရုမစိုက်လည်း ရတယ်.. ဟိုဘက်ကသမီးမိန်းကလေး သူ့ဂုဏ်သူ့တန်ဖိုးက ပတ်ဝန်းကျင်အလယ်မှာပြောစရာဖြစ်နေရင် မင်းတာဝန်ယူပေးသင့်တယ် "
" တာဝန်ယူရလောက်အောင် ကျွန်တော်သူ့အပေါ်မှားတာတွေ မှန်တာတွေတစ်ခုမှမရှိခဲ့ဘူး.. "
" မင်းက နိုနို့ကို လက်မထပ်နိုင်ပါဘူးလို့ ငြင်းချင်နေတာလား.. "
" ဘာမှမဖြစ်ကြတဲ့ ကိစ္စကို ဘာလို့ဖြစ်ပါတယ်လို့ခေါင်းညိတ် ဝန်ခံရမှာလဲ.. အဓိပ္ပာယ်မရှိတာ ကျွန်တော်တို့နှစ်ယောက် လက်ထပ်လိုက်ရင် သူတို့ထင်တာဟုတ်ပါတယ်ဖြစ်သွားမှာပေါ့.. "
" ဟုတ်တာ မဟုတ်တာတွေ ဂရုစိုက်နေတယ်လို့ မင်းထင်နေလား ဗိုရမ်.. လူတိုင်းကိုယ်လိုမမှတ်နဲ့ ဒီကိစ္စကြောင့်နိုနိုလေးမှာတော်တော် ပြောခံနေပြီ.. သူဒီလိုဖြစ်ရတာလည်း မင်းနဲ့ပတ်သက်ပြီးဖြစ်တာလေ ဒီတော့မင်းတာဝန်ယူကိုယူရမယ် ဗိုရမ် "
" ဟာ.. ဇွတ်အတင်းပါလား အဖေ "
" ငါ့စကား မင်းနားမထောင်ခဲ့သမျှ ငါမပြောသေးဘူး.. ခုဒီတစ်ခေါက်တော့ မင်းငါ့စကားနားထောင်ကိုထောင်ရမယ် "
" လက်ထပ်စရာမလိုဘဲ တခြားနည်းလမ်းနဲ့ ကျွန်တော်ရှင်းမယ်.. "
" မင်း တော်တော်လက်ပေါက်ကပ်ပြီး ပြောရခက်ပါလား ဗိုရမ်.. မင်းရှင်းစရာဘာမှကိုမလိုတော့တာ ငါတစ်ခါထဲသမီးတောင်းလာပြီးပြီ အကုန်ပြောထားဆိုထားပြီးသွားပြီ.. "
" ဟာ ဒီကိစ္စမှာ ကာယကံရှင်ဖြစ်တဲ့ ကျွန်တော့်ကိုတောင် အသိမပေးဘဲ လုပ်သွားတာတော့ လွန်တယ်.. နိုနိုကရော လက်ခံတယ်တဲ့လား "
ESTÁS LEYENDO
မူဂျီအယ်လ် (Unicode)
Romance" အဟွန့် ရယ်ရတယ်.. ရင်ခုန်သံတွေကို အလှပုံးလေးထဲထည့်ပြီး ထာဝရသိမ်းထားလို့ရလား အခုရင်ခုန်သံနဲ့နောက်ငါးမိနစ်ရင်ခုန်သံတောင် တူတာမဟုတ်ဘူး.. အရင်ကခံစားချက်တွေဆိုပိုဆိုးသေးတယ် မတည်မြဲတဲ့ထဲမှာရင်ခုန်သံလည်းပါတယ်နော် သတိလေးကပ်အုံး " မချစ်ခဲ့ဖူးတဲ့နှလုံးသားက ပ...
