မူဂျီအယ်လ် (Unicode)

Part (32)

မူဂျီအယ်လ်

🌸pann

Part (32)

နိုနို စိတ်မကြည်နေ.. ။

ကိုကိုတို့များ အလုပ်တွေများနေတာလေ.. အဖေနဲ့ညီနဲ့အချိန်တွေမျှပေးနေတာ ။

အိမ်ကနိုနို့ကိုတော့မေ့နေလေရဲ့..

အိမ်ရောက်တာနဲ့အလုပ်ကိစ္စအတွက် ရှုပ်နေတာမပြီးတော့ဘူး.. ။

သူ့လောကထဲမှာ နိုနို ရှိနေသေးတာကို မှတ်ရောရသေးရဲ့လား မပြောတတ်ဘူး.. ။

ဒီနေ့လည်း အိမ်ပြန်နောက်ကျမယ်တဲ့..

ကောင်းပါ့.. ကောင်းပါ့ မိသားစုနဲ့အဆင်လေးပြေတော့ အရာရာမိသားစုကထိပ်က ။

နိုနိုတို့ကချောင်ကပ်လို့..

" မုန်းချင်စရာ ကောင်းတဲ့ လူ.. "

နိုနို ပါးစပ်က တီးတိုးရွတ်ရင်း နောက်ဖေးဘက်ဝင်လာတာ.. ။

တစ်ယောက်ထဲ ဆိုတော့ ပျင်းပျင်းရှိတာနဲ့ တစ်ခုခုစားဖို့လုပ်ရသည်..

" ဟင်.. ဒါက ဘာကြီးလဲ "

မုန့်လေးစားဖို့ လာတာပေမယ့် ပုလင်းလေးတွေ့တော့ ယူကြည့်လိုက်သည်.. ။

အနံ့လေးခံကြည့်တော့..

" ဘာလဲ.. ဝိုင်ကြီးလား "

ဘယ်တုန်းက ဒီနားရောက်နေပါလိမ့်.. ။

သူ့နေရာသူ ပြန်ချပြီး မုန့်သာစားဖို့ ကြည့်နေရင်း မျက်လုံးလေးက ပုလင်းဆီပြန်ရောက်သွားသည်..

' နည်းနည်း သောက်ကြည့် ကြည့်ရမလား.. '

မုန့်လေးကို ချရင်း  ပုလင်းကိုပြန်ကိုင်ရသည်..။

" ဟီးဟီး.. စမ်းသောက်ကြည့်ရမယ် "

နိုနို ပုလင်းလေးကို ကိုယ်မှာပိုက်ထားရင်း..

" ဒါမျိုးဆိုတာ အထာကျကျ ဝိုင်ခွက်လေးနဲ့ သောက်ရမှာ.. "

အလှသပ်သပ် သဘောကျလို့ ဝယ်ထားတဲ့ ဝိုင်ခွက်လေး နှစ်ခုရှိတာကို နိုနိုထုတ်လိုက်သည်..

" အိုခေ.. မုန့်လည်း နည်းနည်း ယူရမယ် "

နိုနို လက်ထဲဝိုင်ပုလင်းနဲ့ မုန့်တွေပြည့်လို့..။