រឿង ♡ចាញ់កលស្នេហ៍ក្រមុំឆ្នាស់♡

រឿង : ចាញ់កលស្នេហ៍ក្រមុំឆ្នាស់

ភាគ២៤ + ២៥

សូមអានដោយក្ដីរីករាយ

បន្ទាប់ពីនិយាយគ្នាចប់ ជុងយ៉ុនហើយនិងអាយរីនក៏បំបែកគ្នាចូលថ្នាក់រៀនរាងៗខ្លួន ។

ក្រឡេកមកមើលកម្លោះសង្ហា សុងហ៊ុនឯនេះវិញម្ដង គេកំពុងយកឡានមកទុកតាមតួនាទី ។កាយមាំឈានជើងចុះពីលើឡាន រៀបចំសណ្តាប់ធ្នាប់ខោអាវឲ្យបានរៀបរយ បម្រុងនិងទៅថ្នាក់រៀន តែក៏មានសម្លេងក្រល៎មួយស្រែកហៅឈ្មោះរបស់គេដោយភាពស្និតស្នាលគេ÷

" សុងហ៊ុន " ម្នាក់នោះគ្មានអ្នកណាក្រៅពីកម្លោះសង្ហា
ជេខេ ដេលីចនគ្រេស៍
(ហៅជុងហ្គុក) ជាមិត្តជិតស្និទ្ធរបស់សុងហ៊ុន គេក៏យកឡានមកទុកដូចគ្នា ស្រាប់តែទាក់ភ្នែកមកឃើញមិត្តសម្លាញ់ក៏ហៅទាំងចម្ងល់ ព្រោះមិនដែលឃើញមិត្តមានឡានជិះ។

" អ្ហា៎!ជុងហ្គុក ឯងយកឡានមកទុកឬ? "

" អ្ហឺម!ចុះឯងទើបតែទិញឡានថ្មីឬ? Wow នេះគឺ Lamborghini Veneno Roadster ទេតើ តម្លៃវារាប់លាន ឯងមានលុយទិញដែឬ? " ដែលសួរមិនមែនគេចង់មើលងាយមិត្តទេ តែតាមធម្មតា សូម្បីតែទឹកសុទ្ធ ក៏សុងហ៊ុនស្ទើតែមិនហ៊ានចំណាយផង ចុះទម្រាំឡានតម្លៃរាប់លាន។

" អត់ទេមិនមែនឡានយើងទេ យើងមានលុយមកពីណាទិញនោះ ឯងក៏ដឹង "

" អញ្ចឹងឯងលួចគេឬ? "

ឃូស!!!

សុងហ៊ុនខោកក្បាលជុងហ្គុកមួយក្រញ៉ ក្នាញ់និងភាពល្ងីល្ងើរបស់មិត្តពេញទំហឹងហើយ គិតឃើញយ៉ាងម៉េចថាគេទៅលួចឡាននេះមក ទោះជាក្រអត់ឃ្លានយ៉ាងណាក៏គេមិនធ្វើចោរដែរ ។

" ស្អីហា៎ បិុនឹងចាំបាច់ហិង្សា " ជុងហ្គុក អង្អែលក្បាលខ្លួនឯងតែគេមិនខឹងនិងសុងហ៊ុនទេ ពួកគេទាំងពីរតែងតែបែបនេះ លេងមិនចេះប្រកាន់គ្នា ទោះជាជុងហ្គុកគេជាកូនអ្នកមាន ខុសពីសុងហ៊ុន ដែលត្រឹមជាកូនអ្នកក្រីក្រមកពីជនបទ ក៏ជុងហ្គុកមិនដែលខ្វល់ដែរ មានក្រក៏ជាមនុស្សដូចគ្នា សំខាន់មិត្តភាពពិតគេមិនគិតពីរឿងមានក្រទេ។

" ឡាននេះជាឡានរបស់បងស្រីខ្ញុំ "

" បងស្រី? ក្រែងឯងប្រាប់ខ្ញុំថាឯងជាកូនបងមិនអញ្ចឹង " ពួកគេដើរនិយាយគ្នាបណ្ដើរអមតាមផ្លូវទៅថ្នាក់រៀន ដោយសារថ្នាក់របស់ពួកគេនៅជាន់ទី៣ទើបពួកគេមានពេលនិយាយគ្នាយូរ។